入門CD機升級 - Marantz CD50N
本帖最後由 諸星當 於 2024-1-5 14:14 編輯家中CD機開始有點問題，咋咋第第攞咗批文換機。{:1_344:}
思前想後，係力能力範圍內作小部升級。平日都係聽CD為主，但又想試玩串流加file，市面好多選擇。EVERSOLO DMP-A6/8加外置CD機， Teac 或 cambridge audio 等等...肯定係好師兄選擇。
其實買時都心大心細，如唔係日本做，好多人話代理維修服務差，維修時間耐，唔好彩要維修既話。部機勉強算出咗2代(計埋SACD機)，知都部機使用限制可能多點。但睇實物聽過又OK。平衡過可放機地方、自已發燒程度及最緊要既價錢。就博一博。最後選咗馬仔CD50N。{:1_332:}
部機3層底防震供CD轉盤、串流解碼(無ISO解碼)、入門耳擴、環牛，用料功能算合格。{:6_182:}
已使用大半個月。發覺宜家既CD機，分析力真係進步好多。
對於聽CD為主，間唔中聽網上電台或突然想聽家中無既歌或file，總算樣樣有啲。
好似昨日無無聊聊，係Youtube 搵首鄧寄塵既墨西哥女郎AirPlay聽或spotify。真係好玩方便。經馬仔解碼，這類網上高壓縮既檔案比想像可以，算收貨。
講到聽file，部機無得聽SACD但解到DSD FIle, 試過聽玉置浩二 to me，真係聽多過CD點點，有簡單2級filter 選擇，高清/模擬選擇，今時今日唔算咩功能，但總算有得玩下，可跟聽既音樂類型選擇。
機有好亦有不足
USB port 唔可用大小小嘅外置HD，建議係用手指，仲要唔可以大容量，但個Port 係pet pet到，換歌唔方便。但讀手指時，有時唔太穩定。唔知係File 問題定軟件定硬件問題。見日本版個memu 話外置HD如有供電就建議使用。試過個外置HD容量係可以大啲，認HD內容算快，但唔多穩定或認唔到檔案彈App。重開都好快。
外接Dac/電腦 未有器材試，唔知伏唔伏。
最伏係咁大個顯示屏，show 唔到中文、日文...，已經只顯示文字訊息，但文字資訊又show唔到中日文。真係講唔通。雖然手機試上睇到中日文，但部機個螢幕睇到會更開心囉。有時手機控制轉咗音樂，但顯示會死咗係之前個顯示。唉...{:6_153:} {:6_203:}
日版都講明show 到日文字...，之前部ND8006美版show 到中文。點解香港版會咁有趣呢...都唔係第一代，點解代理唔同馬仔總公司反映下。{:6_223:}
好似HEOS 個軟件，一出時比人話好唔好用，剛剛更新咗，使用上真係有改善。
希望日後更新軟件可顯示到書中日文字及操作上既穩定兼用問題喇。最好經網絡更新到手指內概歌，咁就好好囉。
另外宜家有5年保養，值得贊。{:6_193:} 但最好就唔洗用呢個服務喇。
係唔換其他器材，家中無串流播放器材，只升級1部機所獲得既娛樂改善，真心唔錯，以價論機音質無投訴，功能穩定性有代改進。
部機唔係咩靚嘢、唔係最勁最強。小小分享。大家見笑喇。
有無使用 sacd 30n 或 ND8006 既師兄分下接駁使用心得？{:6_128:} 新款馬仔很多越南做........ 本帖最後由 諸星當 於 2024-1-5 22:13 編輯
LOENDFANS 發表於 2024-1-5 18:49
新款馬仔很多越南做........
呢部都係。代理敢做5年保都算有擔當。{:6_210:}
呢到喲師兄可能玩3年已換咗機囉{:1_352:} 幾多番測試，1TB 外置HD或1TBSSD手指都無法順利播放。大約得400首樂曲。遠遠未炒滿手指，真失望。 諸星當 發表於 2024-1-7 15:49
幾多番測試，1TB 外置HD或1TBSSD手指都無法順利播放。大約得400首樂曲。遠遠未炒滿手指，真失望。 ...
如果純玩串流唔貪佢個cd﹐lumin D3 應該好好多 本帖最後由 諸星當 於 2024-1-15 15:49 編輯
Yoshiki2008 發表於 2024-1-7 16:15
如果純玩串流唔貪佢個cd﹐lumin D3 應該好好多
就係好多師兄一樣。有CD、有想玩下串流既情況。其實馬仔肯做多少少想信部機會多人玩好多。聽歌唔係差。成個OPAMP都做得到。只差少少串流上基本嘢。或者肯mark 清楚唔支援幾多G既手指。或顯示唔支援某文字。唔洗用家估估下。{:1_332:}。部機聽落真心唔錯架，聽dsd file 都好好聲。就係欠串流上既穩定及基本要求囉{:1_330:} 本帖最後由 Yoshiki2008 於 2024-1-7 19:01 編輯
諸星當 發表於 2024-1-7 17:28
就係好多師兄一樣。有CD、有想玩下串流既情況。其實馬仔肯做多少少想信部機會多人玩好多。聽歌唔係差。成 ...
冇計，大家差唔多價錢有cd有串流，就一定比純串流差DD﹐唯有自己取捨。
如果馬仔肯做多少少，價錢相對亦會貴多少少{:1_332:}
頁:
[1]