《異形：羅穆盧斯》 電影睇後感
大家好, 已經好耐無出post, 因為一來少了睇戲, 二來工作上比較忙.今次要分享的係最新的異形, 因為我成日讀唔到個名, 所以我直接叫佢異形1.5(A1.5)算.
今集同第一集, prometheus都有關連, 所以資訊量都幾多, 由於只睇了一次, 所以有些地方可能有錯, 見到的話請指正~~
今集故事時間上是第一集的20年之後. 一開始見到Weyland公司正在回收一件東西, 而地點則是第一集故事中的採礦船Nostromo號附近. 原來回收的正是第一集的異形 (即Big Chap)
畫面來到女主角Rain, 佢係一個全年24小時都無日出的Jackson星球上工作, 但星球上的環境其實都好差, 大家基本上都係礦工, 而且好多人都因不同的病而死亡. Rain有一個細佬Andy, 佢係一個人造人, 但同之前的不同, Andy是一個日久失修, 有問題的人造人. 一次機會佢o既朋友同佢一齊上o左星球天上的一個廢棄了的太空站. 佢地o既計劃就係去偷太空站內的冷凍倉, 因為飛去另一個星球需要9年的時間. 本身以為只是30分鐘的"工作", 但因為入面原來是異形的研究中心而一個個被異形殺死.
我覺得andy其實演得幾好. 因一開始佢係有bug, 所以行動上係比較慢. 但升級之後馬上變了另一個人咁. 連動作都快o左好多(包括一手捉住隻facehugger). 最後佢地搵到另一個(或者應該講半個...) 人造人Rook. 佢外表上同A1的Ash是一樣的(雖然CGI上比較做得差...), 大家都係科學官的身份. 我估計是同一個系列/工種所以同一個樣吧. Rook講出太空站係一個用來研究異形的地方. 佢地搵o左秘一集的異形成20年, 終於在170日前搵到. 之後發現原來異形咁多年仲未死, 佢仲令基地中不少人死亡, 最後好辛苦先殺死佢. 佢地在異形身上取得了一種黑色的物質(即是proemetheus中的black goo), 於是就用d黑水去研究試下能否改造生命令人的抵抗力更強, 更容易上外星上生活. 另外我無睇錯佢地係利用DNA去3D print了不少facehugger出來. 但因為意外令到產下了不少異形, 最後成個基地的人都死晒. 而Rook都同Andy講, 如果andy幫佢帶走黑水, 佢就會幫佢地逃出呢個基地.
女主角同佢o既朋友最後都因為主角威能下(避開了所有異形酸液),成功上到佢毛自己架船逃走. 但同A1, 2一樣, 邊有咁快就完. 女主角的朋友原來因為之前太痛而打了黑水落自己的身體上. 因為佢個BB都出現了變化. 生了一個類似Engineer樣的人型異形出來. 佢大得好快, 只係幾分鐘的時間就長大到成個NBA球員咁. 女主角同佢打o左一陣最後都成功送走佢. 最後佢同andy就一齊去佢地當初想去的星球了.
我自己睇完會俾呢套戲8.5分. 雖然風格上係同A1差不多, 同埋未睇都會知d朋友一定一個一個咁死, 但現場睇時都真係好緊張. 好在是在戲院睇, 如果是在電視上效果氣氛應該無咁好.
同埋可能我自己有玩過隻game Alien Isolation, 入面有好多熟悉的感覺. 同埋我自己係幾喜歡導演個設定, 包括將個環境的溫度變成同人一樣而令d facehugger偵測唔好佢地. 同埋女主角利用無重狀態去令d酸液唔會整穿個地下. (雖然我想像唔到點解咁都可以穿得過去對面)
同埋電暘其實都講出Weyland公司是知道有異形的存在, 第一集係特登帶佢地去LV426星.
少少要彈的地方係:
1. 如另一個post講, A1時採礦船Nostromo號係成架炸o左, Ripley上了另一個逃生船走了. 隻異形係跟ripley一齊走. 咁ripley將佢射出太空, 點會在Nostromo附近搵到? 唯一解釋可能只有因為附近有星球重力影響, 所以所有野都在那個位置漂流?
2. 明明成個基地咁重要, 但出事之後竟然無派人去follow up? 應該至少派人去拎返d黑水吧. 點會由得佢撞向個"行星環"(唔知係咪咁叫?)
3. 佢朋友咩sensor咁勁, 得佢scan到基地入面有好野?
4.如果Weyland係知道Nostromo發生的事, 咁應該都知A1所發生的事. 即係知道LV426內有架不知名飛船, 入面大把異形蛋 都唔去拎, 反而大海撈針20年去搵隻異形? 因為再進一步去想, 如果Weyland是知道LV426有異形, 無理由建立殖民地時都唔去睇下, 要Ripley講返當年發生咩事先至派人(即個小女孩的家人)去調查?
5. 可能時間關係, 幾個朋友描述唔係太多, 我其實連佢地d名都未記到佢地就死晒....以前A1,2成隊crew雖然未必個個都多戲份, 但佢地死時多少都會有唔開心. 同埋其中一個角色實在太煩, 成日口up up又係咁串Andy, 雖然明佢背後原因, 但佢太煩之下我一路睇都想佢快d出事...
6. 另外就係我覺得d異形大得太快. 好似個女機帥由出事就生隻異形出來時只係幾分鐘來的時間. 我當戲中有d地方無拍出來, 咁佢跑返去架船上最多都係10分鐘左右吧. 如果生得咁快, 咁根本唔需要特登捉其他人去個hive度"安胎"啦. 因為植入個異形BB到出世只係一陣間的事.
7. 最後個人形異形都係大得好快....由出世到變成NBA球員的身高都係幾分鐘時間...不過佢個樣真係好驚嚇, 所以都加返分比佢.
總括來講, 我都好享受成套電影, 雖然有d位係知道會有驚嚇, 但都真係俾佢嚇到. 同埋個黑人演員都做得唔錯. 佢o既人造人"升級"之後, 真係有種形住佢隨時會叛變的感覺. 女主角我只知佢有拍pacific rim 第2集, 對佢印象都唔多, 但又幾鍾意佢電影內的演出. 同埋睇wiki先知道原來另一個女角有就係真人版Dora XD
如果第一集的異形咁都唔死, 即A2個Queen都應該無事? Weyland又可以派人去搵佢啦~
同埋A2-4都無提黑水呢樣野, 即係代表呢件事之後weyland都無法取得sample去研究?
我都希望今次電影可以令成個系列可以繼續講落去啦. 其實prometheus, 聖約我都喜歡個大方向. 我只係唔太喜歡d隊只個個都傻仔咁完全無安全意識, 死得好白痴咁. 25年好似會有套電視劇, 係講公司的事(A1之前的時期), 希望唔會太爛啦....
師兄失蹤咁耐
終於肯上水😭😭
Welcome back 陳永仁 發表於 2024-8-21 01:12
師兄失蹤咁耐
終於肯上水😭😭
哈哈~ 多謝支持~
依家工作上間中要周圍飛所以少o左上網post野, 睇戲又少一出就去睇. 不過我有睇大家o既影評架~~ gashapon 發表於 2024-8-21 10:01
哈哈~ 多謝支持~
依家工作上間中要周圍飛所以少o左上網post野, 睇戲又少一出就去睇. 不過我有睇大家o既影 ...
我自從接近三年前結婚後
都日做夜做
攰到煲碟嘅時候都少咗好多
呢幾年值得入場嘅西片少咗好多
今年我只係入戲院睇咗兩套
Inside Out 2 係畀老婆逼嘅
Deadpool & Wolverine係唯一⼀套我近6年有入場睇嘅MCU片 陳永仁 發表於 2024-8-21 10:40
我自從接近三年前結婚後
都日做夜做
攰到煲碟嘅時候都少咗好多
我同你一樣都係睇o左inside out 2 (都唔差) 同deadpool (我覺得只係一般) 仲有一套迷你兵(成家人去睇)
始終有小朋友之後好難2公婆去睇戲, 同埋依家網台太方便, 等一段時間就可以在N, D, H台上睇.
不過問心我都比較喜歡入戲院o個種氣氛多d. 如果有時間有大片都會堅持入場睇.
有一樣都想吐下, 套電影入面講到可以3D打印facehugger, 咁即係已經可以數碼化異形同黑水喇, 咁做咩鬼野要用人手把黑水運出去? 已經有能力直接發送資料出去同求救喇? qoakzm 發表於 2024-8-22 06:20
有一樣都想吐下, 套電影入面講到可以3D打印facehugger, 咁即係已經可以數碼化異形同黑水喇, 咁做咩鬼野要用 ...
即係任何物質都可經數碼復製再傳輸, 咁個科技咪仲高過200年後嘅異形4? qoakzm 發表於 2024-8-22 06:20
有一樣都想吐下, 套電影入面講到可以3D打印facehugger, 咁即係已經可以數碼化異形同黑水喇, 咁做咩鬼野要用 ...
無記錯本身係打算用異形條屍做R&D, 點知原來異形未死仲死o左好多人.之後終於殺o左異形就拎佢DNA去clone facehugger, 再係facehugger內抽取黑水. (黑水資料應該是prometheus/聖約 david傳送data返公司所以佢地知.)
可能黑水由異形提煉所以唔夠pure? 同埋得佢地有研究資料. (但咁重要居然出事都無人去拎返d資料)
我都覺既然A2-4都無提過黑水, 可能somehow研究資料無晒吧? 其實我覺得個lab全部都用人造人咪無事? 唔會有人被異形捉去生仔. 本帖最後由 DicksonWon@G 於 2024-8-22 23:34 編輯
gashapon 發表於 2024-8-22 21:14
無記錯本身係打算用異形條屍做R&D, 點知原來異形未死仲死o左好多人.之後終於殺o左異形就拎佢DNA去clone f ...
我認為big chap係喺抱面蟲被復製後才甦醒, 接著太空站人員死嘅死, 走嘅走, 最後都殺到, 而點解枝射槍仲插住似係為致敬而致敬, 驚死人唔知尼隻係big chap。而另一邊嘅羅穆路斯站就負責研製黑水, 應該又係俾抱面蟲走失後播種, 所以至會無端端又有大約十幾隻異形臨尾走出嚟。至於david咁睇唔起人類, 疑得想佢哋絕種, 會否仲保持
合作, 定真係想人類取得黑水後自作自受？ DicksonWon@G 發表於 2024-8-22 23:26
我認為big chap係喺抱面蟲被復製後才甦醒, 接著太空站人員死嘅死, 走嘅走, 最後都殺到, 而點解枝射槍仲插 ...
我自己覺得如果人係有槍, 而異形又得一隻, 係絕對可以殺死佢. 我估可能在太空基地內用槍有危險吧? (一陣炸開個洞全部人都死...)所以好辛苦先殺死big chap. 佢又成身酸血所以唔敢再掂佢?
講笑咁講咁多年來人類都未學精....
頁:
[1]
2