開箱新玩具
HiFi友齋買補品都夠飽🥲😂話說iFi出左件我夢寐以求既配件‘LAN iPurifier Pro’，佢係一件光學電氣隔離既配件。買件咁既光電隔離香港土砲製作都要四五千，淘寶diy都要五百一千仲要自己左砌右砌，家陣二千就囉得返屋企夫復何求～～
奈何當我想俾錢買既時候，呢件野實在太hit賣到斷晒貨買都買唔到😭，咁Q又俾我係街撞到MU燈伯，咁我同佢抱怨買件玩具都咁辛苦😭😭😭
點知燈伯二話不說就係我銀包囉左二千個大洋然後叫我等佢電話，跟住就消失了🤔
（江湖傳聞佢好似著到成個metal gear solid咁款潛入貨櫃碼頭，又好似話佢成個cod captain price咁係地中海空降落貨船道搶劫批貨……..😂咁呢d當然係傳聞啦🤣）
好啦真係認真啦～～
LAN iPurifier Pro機身細少而且簡單既接駁就能做到中階產品既效果。LAN iPurifier Pro 配備了 iFi 自家最先進的 Optical Galvanic Isolation 光學電氣隔離和 Jitter 消除技術，將輸入和輸出的電訊號完全分隔再轉換成光訊號傳輸，可以有效杜絕電磁干擾，尤其是來自火牛等的高頻雜訊，令外可以有效消除噪聲干擾和解碼時音樂的時基誤差。
我暫時用緊係Lumin D3 + 金仔e-480配b&w 805d4，Lumin D3其實係打刧返黎，貧窮的我機都沒有錢買🥲😂😂😂。未用LAN iPurifier Pro前任我加呢樣加個樣配件底噪同數碼味都仲有些少，我選擇接受，因為我覺得數碼味係冇得走的。但當我加左呢舊野落去之後，數碼味突然好似消失了咁，樂器分析道高左，每件樂器都好似睇得到咁，人聲清晰線條幼細明顯，背景再黑了層，毛噪感都不再。一般家居網絡干擾應該都唔少，加左LAN iPurifier Pro應該會有明顯既提升。
原裝跟住有usb轉換器、一條勁短既Lan線同埋一條usb線，咁我係櫃底揾條cat8線同埋一條靚DD既usb線做比較，發覺換得靚少少會再有明顯效果，所以我推薦、我真係推薦、我非常推薦（又係重要說話講三次！🤣）：俾多少少錢換個貴少少既usb充電器，換埋個兩條線，真係唔洗得你幾多錢～～👍
總結今次試玩………
屌邊有人俾錢開箱試野家🥲🤣🤣🤣🤣
二千蚊多dd幫你解決屋企網絡既噪訊，自己套音色又有明顯改善，又唔係貴……
抵屌啦～～👍😂
#特別鳴謝
#聲望音響
#MU燈伯幫手爆夾
#有燈伯的孩子像個寶
#有大少的孩子仲似個寶
#細細件大效果
#錢錢飛走了
#最愛九唔答八
#會唔會以為我賣緊廣告呢
#其實我真係鳩嗡炸😂
頁:
[1]