唐族魚玄機食評
少係呢邊出post，不過有新野都想毒下呢到既師兄😜😜😈😈首先魚玄機一開聲既印象係舒服大氣既，官方宣稱佢音色係適合聽古典/人聲錄音有加乘，咁就緊係試呢兩part啦，可能得益於單動圈拓撲振膜同半開放式鋅合金外殼既設計，聽弦樂同風琴類古典會留意到中高頻既通透同空氣感都幾強，三頻銜接度幾好。人聲方面反而未如古典樂風一樣展示到強項，雖然人聲密度中等唔厚唔聚耳，但亦未至於順滑，如果遇着錄音質素差既track會更為明顯，聽得到輕微顆粒感。
既然有不足，咁即係有進步空間啦！所以早兩日就索性同古仔線成set咁煲。
以下係魚玄機 + 古仔旗艦線火岩毒物（連對錄） + 尊屬膽擴 + 山靈M1 PLUS 煲左50個鐘後既少少簡評：
古典樂風表現依然強勢，配古仔火岩毒物線（黑鐵合金加紅銅油浸材質）耳機線加對錄線打孖上，輕易聽得出超高頻細節多左，小提琴尾音再清晰啲，音場闊度廳堂感已經開始有啲脫離iem size範圍。到返人聲，落埋膽仔擴先發現原來之前怪錯左魚玄機，係夠推力加膽味既新框架之下，魚玄機既人聲係完全兩種味道，之前M1 Plus直推既顆粒感完全無晒，反而多左一份自然同柔潤既人聲，個中頻推得返出黎但又唔影響到人聲前後位置既比例。另外留意到個背景好黑好靜，駁幾part野都唔覺有底噪，呢部份抵讚。 至於弱點就一定係膽擴發熱程度，佢唔係一般既熱，係冬天攞黎做暖蛋都會嫌佢辣手，除非我移左民去西伯利亞，否則我唔會係佢最熱嗰下刻意去掂佢。
結論就係，以上呢set俾到我既聲足夠退燒，有時原來用靚線夾落啲平野到個提升係咁顯著，黎緊都應該一段時間閒置部SP3000玩呢set。 報到😅 ip_csl 發表於 2024-10-26 11:12
報到😅
師兄 LP6ti 直推效果如何啊? {:8_389:} 呢隻係FB都見好多人分享......C/P值好高的說!!!! feverheadfi 發表於 2024-10-26 23:44
師兄 LP6ti 直推效果如何啊?
個人覺得這耳機不易推,夾Lp6 發揮好過手上另一部E7. 本帖最後由 feverheadfi 於 2024-11-2 10:05 編輯
ip_csl 發表於 2024-11-2 00:13
個人覺得這耳機不易推,夾Lp6 發揮好過手上另一部E7.
同意啊, 我用部sp3000推都好似未推盡, 反而M1 Plus (Low gain Vol 40)加部膽仔擴又好似推得反個畫面。
另外M1 Plus我唔敢開Line out去部擴到，因為底嘈太勁又拆聲，我怕玩死條魚個單元{:12_721:}
頁:
[1]