《方丈尋根記·前傳》
一直都好鍾意劉以達。
電影形像故然令人深刻，但係我更欣賞佢音樂方面嘅才華。
日本人將佢稱之為音樂鬼才，絕冇誇張，有細心聽過佢嘅作品就知一二。
估唔到佢彈得奏得，雖然唔係好唱得，但原來仲好寫得。
書中第一句已經提到：「我唔出聲，唔代表無嘢講。」
一向寡言嘅佢，今年喺佢嘅Facebook專頁連載起長文《方丈尋根記》，引嚟唔少迴響，吸引唔少網民追看，精彩程度不禁令大家爭相叫達哥推出實體書，相信《方丈尋根記·前傳》就係噉誕生。
半年前開始預購，當然第一時間落單，今日終於收到，包裝設計實在精美，漫畫式封面，預購版有金漆硬紙套包裹，仲有親筆簽名。
《方丈尋根記·前傳》由達哥中學時期，佢同音樂嘅結緣開始講起，內容輕鬆幽默，但有血有肉，深入淺出噉分享佢嘅音樂之路。
八十年代更加係香港樂隊嘅輝煌時期，當然唔少得「達明一派」嘅組成經過同奮鬥經歷，同其他樂隊嘅相識過程同微妙關係，用文字回憶香港 band 壇嘅歷史演變，講起都想睇！
除咗音樂，仲會講到達哥同達嫂嘅感情、同媽媽嘅關係、低潮時嘅經歷⋯⋯等等。
隨書附帶一隻收錄16首純音樂嘅CD，同書入面嘅章節互相輝映，就好似本書嘅配樂一樣，盡顯心思。
CD我未有時間聽，聽講請嚟俞琤為佢用聲音演序，有機會再同大家分享。
註一：一向都有睇書嘅習慣 (起癮嘅時候)，雖然近期都少咗好多，但呢本書一定會打尖優先睇晒佢。
註二：有消息指，《方丈尋根記》喺明年一月，就會喺網上開始連載第二部，希望趕得切睇晒呢部前傳。
劉以達 Tats Lau
#方丈尋根記 #前傳
#music76 噢，原來係預購，仲要寄嚟{:8_374:} CDROMRW 發表於 2023-1-14 03:59
噢，原來係預購，仲要寄嚟
預購係多啲嘢，多簽名。
唔預購都買到。
網購：https://bit.ly/3ufho8z
實體店：https://bit.ly/3W0owRR
頁:
[1]