................
本帖最後由 hugo2009 於 2010-10-21 22:23 編輯............... 本帖最後由 阿定 於 2010-4-12 00:36 編輯
影相只為留住果一刻的感覺，做一個記錄！
就算比我影相影到一張奧運會某運動員的精彩一刻，張相靚到全世界的人都認同，都唔及我讀書時人地幫我影的一張自己打學界比賽時，連樣都未必影得到的相！
又例如比你影到一個世界級的model，張相用作全世界的廣告相，都唔及自己親手影自己果女第一次企起身，咩setting都咩set好就影的一張snapshot 冇為嘜架，有器材係到，鍾意就出去影，唔鍾意出去，係屋企影下狗仔都得.
點解要用DSLR, 因為DC仔有D野做得唔夠好，所以負擔到就整部好D.
其實唔好話影相，只要沉迷左係一樣野度而影響左自己生活或身邊既人，甘就
已經出現問題，做人太執著有時都唔係太好．放鬆D啦． 我為滿足感....捕捉到0個個 moment....有張靚相就會開心....
呢排天氣差....冇乜約人影相.....用機仔影下 snapshot 同0的 fd gathering 既事....都幾開心架.. 有份執著及高要求，做好件事係好 ... 當然明白身邊亦有好多人做乜都係三分鐘熱度。不過，過份執著及過高要求，無論對人定對自己都會變成固執同挑剔，咁同樣會令自己失去影相真正意義。
總知， key 既無論 fd 定徒弟就點多兩招，唔 key 無緣既話，唔好理佢什麼心態，自己玩得開心就夠。仲有要多照顧別人同家人感受，唔好乜野都從自己角度睇。道理同影相一樣，唔同角度、唔同時刻影出黎既野，比人感受完全好唔同。
影相幾重要都好，家人先係人生最緊要既野，好好珍惜眼前人。 唔影響其他人同...事的情況下,
為的都係自己影得開心同滿足...可必太看重於其他! 發明攝影原意只為紀錄
我自己喜歡享受攝影嘅過程同留住那一刻嘅時光
如果其中有部份作品能感動自己，家人和朋友就更加開心呢！
用咩器材每人有自己喜好，更要睇負担能力，
喜歡而又能負担的買好一些器材也全無不妥，
若然未能負担則選用較平設備也一樣能拍出好作品，
靚機唔代表有好作品，平機都一樣唔代表有好作品 (所以無關係的)
透過拍攝從而提高個人修養同思維才是福，大家一起努力吧！
樓主，試吓唔好用自己嘅"思維"去將每件事倩"規限"，
客觀地去觀察和學習，容許和接受事物有多一些可能性，自然會令自己有更高突破，
( 世事發展從來就係不理性，只係人强行喜歡用自己嘅"理性"去分柝 ) 講多幾個point先
過份沉迷，失去應有的生活，打亂日常作息，遠離左現實的親朋好友，無論影相、打牌、打波、打機都好，都應該重新思考係咪你所追求的生活！
器材先決並不代表錯，只要唔係自己能力之外，買高價器材唔係錯事，誤以為高價換到好技術，如果係發自內心的開心，雖然有點無知，但人生就是求開心，無知是福，你亦無需同人講道理，強迫別人面對現實亦不一定係好事！ 認為器材先決的，不一定是影相的，音響、汽車、甚至手提電話，都會有好多人認為器材先決的，一個人唔可能改變整個世界的價值觀！
每個人都有不同的睇野角度，當你把影相當係一種藝術，千奇唔好強求別人都要當係藝術來學習，否則用自己把尺去量度別人，只會得到唔開心，如果志趣相投，係好彩，如果方向唔同，有緣做朋友係好事，無緣亦無需強求，如果你覺得教人係開心的話，你就照教，如果你期望教左的人都係跟你果套，聽你的話，佢地做唔到會影響自己心情，我唔建議你教人，因為現實有好多老師都係教緊一大班唔會聽自己的話的學生，我相信就算係孔子都有教唔到的學生，何況我地呢d平常人，放開懷抱，做自己喜歡的事，分享自己的心得就是了 師兄, 就算揾錢多
都唔需要下下去威禁影相喎
以我所想, 根本靚機=/=靚相=/=有錢=/=冇錢=/=有心去拍攝=/=冇心去拍攝
全部唔可以拉埋黎講
若果影相係為左威, 我諗那個人都幾膚淺
要威, 揸架法拉利, 食飯餐餐幾千蚊上落, 有幾個工人, 住幾千尺豪宅
嗰d先叫威, 亦係威得起
玩相機鏡頭玩得幾多錢, 人地一架benz都幾十個
夠買晒成個series既好鏡了
師兄, 有心玩攝影一定會遇到你既經歴
我都係, 玩左4年, 睇到好多野
有人會睇你唔起
有人會羨慕你
有人覺得不外如是 (無論係相片定係器材)
有人認為你浪費時間
有人會讚賞你
有人會妒忌你....etcetc
但係咁又點
商業社會係咁
有positive feedback既背後一定有更多negative feedback
要接受, 要學mankoo兄的"透過拍攝從而提高個人修養同思維才是福"
想當初影相係為左"想學人地影到d好靚既相"
回憶/記錄當然係有, 即係老土d講"我亞媽係女人"
到玩耐左1年2年, 我就發覺攝影係為左我想日後睇番自己既相係一件賞心悅目既事
所以要求影好d, 後製好d, 練習多d
到而家, 攝影已經係我生命既一部份
呢樣興趣亦都隨住技術既提升而又得到認同既時侯產生了一d生意/freelance
呢個攝影世界好似萬花筒
有人虛心的, 有人驕傲的, 有人有善的, 有人自以為是的, 有人真誠的, 有人為多接觸模特兒的
沒有對與錯, 這是只反映了個人性格及修維而已
我們有福, 有dslr玩, 有對眼晴從viewfinder看到這個世界
其餘的, 也無需計較那麼多了
多寫了, 正是為了分享我攝影路上的一點點 本帖最後由 Raphael 於 2010-4-12 13:04 編輯
細個時有無睇過雜技表演?
有無試過模彷?
小弟以前就係呢種心態......
人天生就對喜歡既事物有模彷心態 ; 見到人地影相靚, 就會希望自己都做得到
如果只係希望有好既相片..... 買咪得囉~ 幾靚都有~ 駛乜自己影?
其實, 相片只係副產品; 見到自己影到喜歡既相, 嗰份成功感先至係最想得到既野~
所以, 有啲 "影師", 當有人對自己相片作出批評時, 往往會好大反應
因為被批評既, 唔係相片, 而係影師本人....... 嗰份成功感無咗, 等於將佢最重要既野拎走咗