焚城 (Cesuim Fallout) 放射廢料政治寓言
https://youtu.be/sRfMVuXoHI0?si=xEavmKydazTdFAvq 我又有影評！！{:12_753:}未入場之前，多數都係聽到「劉華不了，填海不了」。本來都冇諗住睇呢套《焚城》的。不過見到真係有好多而家電影界新一代嘅演員加入，例如王丹妮（Louise）、廖子妤（Fish）、何啟華（Dee）、魏浚笙（Jeffrey）及梁仲恆等等，但為咗希望可以支持一下電影業嘅後生演員，所以就同老婆一齊去睇早場，諗住呢啲合拍片都唔會有咩驚喜，早場諗住平平地，就算唔好睇都唔會太伏呢。{:12_763:}
一開場的確係比劉華既表情抽離咗小小，頭５分鐘入唔到局。之後開始去到消防局就好好多。套戲你問我劇情有冇犯駁位？係有嘅，但其實成套戲有2小時，完全唔難過，唔洗睇錶，亦冇打喊路，套戲唔算太多拖戲位。真心講，淨係睇新演員都好好睇。劉華嘅戲份唔會霸哂成套戲，但要有佢嘅地方都應該要有，而劉華角色嘅轉變亦都係好合理。因為自己一個公事上嘅錯誤而冇咗個老婆，成個家庭散哂，正常人都會好後悔同好想補救，所以劉華個人設係正常嘅。{:12_774:}
成套戲其實消防嘅部分係最重要，政府嘈嘈閉只係中間讓人知道政府部門有時因為要「顧全大局」而做錯決定嘅原因係乜。想講返，依家香港仲可以拍呢啲題材同故事，都真係要多謝編劇們小心翼翼地去將政府人員嘅設定講得恰到好處，唔多唔小，唔會掂到條線之餘，又可以講出佢地既自私，怕事，多做多錯，小做小錯等等。因為睇得出，如果有啲位再深入小小，呢套戲一定上唔到，之後剪到七零八落，最尾就會不倫不類！好彩依家咁樣都錯整齊！{:12_772:}
老實講，消防頭目嘅角色我唔知係邊個演的，之後先知原來佢叫 白宇，國內演員。佢雖然係配音，不過好彩唔會令人唔舒服，入唔到戲。當然仲有老戲骨謝君豪嘅演出，都令電影可以流暢同自然的！{:12_765:}
講到新演員，魏浚笙（Jeffrey）真係好新，睇到佢嘅演技有青澀。不過唔緊要，靚仔夠搭，佢真係大把時間{:12_763:}！希望佢KEEP到啦~ 梁仲恆又一個好有水準的演出，夠真已經係做得好好！廖子妤（Fish）做佢女友真係夾哂，冇得頂！王丹妮（Louise）唔算有太多發揮，不過冇佢就托唔起國內演員白宇主角嘅感情位，佢令到呢位香港素未謀面嘅演員 白宇 可以更立體！
太多內容就唔多講了。呢套戲可能大家都未必會想入場支持，因為係合拍片，呢點我明白，不過如果客觀啲講，災難電影以香港做背景，可以聽廣東話，又冇歌頌政府點樣醒目叻仔地解決災難，又唔會核突CＧ（不過有D位的確係有D低能的{:12_763:}) 呢套戲係算合格有餘，有79分。扣咗嘅分係咩？就係唔想比80分囉！
完!!!{:12_774:}{:12_774:}{:12_774:}{:12_774:}{:12_774:}{:12_774:}{:12_774:}{:12_774:} (10個{:12_774:}滿分)
小瑟 發表於 2024-11-1 22:17
我又有影評！！
未入場之前，多數都係聽到「劉華不了，填海不了」。本來都冇諗住睇呢套《焚城 ...
八卦問句，你睇的場次，是否優先場？
如果係，你看的結局是現在公映版的結局，或是有如Facebook 群組流傳所說的另一更悲慘結局？當然，如果你簽了優先場或神秘場的保密協議，那便不需透露了。
如果不是優先場，那便沒有事了。
Thanks 唔係呀我睇嘅只係普通早場要畀錢嗰啲呀！！ 我睇果個都係大團圓結局雖
頁:
[1]