台仔投影機 ? 喊定笑？
多謝美股，小弟有多少少零用錢買玩具，所以入手咗之前一直留意緊嘅E2 投影機
依部機揸上手，金屬感覺滿滿，部機重量大概兩部iPhone咁上下，尺寸大約一個手掌，非常輕巧，放入背囊絕對冇感
部機大概可以用3.5-4個鐘頭，而且亮度唔似佢講到得300 LED 流明，個人感覺似接近900，都幾surprise
機底仲有1/4螺絲位，方便腳架或者其他投影架，另外都有個小小螺絲，做角度嘅微調；喇叭都非常大聲，但係冇乜低音
即刻試咗最近好Hit嘅silent Hill Remake 2，最啱熄晒燈試吓恐怖效果
老實講，暗位始終唔夠，去到一啲黑位，或者一堆比較暗嘅畫面，就會變成一堆嘢
如果搵返啲比較光，或者顏色鮮艷嘅遊戲，完全冇問題，輕鬆影70-80吋 (最盡好似話去到100)
無線投影方面都好簡單，同平時Chromecast嗰啲原理一模一樣，基本上用到嘅Platform都支援到
用咗一個禮拜打機之後覺得，整體嚟講十分唔錯，喜出望外嘅係，光度似乎比描述嘅更加光，目測非常接近全高清，出面大陸品牌雖然好平，但係個感覺光度始終同描述有差，同埋手感始終差好遠
總括而言，台仔機滿足到基本嘅要求，合格的 之前試過用啲內地機，玩咗幾個月就收檔⋯ 1234mdhui 發表於 2024-11-5 09:13
之前試過用啲內地機，玩咗幾個月就收檔⋯
最大問題係寄上去非常麻煩；如果喺香港買又貴人一截⋯保養，咪又係寄返上去
利申：之前試過 呢類機仔通常玩兩玩就放埋一邊{:6_136:} EzraMiller 發表於 2024-11-6 14:19
呢類機仔通常玩兩玩就放埋一邊
對,畫質同電視比差太遠.又要熄燈,只係畫面太啲,去到80吋其實已經好爛.放得細就不如用翻電視機. Kowloonman 發表於 2024-11-7 08:06
對,畫質同電視比差太遠.又要熄燈,只係畫面太啲,去到80吋其實已經好爛.放得細就不如用翻電視機. ...
我都有同感，所以冇將佢直接同電視比，我都係主人房投大約50/60吋左右{:1_343:} 1234mdhui 發表於 2024-11-5 09:13
之前試過用啲內地機，玩咗幾個月就收檔⋯
就係之前貪平淘寶買咗，點知兩野就收咗檔，寄上去又話要乜嘢批文，到最後真係放咗喺度
Actually i am 振興香港經濟 {:1_345:} Keithtam0808 發表於 2024-11-11 09:48
就係之前貪平淘寶買咗，點知兩野就收咗檔，寄上去又話要乜嘢批文，到最後真係放咗喺度
Actually i am 振 ...
依部我之前都有留意，不過最後買咗佢同門師兄弟
頁:
[1]