Tributaries UHDM MAX HDMI線試用分享［長文］
本帖最後由 KHim 於 2022-7-22 18:54 編輯首先當然要多謝Post76以及雅詠音響舉辦呢次返歸玩活動🤩我都知篇嘢係有啲長😂不過都希望尼個Post都幫到大家，多一個參考比到大家啦！入正題！
試方法為：Apple TV 4K用其他HDMI 2.1比用Tributaries UHDM MAX落電視；藍光機用其他HDMI 2.1比用Tributaries UHDM MAX落電視。電視用Samsung Q70R，而音響方面兩者都係用Samsung Q900A+SWA9500S後置喇叭出9.1.4 Dolby Atmos。
測試素材為：
Apple TV 4K :
Spider-Man No Way Home
Doctor Strange In The Multiverse Of Madness (On Disney +)
藍光機：
Spider-Man No Way Home 4K UHD Blu-ray
Doctor Strange In The Multiverse Of Madness 4K UHD Blu-ray
喺畫質方面，如圖所見，Apple TV 4K用普通HDMI 2.1係比較光啲，喺蜘蛛俠都3 M喺天橋頂嗰幕，遠處啲建築物冇乜細緻可言，顏色都比較虛，到中段蜘蛛俠塊面相對紅啲同好似蒙啲；藍光機用普通HDMI 2.1比Apple TV用普通HDMI 2.1睇相對好少少，同一幕側邊啲高樓大廈都清晰返，遠處啲建築物都見得到，顏色都相對地實返啲，蜘蛛俠塊面都冇咁紅同有返少少細緻。Apple TV 4K同藍光機一轉用Tributaries UHDM MAX DHDMI線就成件事即刻唔同晒。有Tributaries UHDM MAX加持之後，用 Apple TV 4K睇返同一幕側邊啲高樓大廈都清晰可見，啲樓入面啲燈都可以見得到，遠處啲建築物都見得返晒，蜘蛛俠塊面啲膚色亦都自然返，有返面部紋理細節，用藍光機睇更加可以睇得到嗰幕啲高樓大廈有幾多層，亦都清楚見到遠處嘅建築物，蜘蛛俠塊面更加見到佢啲粒粒同面紋。用Tributaries UHDM MAX DHDMI喺Apple TV 4K睇奇異2比用普通HDMI 2.1 Wong同Miss America啲膚色更加自然，街景嘅顏色都相對實色，Wong件衫都好清楚。而佢地喺餐廳嗰幕都清楚見到Miss America 後面喺餐廳外嘅街景細節。Scarlet Witch去搵奇異博士嗰幕天色比用普通HDMI 2.1暗返少少同冇咁紅，膚色都自然啲。而616奇異揾黑奇異嗰陣，啲黑位都好實黑，但就冇細節。條Tributaries UHDM MAX DHDMI用喺藍光機睇奇異2，Wong塊面嗰啲粒粒更加明顯見到，街景顏色更加鮮明，餐廳嗰幕相對冇咁光，Scarlet Witch更加清楚見到佢粒墨，天色更加接近現實黃昏嘅顏色，佢塊面嘅虎紋同埋連佢個妝都睇得一清二楚，奇異去揾黑奇異嗰陣黑得嚟仲會見到佢條頸紋。
⚠️咁當然以親身睇為準啦，始終影相出嚟同你肉眼睇都有唔同⚠️
喺音效方面，Tributaries UHDM MAX DHDMI個低頻比普通HDMI 2.1更架加揼心口，成張梳化連我個figure櫃都震晒，連牆身同天花都震埋。明顯低頻輸出係勁咗，天花聲反而更加出，特別係Scarlet Witch攻擊Kamar-Taj同佢哋喺地下水道追逐嗰幕啲係天花跌落嚟嗰啲碎石同啲水滴聲都明顯過用普通HDMI 2.1 。而佢嘅方向感都明顯左，特別係蜘蛛俠射蜘蛛絲出嚟嗰下；奇異博士咒語失控轉嚟轉去；同埋Scarlet Witch俾奇異博士困喺鏡像空間入面用Chaos magic彈嚟彈去果下都有一個好明確嘅位置話返俾你聽，畫面入面啲嘢由邊度去緊邊度，特別隨意博士同Scarlet Witch傾完飛番落嚟嗰下，好明顯咁聽得出奇異博士喺你頭殼頂飛去你左上方再兜落嚟。
⚠️不過都係嗰句，現場聽同我就咁同你哋講真係兩回事嚟⚠️
今次嘅包膠就到呢度啦，希望各位師兄唔好嫌我長氣同多字啦🫣🤣， 我都係想詳盡啲俾個包膠大家。希望你哋睇完呢個post對條Tributaries UHDM MAX DHDMI 更加了解啦。😚🧏🏾♂️ 我都係用 APPLE TV 做主，師兄呢篇好有參考價值 paul.play.forwa 發表於 2022-7-18 14:06
我都係用 APPLE TV 做主，師兄呢篇好有參考價值
我就冇玩Avm，淨係得apple tv 4k同杰科g5500 藍光機，所以都係用佢哋嚟試分別，不過始終都係藍光機清啲，不過又咁講，今次隻奇異博士2 4k藍光碟用機播，反而個音壓細左，用Apple TV25已經好夠聲，但係藍光機要過30先夠
頁:
[1]