我的M&K V12+超低音調較小分享
本帖最後由 cakecake 於 2024-9-4 23:14 編輯前幾個星期因為對Monitor Audio Silver 100 7G 都煲左一段時間而從新做一次Audyssey MultEQ-X，做既期間亦都有順便再調下隻M&K V12+ subwoofer。
https://post76.hk/thread-344830-1-1.html
除左發現在新位置離牆backfire 3 寸比2寸更好之外，亦發現左隻V12+既新玩法，小弟就獻醜分享下我既新發現。
今次主要想分享下我自己點調隻V12+，首先V12+有auto EQ的，佢既做法係需要用到電話或平板電腦，而我係用Android電話做的，做既時候最好用電話夾再放上3腳架然後放在皇帝位，放既方向就最好跟據電話既收音咪位置再指向前方，而我電話因為有幾個收音咪，所以我會咁樣夾住個電話做，
情況就好似拎起個電話拍片咁，不過主角係前中置喇叭和V12+。
(以上係示範用電話夾既方向，實際係要放在皇帝位上既三腳架)
擺好陣之後(我隻V12+係用backfire離牆 3寸)，隻V12+最好已經進入On既狀態(藍燈)，以免佢一下子被做auto EQ果下強大低頻轟醒。做之前亦要用apps將佢Phase歸0(或者揀AVR)。V12+機背Volume擰去THX, 較大細聲用apps教, 保特安靜，關窗關門熄冷氣(must)。做auto EQ揀1個位做就可以(按1字)，大約1分鐘做完。
做完V12+既auto EQ後，就可以做Audyssey
。小弟做Audyssey既方法，詳細唔再講了，如師兄們有興趣就可以睇下小弟呢個post:
https://post76.hk/thread-338696-1-1.html
個人建議做Audyssey最好用吊臂型既咪架做(大約$100蚊)，效果好好多。而V12+做Audyssey 之前記得要用Apps將V12+音效Preset轉做Normal，Phase揀AVR，Crossover揀LFE。
做完Audyssey之後，調返好V12+音量(我會用音壓計mode c 調整至80db)及微調各聲道音量後，開始再手動調V12+了。
小弟會用自己極之皮毛既REW知識去協助自己找Phase，未接觸過REW而有興趣既師兄可以參考以下youtuber既片，小弟學用REW都係睇佢既片:
https://youtu.be/yMussZ1C-dE
小弟隻V12+係調佢自身既Phase去微調相位，其實亦可以用amp既subwoofer既距離去做，即係PAC大哥之前分享過既"呃尺"(youtube片都係教用距離去調教，但調整前記得先另外記錄好原本Audyssey測出來的subwoofer距離以便重置時用)。但唔知係我家居問題定係點，我用V12+既Phase效果係較好，所以我都係用Phase教。個人建議只用一邊去調，即係唔好又郁Phase又同時郁subwoofer 距離，免得越攪越亂。
至於Phase有咩分別，可以睇睇下圖:
紅線係Phase 0
藍線係Phase 30
黄線係Phase 90
睇下大約68Hz(橫線)，紅線得56db，但藍線一下就上到70db。至於5，60Hz或以上就係關係到衝擊力。而看似黄線比藍線係好少少，但實際聽感上，Phase 30(藍線)係感受性強D，所以Phase最終我係用左30。而Phase 90打後我亦有做測試，但不論睇圖和實際聽感都係極之唔得。(做REW時，我係使用L+R，因為youtube片介紹時係話使用L or R就可以，但若只使用一邊做測量，對於找Phase時會變得唔平衡。不過亦有說法係睇戲多用C, 聽歌多就L+R, 所以做測試時不妨比較下, 睇下自己鍾意邊個多D)
Phase呢part其實亦可以用親身感受去調整，REW不是must。
較完Phase之後，我就做埋最後一part，亦係解除V12+既封印，就係停用V12+既Auto EQ。即係開始做Audyssey 時，V12+既auto EQ要On，做完Audyssey之後就唔再扮乖off Auto EQ。我諗個原因係如果一開始個V12+既auto EQ係off既話，V12+既兇猛既特性會俾Audyssey 磨走左，所以V12+唯有扮乖開Auto EQ，而V12+既Auto EQ最主要既功用係磨平大約5, 60Hz以上突出來既地方(唔會填凹位)，呢個我係睇外國評測得知的。而Auto EQ後的V12+ 係好理智好乖(條頻響好平)，所以Audyssey 亦唔會攪佢。而V12+個Auto EQ功能只要做過一次個數據都會keep住，如果唔鍾意解放後既聲，只要On返Auto EQ就可以，唔需要再重新做一次。
以上就係小弟對V12+既調教流程，點樣教機都好，最後結果都係要耳聽為實，所有數據和圖都係輔助性質。
果然系好post{:6_193:} 本帖最後由 cakecake 於 2023-8-4 08:45 編輯
至於解放前後既聲音表現：
解放前(auto EQ ON)，聲音係好平均，有衝擊力有包圍感，但係覺得係舒服，聽音樂會幾岩聽，簡單D講，係斯文型。
解放後(auto EQ OFF)，聲音變得極放，低頻聽得出係毫無保留咁放出來，衝擊力如猛獸，包圍感與解放前差不多，聽演唱會尤其是香港式果D會好有現場感，backfire都唔會低音一patpat，睇戲更加就無話可說。簡單D講，係重味兇狠型。
不過話分兩頭，買得M&K就係貪佢兇狠，如果要舒服，可以諗下其他牌子(如REL)。
至於之前小弟建議用Manual EQ去加強口味，發覺解放後完全唔需要用呢招，用左反而覺得力感無咁好。
如果用auto EQ ON又想加返少少味，就不妨試下配埋Manual EQ於60~68Hz之間加少少。
帶頭盔先，以上分享只係小弟在家感受到既效果，未必個個合用。
而REW既使用方法亦未必用得準確，其他資深師兄見笑了。
{:8_387:} cakecake 發表於 2023-8-3 08:25
至於解放前後既聲音表現：
解放前(auto EQ ON)，聲音係好平均，有衝擊力有包圍感，但係覺得係舒服，聽音樂 ...
多口問句：有冇試過call 完AMP 先至call 拾仔呢？ pac 發表於 2023-8-3 08:48
多口問句：有冇試過call 完AMP 先至call 拾仔呢？
如果Cal完amp先再Cal拾仔，我試過效果係唔好的，所以M&K apps都建議先做M&K auto EQ，然後再做Audyssey。
高汁good post !!! {:6_142:} 本帖最後由 cakecake 於 2023-8-3 14:25 編輯
至於Apps入面果3個音效; Normal，Music， Movie
聲音分別大家可以睇下呢幅圖就大約可以知道(來自外國評測網站):
藍色Normal: 聲音平衡，5, 60Hz少少微突有D M&K味
綠色Music: 聲音比較上少少少潛，衝擊力相對小D
紅色Movie: 衝擊力強勁，刺激感十足
我個人會根據不同情況而用呢D音效的 MK plus呢個系列真係幾方便.{:6_157:} 係囉！反而X系列冇呢個app 🤷♂️真失敗 wayne0503 發表於 2023-8-3 20:31
係囉！反而X系列冇呢個app 🤷♂️真失敗
其實X系無apps係因為X系列係專業用，所以需要穩定既操作，始終只可以用apps操作既subwoofer相對係唔穩定。
而調口味，可以用擴音機整條曲線俾X系列既subwoofer，呢樣野亦係一般專業人員set機既手法，所有野經processor 攪。