想當年學生哥初接觸耳機，其中一個旗艦耳機就係sennheiser ie8, 奈何當時冇錢買，一直冇機會擁有，其中有段時間擁有過ie60,音色都相當鐘意。
大過左有經濟能力負責得起，都買過幾隻耳機，奈何平日使同鋪頭試聽感覺唔太相同，後面都放返二手，浪費左唔小錢同時間。
今次有機會試聽兩星期，希望可以被抽中慢慢感受，欣賞同考慮，ie600是否適我的耳機，謝謝。
我對IE 900及IE 600 嘅聽感嘅，我都係用shanling M7原裝綫3.5試
首先ie900及ie600兩款耳機都唔算難推，3頻表現可以話係平均，低頻表現ie900嘅打擊力會比ie600較為重，兩款都屬於少下潛，中頻表現兩款人聲表現較為中後人聲偏少少冷，人聲表現上黎講兩款耳機都屬於中性表現，高頻上黎講兩款耳機都唔刺耳，整体上都算係清聲，兩款耳機嘅對比度都算不錯，而兩款耳機分別在於分析力樂器及音場，ie900嘅分析力當你聽一d大棚野時，係一個單動圈黎講，可以聽到樂器係有層次咁表現都尚算唔錯，而ie600則明顯聽到樂器係無咁有層次去表現到出黎，並且音場ie900會比起ie600闊，ie600音場會比較窄
耳機閒人
本帖最後由 ip_csl 於 2022-9-22 22:32 編輯
單論人聲IE600明顯比IE900吸引和較貼身(兩對我都玩過)
以上純個人聽感
IE 600的聲音有旗艦水準的鑑聽、種種特性都讓這副耳機具備更動聽、自然的音質表現，實在是好聽！
再加上IE 600的外觀不僅抗刮、抗腐蝕，還有著非常典雅、時尚的質感。
今日去左DMA走轉，估唔到呢度原來已經咁多人參加左！！🤣🤣🤣🤟
本身自己用緊Sennheiser嘅 MTW2, 而家準備轉MTW3, 今日去旺角dma試咗MTW3之餘順便試埋 IE 600, 用緊iPhone 13 pro 所以用咗店入邊嘅Fiio M17 試IE600, 個人比較鍾意日本流行音樂，聽咗一陣米津玄師同埋yoasobi, 作為一個都用緊無線藍牙耳機嘅人，突然間用返有線耳機有啲唔習慣，聽咗一陣之後先適應咗嗰種感覺聽咗一陣之後先適應嗰種感覺，雖然都係Sennheiser出品，但佢所帶嚟嘅聆聽體驗同Mtw2, Mtw3 截然不同，嗰種音質尤其低頻嘅澎湃同埋高頻人聲嘅展現方式都比到特別嘅驚喜我我，相信只要再搵一對適合嘅耳膠，個隔音好咗之後個聆聽體驗應該會更加完美
平時用開 Westone 耳機，今次見甘多人去試 IE600, 我又走去试吓，600的低頻好細緻，同 Westone的雜食平均取向完全不同，如價格平少少，真係會買翻對。
上一對有玩開嘅sennheiser係IE80了
對比下IE600個外型設計感同材質夠型，聲音細節處理得很好，對高頻和動態嘅處理風格我個人是非常喜愛的
本帖最後由 Leunghoyin@G 於 2022-9-29 11:49 編輯
自IE900推出以來，我便十分欣賞這款耳機，定位清晰、結象立體、分離度良好，對於中意聽樂器的我來說，係好正！但由於長期無貨加上後來加價所以一直無入手。及後推出了IE600，見口碑很好，甚至有人話可以媲美IE900，一直想試一試再作二選一，但推出以來多次詢問相熟舖頭都說無demo，直到我見到呢個po，機會來喇飛雲！立刻抽時間沖去試一試！
我用AK KANN MAX(super gain)配搭原装4.4線及原裝耳膠，高頻暗淡低頻肥厚，我眉頭一皺換上慣用的A牌07耳膠，立刻有種撥開雲霧的感覺！第一印象，對比IE900，雖然高頻稍為暗淡，細緻感亦不及IE900，但繼承了IE900定位清晰、結象立體、分離度良好的特性，人聲較暖，樂器質感較厚，低頻質量亦有所提升。
由於高頻稍暗的關係，小提琴、長笛、Hi-hat和cymbal的表現都不是它的強項，銅管樂器雖渾厚和富有力量感，但亦欠缺金屬光澤感。
相對於IE900較冷靜的人聲，IE600在人聲部分是熱情且富感染力的，聽avril lavigne, LiSA、酸欠少女或林憶蓮這些流行女高音是亮麗且富有感情的，男聲喉底音也有很好的表現，我聽louis armstrong - what a wonderful world和eric clapton - tears in heaven聽到起晒雞皮！但由於人聲表現較溫柔的關係，聽ac/dc, guns n roses這類hard rock男聲，或者slipknot, children of bodom, 閃靈這類死腔／黑腔男聲時爽感不足。
它的低頻質量並重，有適當的速度感但唔會收得太快，能清楚分辨低音結他及bass drum，兩樣都量感充足、富打擊感但不過量（這是IE900未能提供的），而且能分辨出bass是電子／指彈／pick還是slap，bass drum亦能充分表現出鼓皮和鼓箱兩種聲音，沒有一般以低頻作買點的耳機低頻多卻會蓋過細節的常見問題。
結他伴奏是我最意外的地方（不論電／木結他），有很多耳機在這部分都表現不好（特別是萬元以下），有很多耳機只能在前奏和尾奏聽到結他做緊咩，伴奏時都聽不清楚，最多只能算係聽得到，有時聽粵語流行曲甚至要好用心先搵到支結他係邊，要估下個結他手彈緊咩。在音色上，如果以人聲作賣點的耳機多數結他質感偏薄，如果以低音為賣點的耳機多數會低音蓋過結他或者結他聲過厚甚至變糊。而IE600由於分離度良好的關係，就算低音量感充沛，聽粵語流行曲時都能清楚聽到支結他做緊咩，音色無變薄變厚變糊，仲有少少打擊感，聽hard rock/metal好正，聽drop tune結他更加爽皮，而結他solo方面，以我經驗只要人聲好聽結他solo都會好聽，聽steve vai, gary moore, galneryus和yngwie malmsteen的結他solo部分，亮麗、生動活潑、有彈性、有感情有表情！啊～嘶～～～
音牆方面雖然較IE900窄少少，但已經足夠表達人聲和各樂器的定位，定位會隨歌曲混音而改變，例如聽粵語流行曲時人聲偏前較貼耳，主要樂器例如電結他和鋼琴在一左一右會企得遠少少，bass靠近後尾枕，鼓係外圍；聽日本流行曲時，同粵語流行曲有D相近，但主要樂器會比較企埋身少少；聽michael jackson - billie jean時，人聲會企後少少，bass就係人聲隔離，結他會企後少少，鼓係外圍；聽hard rock／metal時，人聲都係會企後少少，結他係人聲後面但距離好近，bass靠近後尾枕，鼓係外圍。
如果IE900係用來鑑賞音樂，IE600就係用來欣賞音樂；如果IE900令你從上帝視覺去了解一首歌，IE600會令你投入當中去享受一首歌。
10月1日我地就會選出5位版友出來, 借機比佢地玩呢次既返歸琉活動, 我會逐個留言睇完之後, 如果有講到"試後感"的, 我會定性為參加左活動的, 如果係講"點解想借"的, 就會定性為想借返去玩的版友. 到時大家就留意返呢個PO, 再留意PM我有冇 SEND野比你地勒!!!{:6_128:}
