三體 vs 3體
85分🥰🥰👍👍👍👍#三體vs3體
《三體》是一本很出名的內地科幻小說，作者叫劉慈欣，2008-2010年陸續出版三集，幾年前仍熱賣，因為小說的英文版獲得美國科幻奇幻作家協會2014年度「星雲獎」提名，並榮獲2015年雨果獎最佳小說獎。
我上年曾看了兩集國內版電視劇叫《三體》，是2023年1月時推出的，就沒追下去，因為三十集有排追，然後上年底在Netflix 見到話三月會播，便一直期待Netflix 出才看，以為是國內那版本，豈料竟然是外國新版本，叫《3體》。
睇完第一集，我已極力推薦！
國內版《三體》神秘啲，但《3體》製作精美好多，而且一開始就吸引你的思維，更有不少懸念要你留低追看。部份外籍演員更加是在《權力遊戲》中見慣見熟。總之，一班權威嘅物理學家陸續自殺，死前都話「物理學不存在了」，點解呢？大家睇吓搵答案啦。
《3體》頭兩集由曾國祥執導，首集文革片段不少人談論，第二集的VR 遊戲頭盔好吸引，星空全部一路閃，想用摩士密碼話你知乜嘢呢？加埋周文王易經，人體可以急速脫水下保存，然後浸水翻生！第三集透過VR 頭盔進入元朝，見到忽必烈，連艾倫·圖靈都出現埋，竟然用三千萬士兵，以人海排陣來做中央處理器，呢幾幕都好天馬行空，幾好睇。
第四集鋪排調查，文戲較多，係有啲悶。不過第五集《審判日》又精彩返，那個用納米幼鋼絲切斷大船的古筝行動，與恐怖片2002年的《鬼船》序幕，有意曲同工之妙，同樣恐怖😱不過咁幼鋼絲能否真的可以切斷鋼船，一來要看雙方堅靭程度，及能承受多大壓力，那就又要請教物理及力學專家。網上有人研究過。
https://m.36kr.com/p/2133049719204865
最後我想講，其實都唔少人有同樣嘅概念，認同毁滅地球嘅，好大程度就係人類；人的黑暗面有時真係連自己友都討厭，然後懷疑係咪真係自我摧毀，係地球消失會對世界好啲🤪🤪呢個真係一個長久以來的哲學問題。
期待第二季《3體》。
但有啲內容都幾抽象,特別係VR世界內
頁:
[1]