[開箱] Nacon Revolution 5 Pro / Daija 電競級 手掣
本帖最後由 阿定 於 2024-9-19 16:17 編輯今次開箱的係由PlayStation授權，Nacon 出品的電競級手掣同JoyStick
首先要介紹的係Nacon Revolution 5 Pro手掣
跟來的配件有好多，主要係有手製袋，USB接收器，USB線，同一盒專用配件
正面睇，係傳統的電腦/Xbox用手掣的擺位，兩個Analog Stick打對角，同平時的PS擺位不同，而搖桿使用Hall effect (霍爾) 技術，解決了用耐了Analog Stick會飄移的問題
反轉後面亦會發覺比電競手掣常見的額外按鍵，大家可以用電腦軟件自定操作，玩起來就更得心應手，而Trigger鍵亦有得較深淺，方便FPS遊戲開搶時用
設有Profile鍵，只要將手掣駁到電腦，專用軟件就可以自訂四種唔同的按鍵組合，方便針對唔同類型的遊戲作出唔同的部署，另有可轉換PC/PS5或PS4用的選擇器 及 使用Advanced/Classic mode的選擇器
頂部亦可插上USB線叉電或改用有線方式連接，減少無線連接的問題
配件盒有唔同重量的金屬條，唔同的鍵帽等
拆開黑色後蓋就可以幫手掣加重
鍵帽有唔同高度，十字掣亦有唔同設計，隨自己喜愛更換
有兩個圈用來墊高Analog 掣，用來改善盲點問題
仲有一個3.5mm的Dongle
插上後就會變成一個藍牙聲音輸出轉駁器，可以接駁自己的藍牙耳機 (支持BT5.2)，解決PlayStation不支援一般Bluettoth耳機的問題
總結: Nacon Revolution 5 Pro 適合 Play to Win 但唔係 Play for Fun 的玩家，主要原因係手掣不支援DualSense的自適應扳機同埋觸覺回饋(震動)的獨家功能，對某部份遊戲來講，少了些額外的樂趣，但握把的手感，鍵帽的替換，超多的自定功能，都會讓玩家玩遊戲時反應更快，手感更順，對玩FPS類的玩家特別有幫助，相對 DualSense，甚至 DualSense Edge來講，Nacon Revolution 5 Pro 屬於更專業級的選擇，加上可以接駁一般藍牙耳機，方便同隊友通話，對硬件有要求的玩家應該會好滿意。
香港行貨: HKD1,580
顏色: 黑 / 白 兩種
之後第二件要介紹的係 Nacon Daija Arcade Stick 街機手掣
從上面睇，按扭係最傳統的擺法，下半部有防滑功能，唔會咁易跣手
全三和用料，質素有保證，呢點有玩開的都唔駛特別介紹了吧
側面有 觸控板 ，R3 L3 等非主要用途的按鍵，可以解決遊戲有特別按鈕要襟時的需求
JoyStick否係當 R/L 定十字掣用？ PS5/PS4/PC用
R3 / L3 / Option / Cap Screen 全都有
正上方有PS按鍵同比賽時會用到的 Lock 掣，而Profile按鍵係用來接駁電腦時可預先設定好唔同的按鍵設定，方便唔同遊戲有唔同用法。
大大個PS logo，等你知係授權產品
有Headphone位駁耳機
打開機箱，走線清晰而整齊，要自行換掣換桿都非常輕易，同時亦可收納USB線
唔同色駁唔同的掣，寫晒出來，自行更換都唔易出錯
直角插線，走線更清楚亦唔會易整亂整斷
原裝跟機係主流四向，要自己換八向都唔難，三和料坊間要買配件絕不算難
跟埋批比你，有事可以即時維修
仲有塊鐵片比你扭開支桿換波頭
跟機有波棍有波頭，適合唔同習慣的朋友，唔駛再另外出去買
換了波棍，打橫向Game都得啦！
底部有防滑加工，加上重量十足，放邊都好難移位
跟機有唔少貼紙，同埋有張黑色的面板作替換，如果有需要亦可上官網下載 template 自己設計更換
總結: 對玩格鬥遊戲的玩家來講，JoyStick已經唔再係必需品，出面亦有五花百門的品牌同排鍵玩法，但如果仍需要傳統的格鬥JoyStick的話，Nacon Daija Arcade Stick 絕對係一個比較好的選擇，官方授權意味著唔需要怕系統更新而有機會用唔到變廢鐵，對應觸控板等按鍵亦加大了遊戲兼容性的信心，全三和的用料，顏色外型設計亦同PS5相近，如果新近打算購買的，值得考慮購入。
香港行貨: HKD2,078
頁:
[1]