iPad筆記新人王 - Momax TP9 iPad 電容筆
本帖最後由 erinerin 於 2024-6-24 14:41 編輯筆記新人王
最新小妹入手咗部上一代嘅iPad Air ，用嚟平時煲吓劇、開會 Jot 吓 Notes咁。買 iPad 冇理由唔買埋支筆，上網個個都話 Apple Pencil 實冇走鷄，但係以自己嘅使用習慣又好似唔使用咁 Expert 嘅筆。當我諗到 R 爆頭嘅時候，靈機一觸，直接殺過去問吓大王意見，佢就推薦咗呢枝香港品牌 Momax 嘅 TP9 Mag.Link iPad專用雙充主動式電容筆 俾我啦。目前我大概用咗一個月，感覺都唔錯，喺到同大家開心share吓。
科技感設計
我覺得佢最大嘅優點就係擁有自己特色，令我感到設計者嘅用心同誠意。Momax TP9 電容筆嘅正面係透明設計，能夠睇到內部嘅電路板。雖然我對電子一竅不通，但不明覺厲，作爲一個普通 User 嘅我覺得自己有啲專業。而且筆頭都係透明設計，見到入面構造，同筆身襯曬啊。
磁吸世一
我上一部 iPad 就喺讀書時期買——最低規格嘅 iPad 9。嗰陣割血買咗 Apple Pencil 一代，要插住屁股叉電嗰一幕歷歷在目，令我更加肯定磁吸叉電嘅重要性。Momax TP9 令我贊嘆嘅一點就喺擁有兩種叉電方式同兩種連接模式：提供磁吸叉電同筆身側邊嘅 Type-C 叉電頭，實在太方便。而且 TP9 仲有一粒小小嘅提示燈，有足夠電量(綠色)、就冇電(藍色) 同 真係冇曬電(紅色) 三款指示，提醒夠鐘叉電，夠曬方便。同 Apple Pencil 一樣，可以透過磁吸功能貼住部 iPad 連接及使用，所以我都係長期滿電的，so easy。
Type-C 叉電頭
磁吸叉電
日常書寫老Best
我一般會開會用 Goodnotes 呢個又係香港人發明嘅筆記 App 嚟 Jot Notes，或者喺 Apple 内置嘅備忘錄開本小氣簿 Mark 底平時大王講乜咁(誤)，都係一般嘅書寫用途。而呢枝 TP9 只可以講係 CP 值爆錶。首先，握處有個凹位可以托住手指，都算 Sweet 嘅!! 跟住，筆頭應該算較爲硬啲嘅膠類，模擬平時督 mon 滑滑嘅觸感，偏耐用，so far 暫時都冇見到磨蝕。
GoodNotes 寫字效果 (字醜勿插)
跟機
會附送 1 條叉電線 + 2 個備用筆頭 + 1 個筆套，筆套有條橡根帶，可以箍喺 iPad 到~~ 宜家官網係 Mag.Link Pro 盛惠 $399~有鈦金/灰色選擇；而 Mag.Link LITE 就係 $379，暫時只係見到有銀色版本。
頁:
[1]