《談判專家》觀後感
本帖最後由 陳永仁 於 2024-6-24 14:37 編輯上一次嚟加拿大已經係8年前嘅事。今次係結婚兩年半後，第一次帶老婆嚟多倫多探親。驚喜地見到喺香港上映咗冇耐嘅港產片《談判專家》竟然喺加拿大有得上，當然要好好把握機會入場支持。坦白講，我對邱禮濤近年來所執導嘅電影都感覺麻麻。但見到《談判專家》有劉青雲+吳鎮宇呢個黃金組合，又有劉德華客串，苗僑偉、鄭則士、周文建做大配角，都想忍唔住買飛入場支持一下。更何況，自從移居海外，就明白乜嘢叫做物以罕為貴。每當戲院有新推出嘅港產片上映，我都會好珍惜入場支持嘅機會。入場之前已經知道《談判專家》嘅劇本係改編自1998年嘅西片—《冇數講》（The Negotiator）。上一次睇同樣係改編自西片嘅港產片，已經係2008年嘅《保持通話》。我兩套嘅原作都冇睇，齋睇土炮版。一開場，銀幕上嘅建築物、旗幟、電視機、電腦都好似倒流咗30年。鏡頭再隱晦地影到港英旗，就意識到故事背景係發生喺港英時代末年。咁又係嘅，以今時今日嘅香港政治氣氛、日新月異嘅科技，劇情發展只會更加多限制。果然，退一步海闊天空。哈哈。始終，描寫前朝餘孽嘅貪贓枉法嘅差大哥，點都冇影射當今香港嘅長官咁敏感。演員方面，劉德華雖然只係客串性質，戲份十分有限，但今次嘅表現，絕對係近十年來最好嘅一次。而飾演佢太太嘅彭秀慧，演出亦十分到位。上網先知，原來彭秀慧已經49歲，保養好到睇落只似係30中。果然係Milf{:1_344:} 。
兩大主角，劉青雲同吳鎮宇嘅對手戲完全表現出嗰種棋逢敵手、雙雄嘅惺惺相惜，實在令人嘆為觀止。不禁令我回想起佢地當年嘅《高度戒備》。苗僑偉就冇乜突破，都係做番平時喺電視劇所飾演嘅穿著西裝嘅警司。點都好，有三哥喺港產片亮相，絕對係一件賞心樂事。鄭則士雖然都冇咩大爆發，但一穿制服絕對有警察高層發號施令嘅威嚴，非常有說服力。動作場面方面，鏡頭似乎搖得太勁，導致有幾場槍戰同飛車場面，有點眼花撩亂。故事方面，頭三分之二非常精彩，結尾可惜太過「趕收工」。其實都有好幾個位頗為突兀，幸好演員們嘅精彩演出令到情節合理化咗唔少。喺《談判專家》飾演差佬嘅，一大半人都係年過六十仲要扮四十幾歲嘅「後生仔」。無奈地，香港演員斷層幾嚴重都好，演技最有說服力就只剩得呢堆「老人家」。過多好幾年，當佢地去到七十歲，又再扮五十幾歲？唉，人始終會老的。後繼無人，確係令人擔憂。所以趁佢地仲扮到後生，只要電影唔差，就支持下啦。
評分：70/100
本帖最後由 陳永仁 於 2024-10-17 17:35 編輯
邱禮濤認真多產
另一套作品《海關戰線》會喺7月19號喺加拿大上映 陳永仁 發表於 2024-6-24 14:54
邱禮濤認真多產
另一套作品《海關戰線》會喺7月19號喺加拿大上映
咁啱昨晚睇完 龍無忌@FB 發表於 2024-6-25 06:10
咁啱昨晚睇完
感覺如何？ 我都係啱啱喺同一間戲院睇🤣🤣🤣 本帖最後由 陳永仁 於 2024-7-3 07:26 編輯
tinlunlau 發表於 2024-7-3 06:49
我都係啱啱喺同一間戲院睇🤣🤣🤣
早知早幾日約你睇😂
我番咗Ireland 成星期啦
不過真係好慶幸嗰日喺加拿大有把握機會睇
到家陣UK同Ireland 都未有計劃上映 陳永仁 發表於 2024-7-3 07:24
早知早幾日約你睇😂
我番咗Ireland 成星期啦
Downtown Markham偏遠，對我呢啲pedestrian帶來啲唔方便 tinlunlau 發表於 2024-7-3 11:24
Downtown Markham偏遠，對我呢啲pedestrian帶來啲唔方便
其實我兩公婆嗰日都係探親戚先坐UBER去
見到戲院係附近
就嗱嗱聲買飛睇
陳永仁 發表於 2024-6-24 14:54
邱禮濤認真多產
另一套作品《海關戰線》會喺7月19號喺加拿大上映
而家啲港產片搞乜鬼
大卡士又有好嘅導演
製作上又唔係唔捨得揼錢
兩套戲出嚟啲對白老土
而劇情又唔流暢
導演對演員啲演技又冇要求 MDLP 發表於 2024-8-13 22:22
而家啲港產片搞乜鬼
大卡士又有好嘅導演
製作上又唔係唔捨得揼錢
虎頭蛇尾係近年港產片特色..加茄周文健死得好鬼馬