我部只係用咗一年多啲嘅Sony OLED燒咗印，極度失落。
本帖最後由 JonesChan 於 2022-7-26 17:39 編輯唔好意思，內文比較長。
本人都算係用得好小心嘅人，電腦又會Set一分鐘唔郁就開ScreenSaver，唔會長時間睇新聞，比盡最耐就係VIU/NowSport個Logo
話說沉日聽住歌返到公司1130，諗住將個Spotify轉去公司個喇叭，點知㩒錯咗制，連咗番屋企部電視。
原來我喺裝Spotify電視App嘅時候開咗個遠端乜乜乜咁，則係可以喺唔同WIFI嘅情況之下都開到電視同個App，咁嗰刻心諗仆街了，會唔會燒印呢？屋企又冇人幫手熄電視
不過又諗吓，部電視應該會太耐唔郁就會著ScreenSaver或者自己熄機，應該問題不大啦。
最後老婆收工1900番到屋企影張相比我睇，話電視冇熄留咗喺Spotify個App畫面度，當刻立即知道死梗，而老婆當時都立即幫我熄咗電視
我半個鐘後返到屋企，立即開電視再開個Youtube睇LCD Screen Test條片，黑色冇事，白色都冇事，灰色就大大個Mirror Logo(下圖)印咗喺度，心情直插谷底，
我雖然好鐘意Mirror，但係又未至於愛到要將佢哋個團徽印喺部電視度囉。。。
成晚睇電視都形住見到Mirror個團徽，又好嬲自己點解咁唔小心，好彩老婆都冇話我乜嘢，因為我已經極度自責，又喺度諗解決方法，又喺度諗搞唔掂的話又要比錢換過部。
老婆都有講唔緊要用住先，但係以我性格，如果個印仲喺度，我必定嫌棄佢，同埋一定要換機。
最後都冇乜心機嘅情況下臨瞓前就做一次洗板(面板重新整理)動作，呢個動作我從來冇做過，亦覺得呢個動作好似冇乜用咁。{:1_332:}
成晚都已經嬲自己嬲到瞓得好差，嬲到一早起身就立即著電視睇番條Youtube片，發現灰色冇晒印{:1_335:} ，仲以為冇用嘅功能原來咁勁。
希望以上嘅經歷可以幫到一啲燒印嘅用家啦！
最後總結就係我立即Del咗Spotify個App{:6_124:} 同埋都諗緊好唔好將所有投射功能都熄埋佢，因為我都唔會點用得著，費事屋企人㩒錯制射啲Youtube去我電視，而佢哋又唔知著咗喺度燒印。
同埋成件事我都唔太明白點解Spotify個App會搞到部電視唔識得開ScreenSaver{:6_168:}
多謝大家睇晒咁長又無聊嘅文，祝大家部OLED電視永不燒印。 洗板有用架，你岩岩黎料，洗一次先係幫到手架。應該ok的。{:1_326:}{:1_333:} 本帖最後由 ivychow 於 2022-7-26 13:20 編輯
{:6_127:} 下次小心D就得啦~~~{:12_731:} Mirror Logo
真係笑左 我之前都有你咁上下嘅經歷,我可以話俾你知,自從你今次之後你會用部電視用得好辛苦….. AskaLung@FB 發表於 2022-7-26 13:23
我之前都有你咁上下嘅經歷,我可以話俾你知,自從你今次之後你會用部電視用得好辛苦….. ...
想問吓點解呢？🤔🤔🤔
唔好嚇我喎。。。 什麼年份出的oled? gamma 發表於 2022-7-26 13:46
什麼年份出的oled?
A9S
應該係2020年？ 無計啦 今星期mirror開演唱會 熱血到周圍都見到 新SONY有個功能可以處理到~~有冇試用下?
不過建議你都POST下去MIRROR個GROUP呃下LIKE{:6_143:}