行完銅鑼灣去左呢到開飯 ...
今晚行完銅鑼灣時代廣場後搵野食，行行去左呢條街 ...一街都係檯，好似去左大排檔咁 ... 其實係【登龍街】鋪頭擺埋出街。
最後行到呢間 ~ 竟然可以唔洗等，直接有位入去再嚐佢地美味既泰國菜。記得上次食呢間都幾年前，由於佢地就經常全場爆滿，我都幾怕要等餐死都唔知幾點入到去食，所以情願唔食，去另一間就算。入到去睇一輪，最後揀左以下食品:
首先冬陰公湯，味道好好，唔太辣，但好似唔太熱，一陣間就凍晒。
泰式生蝦，算爽口，不過唔算鮮甜，但好耐無食，所以最終食左兩碟!
海南雞飯套餐包例湯，雞都 ok，個汁同雞油飯都幾一般，例湯唔太好味。
炭燒豬頸肉飯套餐包可樂，真係好一般，汁又唔夠味，白飯都硬硬地，豬頸肉用唔得黎形容都無錯。
蒜蓉炒椰苗，都可以，但無乜驚喜。
總結:
埋單三百多 ... 不過感覺味道同以前差好遠! 最記得以前海南雞飯個汁好野味，飯又香，叫做個雞無點走樣，其它真係唔好講。如果唔洗等，經過銅鑼灣幫襯又無仿，但如果要等餐飽，我就提意大家揀過第二間食好過。 海南雞飯 我覺得暫時都係 <<好時>> 最好食... 我就最愛(勝利小X)海南雞飯 好靚呀
您部機影得
小弟不才,典解d相好似好紅咁既? 記得灣仔 188 對面有間快餐式格局既泰 X 雞，海南雞飯、炭燒豬頸肉飯仲好味過呢間，佢地連汁都正!照計今晚食呢間都係泰國人主理，又開左咁多年，咁走樣就真係好可惜! 我就最愛(勝利小X)海南雞飯
aidan 發表於 2010-4-5 00:15 http://www.post76.com/discuss/images/common/back.gif
北角 定 勝利道 呀?
勝利道有0的趕客...... "豬頸肉用唔得黎形容都無錯"
睇相都知,未見過碟頭飯D餸咁多{:6_180:} 呢間年幾前成日同舊女友食。情變，食味都變。可惜。 回復 6# jackiewong518
北角, 開咗直到宜家...幾好呀未試過趕走. 已經無3年前咁好味
頁:
[1]
2