heerocolour 發表於 2023-11-30 12:38
你睇下
你唔用電腦版, 用手機版可以嗎??{:1_345:}
heerocolour 發表於 2023-12-2 00:46
為左你我特登走一轉天后打刧佢返黎~~
{:1_352:} 打得好呀!!!
本帖最後由 影音小編輯 於 2023-12-8 14:04 編輯
😚 第二輪借玩即將在 : 2023 年 12 月 18日 舉行，請未回覆 PM 遞交聯絡資料的特選版友儘快以 PM 向“影音小編輯”聯絡，謝謝支持本活動
5) rlmfung（確認）
6) kelvinhin（確認）
7) tcflex（確認）
8) Samuelkk（確認）
影音小編輯 發表於 2023-12-6 12:57
😚 第二輪借玩即將在 : 2023 年 12 月 18日 舉行，請未回覆 PM 遞交聯絡資料的特選版友儘快以 PM 向“影音 ...
請未確認的版友儘快確認參加資訊，否則有可能被當作放棄參與資格論。若遇上任何回覆上的問題，歡迎在此帖中提出，謝謝大家支持本遊戲 {:6_128:}
本帖最後由 kelvinhin 於 2023-12-18 23:27 編輯
近年串流一體機競爭劇烈，尤其以中國廠商為甚，從低價到高價都有多間廠商推出依類產品，現時自己嘅串流播放系統已經用咗幾年，雖然音質上覺得滿意，但都想試吓近年新興嘅一體機表現如何，因為現時用 DAC 加串流機喺操作上比較繁複。感謝 Post76 及 NP Audio 帶來試用 Matrix Audio mini-i Pro 4（下稱 mini-i Pro 4）嘅機會，因為喺自己嘅聆聽環境實試，先可以充分了解到件器材係咪適合自己。喺香港依個唔流行由舖頭或代理提供在家試聽，或提供無條件退貨機制嘅地方，依種活動非常難得。
先講機身外形，個人認為 mini-i Pro 4 設計頗為精美，而且有 Hi-end 器材感覺。機身採用鋁合金外殼，打磨頗為細膩，邊位亦唔會割手。機頂嘅 Matrix Audio 標誌開機後會發出柔和光線，喺漆黑環境之下都唔會覺得刺眼。機面採用玻璃面板，左邊有 6.3mm 及 4.4mm 耳機輸出各一，中間有個 3.46吋 IPS 面板 LCD 屏幕，雖然尺寸唔大，但都可以以合理嘅字體尺寸顯示歌曲資訊同封面，少少遺憾係屏幕亮度就算已經調到「低」，喺漆黑環境仍然係太光，如果可以喺未來嘅 firmware 加入更低亮度選擇會更好。機側為咗避免干擾 Wi-Fi 接收，採用膠飾板，但望落都係頗有高級感，因為用上波浪紋造型，而且同樣打磨細膩，係咪為咗呼應佢支援 TIDAL 串流服務呢？（Tidal 一字有潮汐嘅意思）
mini-i Pro 4 機背輸入端子齊全，同軸、光纖、USB 當然齊備，亦有近年愈來愈多串流機支援嘅 HDMI ARC，不過最吸引係佢支援模擬音訊輸入，對於黑膠玩家嚟講非常重要，因為咁就可以一部機做埋前級直入後級或主動式喇叭，雖然實會有死硬派發燒友批評咁做會影響聲音動態，但對於依部機嘅目標用家嚟講，我覺得冇問題，因為依家嘅數碼音量控制已經有好大改善。輸出端子方面，除咗機面嘅耳機輸出之外，機背亦有 RCA 同 XLR 各一組，提供最高分別 2.2V 及 4.4V 輸出電平，十分正路。
未開始試聽前，本身諗住將 mini-i Pro 4 配合 Roon 使用，兌換埋之前喺視聽展攞嘅 60 日試用 code。但開機後就發現暫時未係 Roon ready，雖然可以透過 Airplay 頂住先，但音質會差啲，所以想用 Roon 的話就要等多陣。喺等待部無風扇 NUC 從 Roon Core 轉返做 DLNA server 時，我用 TIDAL Connect 聽住先，發現體驗唔錯，連接速度快，亦十分穩定，亦可直接喺手機上控制音量。隨意揀咗隻尹光嘅 "Dear Myself" 聽吓，老實講，音質比預期中好，人聲結像清晰同立體，唔同樂器嘅層次感亦好好，而且可以呈現具真實感嘅音色。起碼同我本身嘅 setup 比較，音質冇明顯下降，但 mini-i Pro 4 嘅定價係我本身套 DAC + streamer + USB 線定價嘅大概 1/4…
跟著聽香港樂隊「工工工」嘅專輯「幽靈節奏」，早前喺 Clockenflap 聽到佢哋嘅演出覺得幾有趣，喺 TIDAL 搵返佢哋嘅專輯嚟聽，一聽就鍾意，而且發現錄音質素都唔錯。喺 mini-i Pro 4 上聽依隻專輯，彈撥時嘅聲音細節很清晰，並且可以重現曲中有點 lo-fi 嘅溫潤音色，同時聽到主音結他同低音結他之間果種微妙嘅前後距離感。
mini-i Pro 4 提供多款數碼濾波器選擇，預設為「最少相位濾波器」（Minimum Phase），喺依個模式下，聲音會比較刺激，聽咗陣後我就開始嘗試各種濾波器嘅分別，最後發現「線性相位快速滾降」（Linear phase fast roll-off）最啱聽，因為佢嘅高頻比較自然，又唔會覺得暗。後來睇返 Audio Science Review 對其姊妹機 mini-i 4 嘅測試，亦發現 "Linear phase fast roll-off" 可以做到較準確嘅頻率響應。但每人嘅系統都有唔同，所以值得花啲時間嘗試吓邊個濾波器最啱自己嘅喜好。
當部 DLNA server 準備就緒時，我就開始試聽手上嘅音樂檔案，當播放新加坡歌手 Skye 喺 "Deep Blue" 專輯中唱嘅「囚鳥」時，mini-i Pro 4 超低嘅背景噪音令 Skye 果把充滿力量嘅聲線發出從漆黑中爆發嘅揪心感覺。我都知依個形容好似有啲誇張，但如果整套系統嘅背景噪音唔夠低，就會冇足夠嘅對比度去呈現出依種戲劇化嘅感覺，情況就好似用 OLED 顯示器睇電影一樣。
上面講到 mini-i Pro 4 嘅模擬輸入係我好期待嘅功能，因為我會攞佢嚟連接黑膠系統。播放咗幾隻黑膠試聽，有近期推出嘅現代數碼錄音，亦有純模擬處理嘅舊時代錄音，聲音聽落都頗細膩，播放狀態良好嘅數碼錄音黑膠，背景底噪相當低，當然模擬錄音嘅黑膠就難講，但普遍而言都唔會好明顯，聲音細節足夠，亦可發揮黑膠聲音比較生猛嘅特性，雖然依個模擬輸入會先轉換為數碼信號再輸出，但播放純模擬處理嘅黑膠時，仍然可以重現到溫暖飽滿嘅音色。
講咗咁耐，係時候講吓 mini-i Pro 4 嘅控制 app "MA Remote"。依個app 主要有兩個用途，第一係當作遙控使用，可以控制音量、選擇訊源及調較設定，第二係揀歌播，可以連接 DLNA server 、網上電台或串流平台。我嘅工作同開發手機 app 相關，從專業角度而言，依個 app 嘅介面設計唔錯，佢嘅 iOS 版不論係 iPhone 定係 iPad 版都係簡單易用，而且美觀，操作方面都頗快。但如果揀專輯嘅介面可以揀顯示大專輯封面的話就會更美觀，佢嘅繁體中文介面有啲從簡體中文介面翻譯過嚟時嘅錯字，而且有時喺 app 調整音量時，會突然跳返去原本嘅音量，用原裝紅外線遙控就冇問題。以上幾項如果未來可作改善就更理想。
最後，分享吓使用 mini-i Pro 4 發現嘅得意嘢。依部機喺 "Settings ->Product Info" 中有個 "CPU Tempature" 顯示，我發現只要佢超過 60 度，會比較好聲，主要係聲音會更飽滿、柔順，可能係同 warm up 咗有關？好彩就算 CPU 溫度超過 60 度，機頂都只係微暖，可以放心長開。
系統器材：
喇叭：ATC SCM7 鋼琴黑
後級：NuPrime ST-10
唱盤：Technics SL-1200GR
唱頭：Hana ML
唱頭放大器：Aurorasound Vida Prima
電源線：FISCH Audiotechnik Performance 1（串流播放器）、Belden 19364（唱頭放大器、唱盤、後級）
訊號線：Van Den Hul D 501 Silver Hybrid（唱盤駁唱頭放大器）、Supra EFF-ISL（唱頭放大器駁串流播放器）、Supra EFF-IXLR（串流播放器駁後級）
喇叭線：Early Bird Abraham Plus
拖板：FISCH Audiotechnik AFL Studio 4
本帖最後由 影音小編輯 於 2023-12-29 11:32 編輯
提提大家，第二輪借玩時間即將在2024 年 01 月 05 日結束，請以下 4 位版友儘快與 Post76 職員聯絡，辦理歸還手續。謝謝大家參與本活動！
5) rlmfung（已聯絡）
6) kelvinhin（已聯絡）
7) tcflex（已聯絡）
8) Samuelkk（已聯絡）
本帖最後由 tcflex 於 2024-1-4 22:28 編輯
一隻產品先要睇吓嗰間公司嘅背景,同埋個發展歷史,再睇吓佢咁多年產品組合。矩聲 (Matrix Audio ) 是一間中國公司, 由2009年開始第一步由Dac發展至2023年嘅時間第五代最新兩款產品Mini i4 和 Mini-i pro 4. 它們不同之處在於 mini-i Pro 4 增加了一個全平衡耳機放大器以及前置 6.35mm 單端輸出和 4.4mm 平衡輸出以及雙頻 Wi-Fi 連接。
之前我都用過Auralic Aries 大小白羊 Mini 的streamer ,Aurender ,Holo 泉 Dac 和 Denafrips Terminator. 對中國公司的高性價比印象非常深刻。大家不要以為外國的月光是圓的,今次測試的是 Pro 版,有耳擴和 WiFi。當然他們對上都有一些高端的產品,eg Matrix Audio X-Sabre 3 Dac. 有要求的可以上綱找找.
收到post 76給我Mini-i pro 4 後,給他精美的外觀嚇咗一跳,鋁合金外殼,機仔細細,同我部Mac Mini差不多,立即令我想起以前初玩CAS的時候,一部Mac Min 用Audirvana駁DAC再駁耳擴聽歌的時候,總共要用三部機,三條電源線,一條USB線和兩條RCA線,在蝸居下享受快樂的日子
後來高燒, upgrade了喇叭,黑膠唱盤,在自己的空間享受,一路都想問有冇一套All in one, 有streamer, 有DAC和耳擴,可以令我在公司用,不要咁多嘢,而又有質素的系統.
見到Mini-i pro 4真身的時候,真係有high end器材的感覺,鋁合金的上蓋,完全像外國有形象設計一樣, Remote control拿起手不算重,有少少輕，但係又不失美觀,沒有膠膠的感覺,機身的側面不是鋁合金外殼,是用膠板的,好像Auarlic Aries大白羊設計一樣, 我想目的是避免Wi-Fi干擾,但設計者十分聰明，不全機用膠, 只兩邊用,避免過分輕,容易令人誤會似玩具, 面板採用LCD display不大不小, 可以Touch screen設定,螢幕在串流時能顯示專輯封面，色彩鮮豔,且使用lcd螢幕不怕有烙印問題, 前面有6.3 mm及4.4 mm耳機輸出,這才是我最想有all in one的機種,
接口十分齊全, 有光纖, 同軸,HDMI ARC數碼和USB輸入, file format 支援 MQA, 輸出有平衡及非平衡輸出.
想知道部機嘅電源,同埋內部設計, 最直接的方法是打開部機,我傱 Post76 Hugo的review 發覺這個圖,電源在右側,數碼中間,模擬在左邊, 每部份的分離是很清楚, 屏蔽嗰個處理,同設計又真係做得幾好喎, 反映設計人對聲音有要求.
先裝上Matrix Audio自家的MA Remote app在我部iPhone和iPad上. 利用觸控螢幕往左滑進入選單, 只需選 LAN 或 Wi-Fi, 好快連上，更細部的設定需透過他們家的Ma Remote app達成。
Ma Remote好快找到我在NAS上的Music library。當然你的音樂可以裝在USB hard disk上，但記住一定要USB type C頭, 串流的支援，有Tidal, Qobuz ,Spotify和QQ, 如果要用KKBOX或Apple Music就只有用手機 Airplay或著用電腦 USB連接.基本上, 我4 種串流平台都有用.
一套好的串流,最重要的是軟件,沒有自家的軟件在設定上是很麻煩的,我現在用Roon, 之前用過Aurender 和大白羊的軟件,非常好用, MA remote 版面簡潔反應快, 又真係幾好用. Mini-I pro4 有 Roon Ready , 雖然還沒通過認證，排隊中, 但這是一個重點令我會購買.
在管理Music Album上，佢可以用曲目啦專輯啦artist啦或者播放列表呢嚟分工？你搵專輯嗰陣時好容易可以搵到你所需要嘅album，呢個係一個Music app應該要有條件.
在我公司一間細房的小系統, 先用部Mini-i pro 4 RCA駁上部Luxman LXV-OT7 ( 只有 4W ) 推 KEF XQ20. 初步感覺, 部機個底燥好低喎，可能係因為用Wi-Fi同埋用個手機Remote app streaming唔需要經電腦用USB接，所以背景十分黑. 以下是用唔同曲目的聽感.
1. 人聲: 胡林-頭髮亂了, 陳潔麗的 “高山低谷”
胡琳Jazz them up 的” 頭髮亂了” , 在 Min-I Pro 4 DAC 發揮下, 聽到中頻豐富細膩，飽滿，低頻能量足,緊實, 發揮了爵了樂和騷靈音樂風格. 我不禁oh! 連我自己也想一起跳番一 part 舞。
陳潔麗的 “高山低谷” 在一如往昔碟中, 把她清脆嘅嗓子同埋高音發揮出來，但係略嫌高音唔夠甜，偏直白少少, 但係唔緊要，可能我中意少少味精和膽機的聲, 各人有唔同聽感, Mini-I Pro4 中性的聲音,可以用線材或者我可以用膽微調少少. 另外，部機嘅速度令到每一段歌的轉接位有伸延,可以唔需要咁悶,令感覺暢快. Good!!
2. 小提琴
希拉里 ( Hilary Hahn ) , 在J.S.Bach: Violin Concertos 前三段都是Hilary Hahn與管弦樂團的合奏，最后三軌再加入由Allan Vogel吹奏的雙簧管.Minii-I Pro 4 的 DAC 可以聽到希拉里拉奏小提琴時的強弱力道極為分明，快慢起伏的表情在腦海中顯現出來
3. 結他
古巨基的guitar fever,碟內還有鄧建明、Barry Chung、雷頌德等結他樂手助陣，彈奏出一流的奏樂。「眼晴不能沒眼淚」是我十分喜愛的歌, 結他聲鏗鏘有力,充滿質感.
再出動我嘅AKG812 同埋focal Headphone 試一試 . 二隻Headphone 都用6.3mm試, 由於我冇4.4mm頭, 試唔到平衡低操Headphone嘅表現. 音量調校到40已經非常好聲好力.但二隻 Headphone 的表現勝過我用我部 Atoll Dac 200 內置的 Headphone. 我相信在強大推力下, 大耳牛等Headphone, 一定沒有問題.
再試用手機KK box 和 Apple Music App, Airplay 到 Mini-I Pro 4試 徐佳瑩的 ”尋人故事”. 音場有少少壓縮和有輕微的底燥，但係唔嚴重,都有 8,9 成嘅效果,喺方便嘅程度嚟講我都好接受㗎,因為KKBOX同埋Apple Music有好多廣東歌同日文歌可以聽, 比較TIDA和Qobuz佢又另一個方便.
Mini-i Pro 4有多款數碼濾波器選擇, 目的是可以令你調教音效.我中意原音, 所以楝 default. 其他的我覺得可根據自己口味調教. 其實現在好多機都有這個選擇，但聽過咁多個我,最鍾意都係HQPlayer嗰個。佢哋個調音同upsample真係有專業嘅水準，我而家喺我屋企裏面嗰個系統都用緊!!
如果用在小房間或睡房💤用，真是綽綽有餘。
因為部機有啲技術問題，用唔到，所以呢兩日先至得閒駁返部機轉到屋企大廳的大系統測試
測試器材
Speaker: Focus Audio 788
Pre Amp : Sound Master 23 MKII
Power Amp : Bryston 4B3
XLR from Mini-I Pro4 to Sound Master: Neotech NEI 3001
RCA from Sound Master 23 MK II to power Amp: DIY silver cable
Speaker Cable: Inakustik Ls 1603
在大廳用大喇叭可以把音量轉大就有以下的發現.
1. 音色:
部機係用串流同埋我NAS個Library 的表演上十分出色, 中性的音色, 低音澎湃，聽簡單嘅樂器,可以聽到唔同樂器在唔同嘅位置上出現, 比我用緊 DAC + DCS Network bridge機都有差唔多八成嘅功力,只係密度同埋個鬆容度差少少.仲有, 比較複雜嘅樂章佢有少少亂，但其實都唔錯啦. 唔好忘記Min-I Pro4 只係我套機價錢嘅八分一. 呢部機係入門版, 我真係想試吓佢對上嗰啲高級嘅DAC個結果係點樣？
2. PCM VS DSD:
Mini-I Pro 4 的 DAC 好似 PCM 好聲過 DSD. 喺以前用過嘅DAC, 有啲就PCM好聲 , 有啲就 DSD好聲，好似我屋企嗰部 SOTM DAC個DSD就非常好聲.
3. 電腦USB出 VS 串流:
用手機 remote玩Tidal串流,人聲有感情,聲音收得有尾音, 有餘韻, 感覺比USB好, USB音場有的窄, 少了小小感情. 呢個就可能USB喺聽音樂嘅傳輸嘅缺點. 高級嘅DAC佢喺USB上邊做咗好多嘅微調,令到佢哋嘅音色喺USB傳輸嘅嘅效果上面都好好聽㗎. 當然你哋可以加一個USB嘅Relocker嚟解決.以後就正式 “Give up computer to play music”.
第一時間開機播TIDAL ,播隻 Anette Askvik 的 Liberty 印象是底聲好寧靜,人聲好舒服.
開機試機煲機煲咗幾日,播Diana Krall 隻All Or Nothing At All,一開聲前段嘅牛筋聲和中底音琴聲,一陣陣低音大提琴嘅低頻聲,我用嘅B&W 702S3,低頻都好難推出聲,但都出現陣陣嘅中低音襯托弦聲,的確令人回味.
聽咗幾首都有結他聲嘅歌曲,結他嘅聲音都相當突出相當美妙,聲音開始有一份耳目一生嘅感覺,弦聲聲音好突出同埋響亮.
再試咗幾首人聲嘅歌,人聲嘅定位都相當準確不屬於太過前傾或太過向後傾向,正正喺兩隻喇叭嘅中間.
到三國之見龍卸甲,電影原聲大碟嘅五虎封像,鳴鼓嘅氣勢相當洶湧澎湃向外伸延,鼓聲嘅定位相當明確.
試講下MA Remote 這套軟件嘅操作,比用遙控器好用得多,所有操作都可以在 Apps 內進行,我就相當滿意,而Load usb 手指及NAS 中檔案相當之敏捷,
只是有一點,從 NAS 播歌當在電話選好歌曲播放,要一秒才到部機出到歌曲資料和相片,但Load 歌相當快(歌比資料,相片)快多.
但有情況我唔知是我設備有問題,還是設定部機有問題,用手指播 DSF 格式歌可以出到碟面相片,同一檔案在NAS 播就出唔到碟面相片,其他WAV,Flac 檔就沒有這個問題.
usb 手指檔案 A比
NAS 中檔案
最後來個總結,部機無論聲音,操作速度都相當出色(遙控器除來),
就算將聲音開到平日一半音量,部機表演出歌曲微細細節和音樂味,特別係弦聲嘅表現,係我杯茶.
多謝post76的返家試玩，因有很多師兄已試了用高級擴音機和大喇叭，我就專攻耳擴加耳機，包括PK用Cambridge Audio, Wiim Pro, RP4, Xduoo XD05 Pro 和 Chord Qutest，耳擴有Lars & Ivan TH21, Chord Anni，耳機有HD800, LCD3, K812 和 HE1000se。
Scenario 1:用Mini-i Pro 4 作streamer
所有操控也很方便，不論用遙控或機身的LCD板面都可選音量和output，但選歌必须用apps，LAN 或WiFi 都很暢順，比MXN10和Wiim pro使用上差不多，但Mini-i有彩屏，歌曲圖片及訊息，使用感覺當然好很多，但可惜不是Roon Ready不可以 统一音樂播放系统， 期望它的Roon Certification 盡快完成。
Scenario 2:Mini-i Pro 4 headphone out PK RCA out
基本上 Mini-I Pro 4 的 headphone out 不及其 RCA out 尤其是用高階headphone amp 更顯實力, 音色會好好多, 可能 Mini-I Pro 4不是專注在headphone amp,推大耳牛如HD800, LCD3, HE1000se 及 K812等都力有不递，音域較窄和生硬，RCA out不論是用Anni或TH21, 音色都比較順滑廣闊。
Scenario 3:用 Mini-i pro 做DAC PK 其他DAC
用其他DAC (Qutest, XD-05 pro, ifi iDSD)做PK測試, 比較之下Mini-I Pro 4 的DAC 絕對不輸蝕，只比Qutest差一些。
總結:
Mini-i 雖是music streamer,但還未Roon Certified, 所以不能直接用Roon service, 必須經其它streamer 或其他傳輸标準接缚聽經roon的音樂，比較麻烦，因我的music library 全部在NAS,若不用其它streamer 如RP4, 唯有用Matrix Audio 的apps。
rlmfung 發表於 2024-1-3 16:24
多謝post76的返家試玩，因有很多師兄已試了用高級擴音機和大喇叭，我就專攻耳擴加耳機，包括PK用Cambridge...
Mini-i Pro 4 其實係 Matrix Audio 比較入門既型號 ,如果需要推一D比較難推既耳機, 通常會建議交比X2 去處理.
