清明節4套電影：摘星廚神．巴黎夢；MINECRAFT：我的世...
本帖最後由 lamwaikit007 於 2025-4-5 01:44 編輯今天趁清明節，一天內看了4套電影：摘星廚神．巴黎夢；MINECRAFT：我的世界大電影 (粵語版)；贖夢和穿越時空の初吻。
頭三套在筲箕灣銀河廣場的嘉禾戲院觀看（“嘉禾銀河”），第四套則在康怡廣場MCL戲院。
如之前有谷友說，嘉禾銀河已經變了做一間自助戲院，唔見有櫃檯服務員，之前售賣嘅戲院週邊產品貨品和貨架亦已全部搬走，只是欠電視機、爆谷機和汽水雪櫃未搬走。究竟嘉禾銀河是盡量減低margin loss或是命不久矣，真係唔知了。希望它捱到啦。始終 $36-$40 一張戲票，真是平通香港區，就算有些上映的電影未必好睇，但可以滿足我的好奇心，知道套戲說什麼？
講番正題，第1套“摘星廚神．巴黎夢”，會睇主要是因為 想睇 鈴木京香。冇睇電視劇，所以同感不大，對我來說，睇完冇乜Feel。
第2套 “MINECRAFT：我的世界大電影 (粵語版)”，小朋友電影，如果不是粵語版，我估我可能會瞓著。我睇的場次都是小朋友多，但都算安靜。但有一奇遇，見到兩父子，可能是買了原本2個位置可能太遠，所以搏懵坐其他位，結果搏錯2次，2次坐位的原有人都說他們坐錯位，有點瘀囉。唉！
第3套“贖夢”，唔錯。有提醒世人意味：商業社會裡面，唔好以為做咗壞事唔會有報應，只是時辰未到。香港電影，值得支持。
第4套“穿越時空の初吻”，時空愛情故事，真係唔敢肯定15年前的松隆子畫面是否 P過？45歲的她，雖有中女味，但仍然ok。認唔到 “森七菜” ，有點失敗。結局改變唔到，但過程改變了，15年的婚姻亦因為松隆子提醒了松村北斗要如何珍惜，變了無遺憾的婚姻。
總結來說，港產片“贖夢”值得入場一看。喜歡愛情片種的，“穿越時空の初吻” 可以一看。
頁:
[1]