(打機既師兄請進)日本遊可考慮既手信: SONY SRS-WS1
本帖最後由 cakecake 於 2024-1-15 22:18 編輯呢排興擦點數我都擦下先，其實小弟想寫下隻Perlisten D12S 超低音的...(再煲下先)
2個月前去日本企o係Yodobashi入面既Sony展示枱試足大半個鐘，包括SRS-NS7和SRS-WS1，之前從未用過呢D掛頸喇叭既我對佢地一直都係半信半疑，認為只係掛2隻喇叭仔上頸that's all，好奇之下掛SRS-NS7上頸試下，求奇上youtube開套炸到飛天既戲，開聲，咦？ok wor...當然我話既ok唔係聲音滿天飛既surround 和拳拳到肉既低音，而係有一定既立體感和少少體感性既低音。當刻即時就諗起不如試下打機效果丫，因為有時朝早or夜晚打機唔想嘈到人所以帶耳筒玩，但就俾少奶投訴話我聽唔到佢講野，而且耳筒帶得耐有D唔舒服。跟手就開youtube睇條call of duty既片再試，果D子彈聲，爆炸聲都ok wor。但最後，我都係無買。。。{:1_341:}
返到香港，個身好痕，後悔果日點解無買，好彩香港都有SRS-NS7買，拿拿聲入左止痕，夜晚拎來打機真係爽，不過佢個bass實際玩起上來又好似差左少少，又上網望下，原來當日我無試既SRS-WS1 用來打機較好(當日無試係因為佢係幾年前舊款，而且佢行2.4hz唔支援藍芽所以試唔到)，因為佢多左個震動功能而且聲音delay極少。身痕又發作，唯有又賣野，不過香港無做SRS-WS1 行貨，carousell又無，好彩偉大既amazon.co.jp有得買重免運費，幾經波折SRS-WS1終於來到手。
開隻Call Of Duty試下，震動設定最強，每一下槍聲爆炸聲都入自己身，過癮無比，而且唔洗炸到成屋響，耳仔唔洗笠住唔舒服，又聽到少奶叫我，而去到深夜，關左房門，少奶就寢我都重可以在廳繼續作戰，優點遠勝缺點(個人認為)。
為返港紙都係1200蚊，大家買對jumper都唔得啦，所以有機會去日本旅行不妨去試試，o岩feel就要出手，因為SRS-WS1 o係香港買真係好麻煩。
SRS-NS7 vs SRS-WS1:
音質: NS7
電量: NS7
空間感: NS7
體感(Bass): WS1遠勝
聲音指向性(即係自己聽到，其他人無咁易聽到): WS1
造工: NS7
可調整能力: NS7(可以用apps)
多用途: NS7
打機睇戲(如果睇動作片炸到飛果D): 200% WS1
點都好，呢D係開放式喇叭，身邊既人係會聽到你喇叭既聲，如果唔了解佢既缺點，請帶返耳筒，或者熄機早D訓吧{:6_151:} 聽落好似幾吸引，價錢又唔貴，啱晒平時夜晚睇戲{:1_328:} cheungyunwai 發表於 2024-1-15 19:39
聽落好似幾吸引，價錢又唔貴，啱晒平時夜晚睇戲
如果深夜睇戲真係一流，尤其是要感知身邊發生既事(屋企人有特別事叫自己)，因為耳筒開左環境模式(穿透模式)都唔及呢D喇叭。
不過帶頭盔先，最好去試左先，同埋唔好預D聲係高音甜中音準低音勁，要了解佢既優點和妥協佢既不足先好出手 我自己試過ns7覺得會嘈到身邊屋企人， 所以我淨係買咗個接收器， 用嚟接駁wh1000x M5， 出嚟嘅效果都好好呀😉 用P記Optical輸出嗎?
如果用Amp出應該點駁?
本帖最後由 cakecake 於 2024-1-15 21:20 編輯
rach 發表於 2024-1-15 21:11
用P記Optical輸出嗎?
如果用Amp出應該點駁?
最簡單係經電視光纖出
因為好多amp已經無光纖out
如果amp有光纖out，要確認係輸出LPCM先可以
同埋電視聲音要設定為LPCM out
如果用PS5，只要在PS5聲音輸出set做LPCM就ok，電視唔洗set，駁光纖線就ok。
以上設定NS7和WS1都適用。 cakecake 發表於 2024-1-15 19:49
如果深夜睇戲真係一流，尤其是要感知身邊發生既事(屋企人有特別事叫自己)，因為耳筒開左環境模式(穿透模 ...
頭戴式好多都夾住唔太舒服，如果有呢啲產品都可以一試👍👍 rach 發表於 2024-1-15 21:11
用P記Optical輸出嗎?
如果用Amp出應該點駁?
多口講句其實好耐之前我都有介紹過ns7， 如果唔係用sony bravia xr 嘅電視機係出唔到dolby atmos， 請留意🤝🏻 本帖最後由 cakecake 於 2024-1-15 22:35 編輯
有人介紹過NS7?我眼見得Post76大王做官方測試外，之後在Post76好似得小弟自己on居居買一個NS7和現任WS1做比較同埋出文。
不過兩隻喇叭仔咁樣掛頸重要開放式想做到atmos?唔好玩啦，自己知自己事，買佢重來不是衝住佢個所謂atmos效果，聲音feel到不是從下而來已經赢左。
所以NS7個所謂atmos我提都費事提
Btw我主力係想推介SRS-WS1俾打機人士，NS7可以skip(就打機而言) cakecake 發表於 2024-1-15 22:32
有人介紹過NS7?我眼見得Post76大王做官方測試外，之後在Post76好似得小弟自己on居居買一個NS7和現任WS1做比 ...
開箱文見到實物，真係真實又開心，見太多人開箱只係喺網上搵圖片{:1_333:}