孤身走我路 發表於 2023-10-19 11:01
本身已經有兩款其他牌子耳機、(Sxxx、Bxxx),聽完呢款Denon PerL Pro之後, 可以放低前兩款耳機……
天龍呢隻 ...
哈哈, 恭喜哂搵到心頭好呀!!! 咁快就買, 唔玩多陣呢~{:1_344:}
本帖最後由 孤身走我路 於 2023-10-22 15:54 編輯
有句成語叫：急不及待
師兄好, 多謝你參與我地返歸玩活動呀, 你個分享帖我GROUP返入去個PO度先~{:1_351:}
孤身走我路 發表於 2023-10-20 13:35
有句成語叫：急不及待
真係好開心喎, 咁快就入手, 多謝孤兄試玩我地既活動呀!{:1_338:}
幾位有份參與返歸玩既版友注意呀!! 活動係有截止既時間架, 大家係指定時間前就要分享你玩完之後既感覺架勒~{:1_338:}
#分享截止時間: 2023年 11 月 06 日 23:59
#分享請直接在本帖回覆試玩感
活動完結後，廠方將選出兩位 最有心思分享嘅版友，有機會得到一隻 Denon PerL Pro 真無線藍牙耳機 (價值 HK$2,780) 作為鼓勵！{:1_335:}
本帖最後由 KHim 於 2023-11-1 13:41 編輯
首先多謝Post76抽中我，有幸可以參加尼次「Denon PerL Pro 真無線藍牙耳機 - 返歸玩」活動。❤️
外觀、佩戴感受：
一攞到隻耳機第一個感覺就係比想像中細隻，本身自己都有用AirPods pro同Sony wf sp800n聽歌嘅，但攞PerL Pro泊埋隻Sony 度竟然係PerL Pro細啲同輕啲😳本身睇相以為PerL Pro塊圓形觸控面板會好大，戴上耳會重，點知實物完全相反，又細又輕，戴上耳仲幾舒服添。有一個位我覺得好貼心嘅，就係佢會送埋耳棉俾你🥹，呢個係值得一讚👍🏼。換咗對耳棉嚟戴，我耳仔有一種被填滿的感覺，同埋真係好隔音🤣。仲有一戴起隻耳機會聽到「welcome back」尼下真係好有Iron Man個AI「Friday」嘅feel 🤣。
使用感受：
攞到耳機嗰晚即down app，咁啱我屋企有間鼓房又黐晒吸音棉，梗係要坐入去靜靜地慢慢等個AI幫我調音啦。等佢round一輪 之後終於得到我自己個人化嘅調音啦。最初攞耳機未做AI調音，就咁聽都覺得好唔錯，做完個調音出嚟，真係令我嘩一聲，完全係兩回事。首先就係個音域我覺得係闊咗嘅，你會feel到好似俾個波罩住左你個頭，你個頭就係喺個波嘅中間😂佢個空間感、聲音嘅走向都做到俾你。人聲有明顯嘅唔同啦，你會覺得聽落去個感覺豐富咗厚實咗，聽落去好飽滿嘅。但係去返default mode，成件事就即刻單薄晒啦。佢低頻嗰個沉浸感係好勁，個bass真係好有力，天龍果然係天龍🤣佢嗰種嘅低音係會令你好投入首歌，不斷喺個底度浸住你，但係你又唔會覺得佢好肥好over㗎喎。 你係好似帶住咗一對2.1嘅喇叭出街聽。
咁試機我都有攞我平時打鼓嗰啲音樂去試，同埋就咁聽歌嘅。咁講吓我打鼓嗰啲音樂先啦。Bass drum係好出，每一下都強而有力。啲鈸聽落去都好清脆， 特別係聽打Ride個Belle嘅時候嗰啲叮叮聲係真係好清脆好正。 咁我都有試過帶住嚟打鼓啦，我反而幾鍾意佢個隔音。試關我平時練鼓用Sony嗰隻藍牙耳機一戴晒兩邊去打鼓，真係會聽唔到自己打緊啲乜嘢。但係PerL Pro就唔會喇， 佢都隔到聲，但係起碼唔會完全隔晒，佢係可以喺你聽緊音樂嘅情況下仲可以聽到自己打緊乜，呢方面對我哋鼓手係幾好嘅。同埋有時我都會自己聽吓歌寫吓譜咁，而PerL Pro嘅分析力就做得非常好，每一下鼓聲鈸聲都好清楚，唔會一pat野咁比你，令你好難聽得出首歌打緊咩，平時可能要聽多幾次先聽到原來打緊嗰個鼓，但今次隻PerL Pro聽兩次都已經可以聽到打啲咩寫返出嚟。咁到平時聽歌啦，我本身就比較鍾意聽鄧紫棋嘅歌，咁我就試咗佢呢排新出嘅返唱歌「唯一」，本身用自己耳機聽，就覺得好平均嘅成首歌，但係今次用隻PerL Pro去聽反而聽多咗嘢，首先就係佢俾我聽得到，原來佢錄音嗰陣時係有錄埋佢嘴唇打開個吓嘅開合聲， 其次就係佢嗰啲吸氣位係明顯咗，人聲好飽滿好暖。試佢「平行世界」嘅live版，你會feel到人聲啦咗出嚟，啲音樂同隊Band係喺背後浸住你。咁我都試過欣宜首「Glitterfalls」，我好記得去到中段分半鐘到啦，佢底嗰個音樂有個位係會由你左邊到去你右邊耳仔嗰種感覺係好得意，我用開嗰啲耳機都聽到有呢一下，但係唔會有咁明顯嘅位置走向俾到你囉。聽GaGa嘅歌更加唔使講，鼓聲、音樂複雜梗㗎啦，但係PerL Pro俾到你嗰種空間感、重低音真係唔講得笑，我好記得聽Just Dance去到最後一段（首歌嘅3分鐘到啦），如果用以前啲耳機你淨係會聽到左右囉，但今次我係聽得到好明顯地句歌詞係，喺你右邊俾你先再到左邊，之後就不停右左右左彈嚟彈去，之後一野Gaga把聲就會係返你個頭中間彈出嚟😂嗰下我真係聽到嘩一聲🤣聽「Shallow」同「Always Remember Us This Way」一樣，個現場感都好勁，好似真係睇緊live咁🤤其他耳機反而會拉後咗嗰啲現場聲推返Gaga把聲出嚟。另外我自己都會聽吓啲日本動漫歌，我聽返咒術嗰首主題曲「迴迴奇譚」，驚起地佢俾我聽多咗嘢，一開頭原來背後係有啲叮叮聲嘅音樂，之前一直都聽唔到，今次用隻PerL Pro聽，即刻俾我留意到佢嗰下。
呢隻Denon PerL Pro真心堅有料，又要keep到人聲咁靚，又要比到咁重嘅低音你同時又唔肥，我諗喺我聽過嘅耳機入面真係得佢先做到👍🏽
好啦，我嘅感受嚟到呢度啦，再講就驚太長🤣 希望你哋會睇晒我嘅分享啦，唔好嫌太多字就得🫣 順便都分享吓俾大家，我喺個App嘅EQ。不過都係嗰句，聽歌還聽歌，記得要注意安全。事關隻耳機真係好隔音，特別係鍾意用耳棉嘅師兄，你帶住咗出面嘅聲真係會完全聽唔到，除非去到好大聲啦。
以上都係純粹個人感受🙏🏾
很高興可以試用Denon PerL Pro, 其實最想時試的，就是它的個人化耳蝸適應功能，其實早幾年已用過類似耳機，主要是個人化後，聲音可以變得平衡和飽滿， 因每個人的左右耳蝸結構多少也有分別，導致聲音和結構一樣的耳機對每個人的左右聽感也不樣，如大小聲，高低頻等，都有不平衡感覺，Denon PerL Pro 的技術正好纠正這些缺憾(雖然這不是每個人都感覺到)，但對我而言是不可或缺。
試用完Denon PerL Pro後，可以歸納到以下幾種優點和有待改進的地方：
優點:
1)Masimo's ATT 技術加上Denon的手機APP比其他耳機(如Nura) 容易做到適應個人聽感
2)消噪音效果可以自動適應周圍環境作出調整, 不錯
3)10mm driver 令整體音質提升不少, 音域廣闊
4)耳機板面夠大, 方便操控
5)操控耳機的第二擊用不同提示聲, 設計貼心
有待改進:
1)耳機稍大及較重, 容易跌下, 用耳托卻不太舒服, 最後用耳棉尚可
2)耳機和充電盒非常緊貼, 雖能減少遺失機會, 但取出耳機有小小難度
本帖最後由 heerocolour 於 2023-10-29 13:07 編輯
前言:無線耳機我暫時只擁有過兩個款，吸引我去參加試玩係因為Demon這個耳機有聲音驗測功能（Masimo AAT)，能夠驗測使用者耳朵既接收能力，從而配合使用者有一個最好的聆聽效果。
既然POST76有得囉返去玩咁我緊係入紙申請借返去玩啦~~
呢隻耳機試完之後，感覺音色夠充實，低音足夠有餘但自然唔太假，亦都唔肥。而PerL Pro其中一個賣點係新功能Masimo AAT，呢個係幫你分析你耳仔可接收既動態，當你做左呢個testing之後佢會俾個A/B Test你，只要你聽一聽你就分得出前後對比。
而令一個基本耳機既賣點：降噪，佢有主動降噪功能，曾經試過朋友sony既無線耳機降噪功能，感覺上Demon比sony更強，隔聲效果很好，就算係街都唔太聲到街上行人講野唔入聲。
自己個人聽開90年代日本Being時代既歌，即係Zard、Field of View、愛內里菜等等，仲有管弦樂、小提琴呢類既歌曲。咁我人聲就揀Zard、藤田恵美、Field of View，大爆棚揀左end game復仇者集結，管弦樂揀左Violin Concerto no.4 in D major KV 218 Allegro。
先講人聲，Being呢間公司係以唱作系出名既公司，所以歌手唱功一定唔會差，PerL Pro播出黎可以做到人聲飽滿，人聲好出，特別女聲方面更特出，藤田恵美(佢唔係Being既人黎)直頭係人聲中既表表者，佢既歌係一定要聽live，係Demon PerL Pro 播放下Headphone Concert 2021完全係表現左佢現在唱功既功架，再加上身邊既包圍我覺得好似俾左錢睇現場咁；大爆棚的話end game復仇者集結係一定必試包圍感超強，而交響樂、小提琴之類所播放空間感好強，好有立體感，感覺好似致身現場坐係皇帝位一樣。
Demon既低音從來都唔差，而今次PerL Pro佢既低音潛得好深，深得黎又唔會有好肥既感覺。我本身有用手機睇Disney+，我載住佢就好似係屋企睇戲用緊Atmos咁，完全有家庭影院既感覺！
但你問有冇缺點……畏一既缺點係耳機面積真係好大，由於佢可以做出良好的聆聽效果，所以零件會比其他品牌耳機多，毋疑比較大。我自己用開apple airpods，係公司自己個位道上司唔留心未必發現我聽緊歌，但我用PerL Pro因為太大粒上司望一望我已經發現我塞住隻耳。為左測試呢個耳機我已經俾人小左兩三次啦～～
總括而言，Demon PerL Pro係音色上、使用度、價錢都係本年度三甲之一。
幾位參與返歸玩未分享既版友注意呀！活動分享就快到截止時間喇！！！！{:1_330:} {:1_330:} {:1_330:}
未分享的版友：
Andrew322
issacher
LaiManHo@G
記得在指定時間前分享你玩完之後既感覺！就有機會得到一隻Denon PerL Pro真無線藍牙耳機！！！！
唔好錯過喇！！！！！
#分享截止時間: 2023年 11 月 06 日 23:59
#分享請直接在本帖回覆試玩感
活動完結後，廠方將選出兩位 最有心思分享嘅版友，有機會得到一隻 Denon PerL Pro 真無線藍牙耳機 (價值 HK$2,780) 作為鼓勵！
多謝POST76有試玩。
第一次使用DENON品牌， DENON PerL Pro用後感受真是太好！首先，音質簡直讓我驚喜。我在聽音樂、睇電影時，聲音都呈現超細膩。高音清亮，中音飽滿，低音只是差少少，但可以用PROEQ補番不足，如果廠方增加不同收EQ模式就完美，可以比新手選擇。高中音各方面都控制得很好。本人聽開J POP，PerL Pro都能夠讓我覺得音樂是享受的。
本人使用B&W PI7 S1，覺得隔噪比B&W更加舒服，只需用一半音量，已經可以達到隔音的效果。接收能力都不錯，在旺角的地區，很多就可以連接到。
雖然耳機外形比較大，但是想象中輕，用起來唔會有唔舒服感覺，很貼合我耳仔。加上隨機跟耳翼，運動時都唔會跌出來，十分抵讚。
https://news.post76.hk/category/samsung-page/
還有PerL Pro提供耳膠有S、M、L，同記憶耳棉，很少廠方會有耳棉提供。用左耳棉隔音可以再提高。尤其在吵雜的環境中使用它，讓我能夠享受更集中的音樂。
最後一定要讚就係「Masimo AAT 自適應聲學技術」，可以有三個PROFILE記錄自己專有EQ，可以聽音樂就不同PROFILE。手機APP介面簡潔，耳機按鍵可以自訂。
總的來說，DENON PerL Pro耳機給我帶來了超級棒的使用感受。它的音質出色，舒適度好，隔音效果也很棒。如果你追求高品質音樂和舒適感受，我真心可以一試DENON PerL Pro耳機，不會令人失望。
