回復Raphael
其實每次拍拖都係比對方食住.
我的死心唔係因為佢唔回覆, 係佢唔重視呢段感情!!!
我當然唔 ...
aidan 發表於 2010-3-29 10:43 http://www.post76.com/discuss/images/common/back.gif
朋友......希望唔好怪我直......
佢唔重視呢段感情 (老實講, 我覺得似 "關係" 多於 "感情"), 你如果爭氣的話, 應該諗吓 "點解我唔能夠受對方重視?"
一次拍拖唔可以作準.......
但每次拍拖, 都唔受到重視, 俾對方食住 ; 為咗你自己, 是否應該諗諗原因?
小弟一直認為, 幸福係無得 "求" 返嚟既...... 只可以 "贏取" 返嚟!
好好諗吓啦!
其實2個人一齊無話邊個食住邊個~~就算你就晒你女朋友,你女朋友都會感到有壓力,而你自己都好辛苦,只會慢慢破壞大家既關係...
就算點愛都好,一定要有一個底線俾自己,唔識愛自己就點識愛人~~
回復 21# Raphael
Raphael兄千奇唔好咁講, 真係好多謝你提醒至真.
佢對我有無感情我真係唔知, 一開始我認識的佢唔係咁.
會有小問題, 佢都會遷就我改變佢的生活習慣.
不過我都有擔心佢媽媽剛過身, 佢只係想搵個人陪.
我又問過佢我識合佢嗎??? 佢答我外型 性格 人品都好滿意.
呢半年都好好地, 係呢一個月變到我覺得唔認識佢.
現在以經唔重要, 我都好多謝師兄提醒好好想想自己的問題所在.
回復 22# adolph0912
多謝師兄, 其實我分人都係咁.
底線唔可以無但係可以傾去改到大家相處得開心.
回復 24# aidan
改就唔可以你一個人改,我之前就係我一個人就晒我女朋友,令到大家都生活得唔開心,因此而分手!
但係冷靜後,如果大家都係愛大家,一定會想令到對方開心..唔會強迫對方放棄對方鍾意既野~~
其實你可以多D搵你女朋友去郊遊影下相~你可以話:我想學下影人像,你著靚D做我MODEL..我諗無女仔唔鍾意俾人影{:6_146:}
回復 25# ryanenen
呢樣好明白呀，好有同感。
但係咁做只會令大多數的男人走開。
我唔係要影相唔要佢，係佢無時間無理由等佢唔做其他嘢囉！！！
回復 26# adolph0912
我有試過，都有去過大家都玩得好開心，佢無出過聲唔喜歡。
最大問題係佢無時間，佢返六日工我返五日，我無迫佢要陪我，有時我影完相會等佢收工添。
回復 28# aidan
咁就真係要好好溝通下,搵個有MOOD D地方,relax下,傾下計,離開香港玩幾日~~{:6_193:} 搵個問題所在..因為你話你之前女朋友唔係咁
回復 29# ryanenen
唉～～～
我有個舊同事佢老公都喜歡玩相機同電腦，佢的想法真係好正。
（只要老公唔太過份，點都好過玩女人）
俾d 時間大家冷靜下, 得到淡火落咗, 就大家坐底認真傾下, 可能有d事你唔知呢!
