年尾來一個大瘦身
本身用開一套老麥前後級，配一對Wilson audio watt 8既我，係呢個年尾終於因各種原因來一個大瘦身，將前後級同喇叭都賣走晒，靜係留返部CD機同個鐘，左思右想下最終仆錘呢對KEF LS60，
貪佢All in one得黎亦都有rca模擬輸入，可以比我用返部CD機做解碼輸出，
係唔太高要求情況下連前級都慳返，雖然Ls60內置串流解碼，
但眼見淘仔部A6大師版個價錢咁吸引，所以都係入埋返來當純串流播放器直出比二嫂解碼用
暫時聽左一星期左右，對Ls60既表現絕對對得起佢既售價，而係我既聆聽空間就唔需要加超低都已經有唔錯既低頻
相信再比多啲時間佢，應該會有更好表現
退燒減磅，多聽音樂少聽音響都係好事。
但之前係老麥前後配watt，現在會否若有所失？ koalaau 發表於 2024-10-8 01:14
退燒減磅，多聽音樂少聽音響都係好事。
但之前係老麥前後配watt，現在會否若有所失？ ...
落差就一定有啦，始終完全唔同級數，但心態調整好，係現有器材玩到最理想合自己既聲，就可以收貨啦 師兄咁大幅瘦身真係要好大決心🙇…我自己都諗住少聽CD賣走左部K03-XD換部平野算，結果三個月唔夠要買番部馬仔SA-10 先得🤣 Foreverwest 發表於 2024-10-8 14:56
師兄咁大幅瘦身真係要好大決心🙇…我自己都諗住少聽CD賣走左部K03-XD換部平野算，結果三個月唔夠要買番部馬 ...
我都有諗過賣走K05xd，但同朋友傾過，自己都聽過，覺得留返底會比較好，始終佢既解碼都有返咁上下，我而家買部串流都係比返佢做解碼 恭喜師兄👏🏽👏🏽👏🏽
按下心理陰影，你現在套機比以前好聽一d都唔出奇呀！
起碼會爽快啲 Benip 發表於 2024-10-8 07:54
落差就一定有啦，始終完全唔同級數，但心態調整好，係現有器材玩到最理想合自己既聲，就可以收貨啦 ...
呢個轉變，我諗心態與要求都要有深度調整。 相信很多人玩HiFi都係為聽音樂所以HiFi其實只係重播音樂工具而已合自己要求便ok，曾識得有位住新界村屋古典發燒友家有過250尺聆聽空間内有千隻黑膠及五百多隻CD或SACD，但器材除馬仔SACD機外只是一套80年代出產當時售四千多元Philips套裝音響喇叭也只是跟機8寸3路座地喇叭。悉心保養下部機仍光潔如新除更換損耗零件如唱針及卡座皮帶外幾乎未曾維修但機主沒有更換打算（機主身家數拾萬器材也可負擔）。他說：我喜歡是音樂不是器材聽到不太差便滿足了。 LOENDFANS 發表於 2024-10-9 13:20
相信很多人玩HiFi都係為聽音樂所以HiFi其實只係重播音樂工具而已合自己要求便ok，曾識得有位住新界村屋古典 ...
每個人要求都不一樣，加上時代科技不斷進步，我都承認新一代既器材一定能夠帶出更豐富的細節，但舊有既器材又可能多返份冇咁數碼既感情味，所以其實可以有好多不同配搭去玩出自己鍾意既聲 係呀，最緊要自己喜歡嘅聲音表現
頁:
[1]
2