本帖最後由 jjwenda 於 2023-4-25 10:48 編輯
剛剛去完Mark哥度試聽左，有幾點想講吓，首先講講個環境
聆聽環境香港嚟講算唔錯，大約有二百幾呎，略略長方形，系統是7.1.4架構
160吋巨型透聲幕，器材完全收納在屏幕之後，加上兩邊牆壁、天花和地面都各有黑色物料布遮蓋住，黑漆漆嘅環境對欣賞電影投入左係加分，屏幕跟聆聽位有十呎左右距離，唔覺有壓迫感，梳化離後牆有幾呎空間，喇叭擺位依足Dolby Atoms指引，環繞聲音物件移向就輕鬆地由前面走去後面，整個包圍感和連貫性足夠
另外，Mark哥將前面左中右3隻喇叭set到full range ，因為有6隻15吋超大口徑低音單元助陣嘅關係，聲音輕而易舉就將整個空間填得滿滿，既可以輔助隻十仔之餘，又能夠做到低頻密度非常之高，不完全是單單打心口嗰一類，又可以做到浸低頻喺褲管位置拍打嗰種感覺氣氛，過癮
跟住，不得不講講號角horn，中高頻段出嚟嗰種排場、質感、宏大和密度，從容有韌力，所有弱音細節都一一呈現，加上單元口徑大，如果只論聲音表現的規模感，就足以將其他類型的民用喇叭比下去了，係自己從未喺私人環境裡面遇見過呢種氣勢（戲院除外）
最後，一言以蔽之，其實就係一間小型影院咁樣，能夠以電影院為藍本去設置一套影音系統，妥協真唔少，如果發燒程度可以分等級嘅話，Mark哥都應該算得上係頂端嗰層喇～
jjwenda 發表於 2023-4-24 14:34
剛剛去完Mark哥度試聽左，首先講講個環境
聆聽環境香港嚟講算唔錯，大約有二百幾呎，略為長方形，系統是7. ...
多謝Felix兄嘗面！無聽倒唔舒服就好了{:1_328:}
mark1 發表於 2023-4-24 16:30
多謝Felix兄嘗面！無聽倒唔舒服就好了
聽呢種聲音會上癮
jjwenda 發表於 2023-4-24 16:37
聽呢種聲音會上癮
你去完mark師兄，你聽返自己嗰套嘢就覺得完全好唔掂，我上完去都要一個月習慣返自己部機嘅聲音😭
本帖最後由 jjwenda 於 2023-4-25 02:18 編輯
AskaLung@FB 發表於 2023-4-24 17:27
你去完mark師兄，你聽返自己嗰套嘢就覺得完全好唔掂，我上完去都要一個月習慣返自己部機嘅聲音😭 ...
哈,,,,慶幸自己仲未有多ch系統，冇比較就冇傷害{:1_335:}
AskaLung@FB 發表於 2023-4-24 17:27
你去完mark師兄，你聽返自己嗰套嘢就覺得完全好唔掂，我上完去都要一個月習慣返自己部機嘅聲音😭 ...
咁C兄可以換埋同一樣器材，且比起名牌的Av系统價$平好多，但要有返咁上下空間先，朋友聽過话声效大件震撼，但音質未必個個人接受，有機會都想聽下。
本帖最後由 jjwenda 於 2023-4-24 22:15 編輯
avsuperman 發表於 2023-4-24 21:52
咁C兄可以換埋同一樣器材，且比起名牌的Av系统價$平好多，但要有返咁上下空間先，朋友聽過话声效大件震撼 ...
劇院規模的家庭影院，個人認為好值得去聽下
jjwenda 發表於 2023-4-24 22:03
劇院規模的家庭影院，個人認為好值得去聽下
心中有疑問，如果戲院規模的影院相對入門門檻低，咁其他喇叭可以專注出兩聲道，友人何須買B&W803去玩AV同兩声道，就係因為B&W有種獨特的音樂感，戲院喇叭少了一種佢喜歡的口味
本帖最後由 mark1 於 2023-4-24 23:49 編輯
avsuperman 發表於 2023-4-24 21:52
咁C兄可以換埋同一樣器材，且比起名牌的Av系统價$平好多，但要有返咁上下空間先，朋友聽過话声效大件震撼 ...
是的，細有細玩，大有大玩。
如果聽音質就一定招呼唔倒，理應用返老麥金仔推返d 貴價喇叭先可以做倒華麗地睇戲。{:1_328:}
我果度大排檔玩大件夾底食，fine din 都係落返六星酒店細細碟食穩陣。
方向唔同，好睇口味。{:1_339:}
如果又要大件又要華麗，暫時以地球既現今科技應該未做倒。
本帖最後由 mark1 於 2023-4-24 22:33 編輯
avsuperman 發表於 2023-4-24 22:20
心中有疑問，如果戲院規模的影院相對入門門檻低，咁其他喇叭可以專注出兩聲道，友人何須買B&W803去玩AV同 ...
B&W 戲院喇叭都正架，相對jb 無咁放，收得緊d , 華麗d , 好聽d. 會有d 家庭影院feel.
