退燒代替品，玩JJ
本帖最後由 cakecake 於 2022-6-22 23:30 編輯部Sony 黑磗一代賣走左一段時間了，留低左對Sony XBA-A3一直放埋一邊，出街就用電話加Devialet Gemini聽歌，
但始終掛住XBA-A3，所以買條JJ俾佢同部電話結合。。 {:6_122:}
有陣時做野簡單聽下歌都可以有少少質素。
其實係諗住買iBasso DC04，但周圍都無貨，再加上有用家話DC04對某D Samsung電話不是太親近，有D bug，所以算。。。
咁諗住iBasso DC06啦，點知我又用唔到(Note 20 Ultra)，可能我電話設定有問題，因為個售貨員用Samsung S8都得。。
咁轉隻Zorloo Ztella ii，終於有聲出，推力好好大，背景靜度ok，起碼聽唔到古怪noise，聲音偏暖和少慢，人聲有肉地但不是太前，細節就普通，低音鬆，整體不過不失，聽感舒服，以價位來說都ok的，又可以解MQA，但佢USB插電話個位發熱都快(無開推力Boost mode)。
跟住就到今日既主角，Pentaconn C Wistaria (紫藤)版，
Pentaconn出名就大家都知，所以呢條我之前都有Google 過，
不過上網睇D圖中間條線係白色的，買回家再Google下先知呢條紫白色線係特別版或者叫升級版吧(係回家先再google，所以某程度上係盲衝)，因為之前介紹只係話銀白色的連線用OFC 銅線和鍍銀 OFC 銅線以8 絞線芯製作，而今次紫藤版就講明用6N OFC和鍍銀 6N OFC線。
呢條線係Made in Japan，外觀一貫Pentaconn質素，好靚仔。聲音中性，感覺係清新型，唔慢聲，高中比起Ztella ii優美，細節都優於Ztella ii，人聲近番DD，低音結實，背景靜，整體夾番 XBA-A3有少少似黑磚既感覺(當然空間感係必輸)，USB插電話個位無發熱。但呢條線推力極之麻麻，如果用高階耳機可以Pass了。雖然推力咁麻麻，但佢夾A3既聽感真心我係鍾意，所以最後都係帶佢返屋企。
以上係小弟既新手聽感，各位見笑
{:6_136:}
呢條手指仔同部黑磚一既比較會係點呀??
另外咩價錢架??? 我都想搵下其他 ANDROID既手指玩下!!! 小瑟 發表於 2022-10-22 09:44
呢條手指仔同部黑磚一既比較會係點呀??
另外咩價錢架??? 我都想搵下其他 ANDROID既手指玩下!!! ...
um...呢隻既聽感有少少似黑磚一代(當然空間感和分析力都係無得比)，不過要襯D極易推既耳機
因為佢推力真心麻麻
如果大王有興趣，真心推介試下ifi go bar，英京有得試，佢既表現我覺得係超過入門DAP既級數，推力亦足，不過價錢就稍貴，但絕對對得住身價 cakecake 發表於 2022-10-22 13:40
um...呢隻既聽感有少少似黑磚一代(當然空間感和分析力都係無得比)，不過要襯D極易推既耳機
因為佢推力真 ...
聽講好多朋友入坑前都係玩呢D, 呢隻好似都大大隻咁, 搵來玩下先~ 小瑟 發表於 2022-10-25 06:16
聽講好多朋友入坑前都係玩呢D, 呢隻好似都大大隻咁, 搵來玩下先~
Go Bar大條少少，但聲音好得多，完全無得比，而且點樣都方便過用DAP，真心推介大王試下
試過另外兩隻好多人推介既國產bar，價錢同Go Bar差不多，但聲音明顯Go Bar贏
頁:
[1]