Innuos Pulsar 簡短開箱報告
(又係舊年我寫的報告分享一下。2023-08)部Innuos Pulsar已經玩咗兩個月，簡單寫個報告，話說早期我套CAS係一直用住Aries 2.0，Aries 2.0本身個介面做得好好，又可以做Roon endpoint，諗住係可以長用，不過部機一直有個問題令我好困擾，就係每次開機都認唔到部解碼，次次要攪一大輪先可以，依個問題廠家都冇辦法可以解決，卒之成部機借咗俾朋友用，之後換咗部Haydn，部機仲可以用埋做Roon core，所有問題其實已經解決哂，後尾我仲添置咗部Denetrips Gaia DDC 做洗水，可惜洗水之後我套機只能喺Gaia眾多輸出中享受單coaxial輸出，仲要轉返BNC頭先用到，單BNC輸入我隻解碼的缺點係DSD128以上嘅檔案我全部用唔到，雖則影響不太大，但身痕係永冇休止的，加上我想Roon core同Streamer分家，所以一直搵部合適的純streamer。
Innuos Pulse系列我之前一直有留意，只不過一直冇見過真身，最近見Ben sir終於有部demo可以試聽，於是又約上去試機，部Pulsar有幾點好吸引我，第一係已built in 咗自家套Phoenix USB reclocker，第二係佢內置咗三份線性電源，仲要係老大statement 技術下放嗰份，即係我唔駛整多舊LPS服侍佢，再加上可以用到airplay，條件全部合哂我要求。
開箱後有一件趣事，部機放上架接好晒所有線諗住開嚟試，咦！點解部機冇反應，於是重新再檢查過所有接線，確保機後面開關，見Lan port位都亮住燈，但係點解部機都冇反應，心諗冇理由咁邪新機都出事，見部機 又冇說明書跟，只好即刻打俾Ben sir問，佢話部機個開關設計非常之獨特，喺部機面板正中間個底面位置有個好細粒嘅開關，輕按一下就開到機，依個位如果冇人提基本上係冇可能留意到…
Pulsar本身個app做得好好，所有基本設定都可以處理到，介面亦好簡單易用，連線後做好基本設定已經可以即用即聽，不過我就只會用airplay時先會用佢個app，所有時間我轉佢做Roon endpoint，直接用返Roon remote做控制。
初開聲嘅感覺確實同之前冇多大進步，不過部機run in咗一段時間後就嚟料，之前我套機聽CAS係比較冷聲，而且背景寧靜度不足，所以每次聽的時間都好短，因為對我來講用CAS只係貪其方便，所以有聲出可Hea聽就算，亦都冇再大搞，不過今次呢部Pulsar真係令我改觀，在寧靜度、質感上都好大進步，而且音樂感變得豐富好多，同我播CD比真係只差好小，就算有人家訪我照開俾佢哋聽都唔覺得失禮，所以近排我係聽串流都仲多個聽CD。
順帶一提，Ben sir服務真係冇得頂，收機當晚主動聯絡我，遠距幫我做埋Roon fine tune，真係值得讚!! 我都上Ben sir度聽過Pulsar，真係好好聲，如果唔係我用緊Pulse就一定直上Pulsar。Pulsar 聲音密度高帶溫暖感，絕無數碼味。期待佢將來會有I2S 輸出嘅升級版（我自己諗咋，唔知廠會唔會出） 如果有埋I2S就真係非常完美，不過都已經好夠用啦，個usb已經幫做埋洗水，一體過唔使又加多部機去處理，二佬真係好好聲，以純streamer來講依部真係值得推介。
頁:
[1]