人有我有, 終於入返一對來傍身
本帖最後由 vm8833 於 2024-2-12 16:42 編輯LS3/5a相信係唔使多介紹嘅經典喇叭, 好多有資歷嘅hi-fi用家都會聽過呢對喇叭. 小弟多年前留意到Falcon acoustic出咗LS3/5a嘅套件, 之後又出咗好多改良版. 聖誕節喺youtube睇片又見到呢對喇叭, 忽然心血來潮去試下去佢. 對Falcon gold badge版一試又幾啱聽, 咁就帶咗一對返屋企.
返到屋企用一隻AP-505去推呢對喇叭, 開頭我都有啲懷疑未必推得好. 但係結果係超出我預料之外, 喺某一個音量隻amp處理得唔錯,LS3/5a所出到嘅聲音可以用秀麗嚟形容. 以前係用一對AP-505推Fyne Audio嘅F-501入門級amp對入門級喇叭算係處理得okay. Fyne呢種小座地喇叭喺睡房之中都表現出幾好嘅能量咁感,表現可以用四平八搵嚟形容. 喺睡房嗰度係坐喺床上面聽, 自從換咗張床之後床褥高咗, 連皇帝位都搵唔返, 結果對座地就變得好冇趣. 搬出廳嗰度又會畀人投訴, 咁就越嚟越少聽歌.
LS3/5a來到家中放喺對F-501頂啱啱好. 個高音就係ear level, 少少toe in就已經全部fit曬. 開正佢嘅設計理念嗰瓣, 房間四面damping又啱啱好. Falcon LS3/5a除咗人聲, mid range表現優良之外, 亦加上現代喇叭嘅性質. 絕大部分人聲可以技術性 F-501, 分析力可以講係優秀, 好容易將原來錄音嘅sound stage重現. 較好正反相之後, 嗰種現場感會變得十分之好, 若果隻碟錄音好的話, 係好似真人喺你面前唱咁. 夜深人靜, 電靚, 聽蔡琴嘅月光小夜曲, 除咗人聲之外, 鋼琴聲亦十分之華麗, 後半段郊外錄音背景嘅空氣咁表露無遺. 早幾年曾經好流行出Hi-Fi碟, 以泳兒fever大碟為例, 除咗聽到情感之外, 仲可以感覺到佢唱歌嗰時嘅情緒, "完全因你 "表現出極為淒美又如泣如訴, 成隻碟個人認為感情最真摯障就係呢一首歌. 當年哥哥寵愛大碟一出就買CD, 之後再出SACD又入一隻. 以前以為CD同SACD冇咩分別, 喺F-501上面聽分別不大. 用LS35a嚟聽, SACD嗰種自然度同高分析力強嘅特性表露無遺, 連伴唱嘅聲音都令人享受. 聽返CD版覺得聲音有少少壓縮咗,冇SACD嘅自然通透. 咁樣都冇辦法, CD就係16 bit 44.1KHz. 20KHz or 22 KHz 以上frequency 一刀切, 咁即係冇咗full frequency response. 簡而言之, 即係CD係做唔到黑膠, SACD咁真實還原現場錄音, 因為CD 嘅dynamic range同埋音壓已經完全唔同於黑膠, SACD.
講返轉頭LS3/5a嘅缺點都十分之明顯, 就係冇低音. 呢個缺點亦都係物理限制冇可能會解決,但係用嚟做日常播放個人覺得係十分之適合. 屋企擺返一對來傍身, 可以好似萬金油咁樣止痕止癢, 細細隻擺位容易唔佔地方.
LS-3/5A是小型喇叭經典作,基本上任何小喇叭都必需跟它"砌過"
才可以知道級數............................ 本帖最後由 zardwys 於 2024-2-11 19:56 編輯
師兄，可能用一部class AB合併amp推效果會仲好，利申，我用緊NT505x, 之前都係用兩部AP505推ProacT10S玩咗兩三年, 上年換咗一部AB合併之後舒服晒，音場人聲定位高低伸延都好咗！ 唔用膽機的話
強烈建議用類似MF A1細火純A機
真係有種不食人間煙火感覺 這樣的經典應該用膽機侍候一下才能真正品嚐到它的味道！如果用石機試吓Naim ...{:8_390:} MDLP 發表於 2024-2-15 13:37
唔用膽機的話
強烈建議用類似MF A1細火純A機
真係有種不食人間煙火感覺
多謝幾位師兄意見，暫定係老麥MC275黎服待對LS3/5a。基本上係買完就用到壞，唔會再唸upgrade。
石機可能係第二梯隊，可能會用200～300瓦混合AB，呢個目標係遙遠一啲。 本帖最後由 vm8833 於 2024-2-15 16:18 編輯
sam2004 發表於 2024-2-15 15:59
這樣的經典應該用膽機侍候一下才能真正品嚐到它的味道！如果用石機試吓Naim ......
店員亦係咁講，試機都係用Naim黎推。我嘅感覺AB類amp比較斯文，冇膽機個種感染力。反而class D係暖聲小小，我隻amp有一段音量內啱啱好推到對LS3/5a。夜深人靜聽歌真係不得了，膽機已經在策劃之中。可能會買對super tweeter 先，咁樣除咗低言之外可以接近全音域，就解放咗SACD係20KHz以上音域。
vm8833 發表於 2024-2-15 16:15
店員亦係咁講，試機都係用Naim黎推。我嘅感覺AB類amp比較斯文，冇膽機個種感染力。反而class D係暖聲小小 ...
naim係音樂味較重嘅機，靜心聆聽絕對唔會感覺到攰，而且喺100尺嘅房低頻絕對唔會令你失望！
如果用膽一定要搵EL34那一類的擴音機才能展現到他應有的味道。{:8_403:} vm8833 發表於 2024-2-15 16:02
多謝幾位師兄意見，暫定係老麥MC275黎服待對LS3/5a。基本上係買完就用到壞，唔會再唸upgrade。
石機可能 ...
275係好選擇
不過石機200~300w就有保留 vm8833 發表於 2024-2-15 16:15
店員亦係咁講，試機都係用Naim黎推。我嘅感覺AB類amp比較斯文，冇膽機個種感染力。反而class D係暖聲小小 ...
千祈唔就加超高
等於食真魚翅落胡椒粉同醋一樣
返而加subwoofer仲可以考慮