[好物分享] 大豆芽五日有得食，生豆芽罐 好玩又實用
本帖最後由 paul.play.forward 於 2022-3-26 11:27 編輯碌開淘寶見到一個簡單嘅大豆芽種植器，見佢平平哋就心血來潮買個返嚟玩吓，點知效果出嚟比我想像中仲要好，好值得介紹俾大家
水耕菜(內地用語：水培蔬菜) 指植物大部分根系直接生長在營養液液層中的無土栽培方式（Water Culture, Solution Culture)，種出嚟嘅菜特點係乳白色的细根，用以吸收水分和營養以及氧氣，生長快周期短，而且容易培育，幾適合繁忙嘅都市人
今次買呢款小號size嘅“生豆芽罐” 外表可謂其貌不揚，簡單一個綠色膠罐等其實外表毫不吸引，當時心諗：我幼稚園嗰陣課堂都有類似嘅科學實驗，最簡單搵啲濕棉花加上紅綠豆隔幾日就會發芽，點解要買呢一啲生豆芽罐？ 再睇真啲佢嘅原理，原來呢類嘅產品除咗有更好嘅隔水功能避免豆子發臭之外，原來最重要係本身已經設置壓力盤，可以增加更大壓力有助增強植物生長更為粗壯， 而且有埋蓋可以保持陰暗環境以及相對濕度，所以先咁容易可以培育出 "足夠食用”的大豆芽
用佢跟埋嘅黃豆，淨係用水唔需要加肥料，記住早午晚換水，五日後就已經頂到上罐頂，有 "足夠食用” 嘅大豆芽喇。你可能會話大豆芽本身都唔貴點解要搞咁多嘢？ 我計過成本而家自家培育大約係街市購買十份一嘅價錢，而且非常簡單操作清潔乾淨，睇住佢每日成長其實都相當自愈，加上佢嘅價錢連埋三包黃豆都唔使$20人仔，咁嘅價錢買個扭蛋玩具都唔止啦
今次第一步嘅成功引起我對水耕菜嘅興趣，如果地方容許都想搵部大機玩深入啲，大家有冇玩開類似嘅水耕菜？ 一齊分享吖
頁:
[1]