昂貴電子產品冷靜期
最近買左部萬元平板電腦，但係之後覺得唔抵，大拿拿一個月人工，拎黎用係生活上其他地方更好，之後去左維修中心比姐姐檢查，出左張inspection report，話有defect。我拎住既張report去番零售店，間零售店見到我份inspection report就即刻肯換部新機，但係話冇得退錢... 真係唔明白，既然佢都肯換部新機比我，點解唔肯退錢，既然佢都肯回收番我部機，而部新機又未開封過，佢如果慷慨地，接受佢要番部未拆完整既機，我要番啲錢，咁對佢無影響，對我都好過。好羨慕日本或者內地既冷靜期呢樣野，唔明白黠解香港唔推行冷靜期係昂貴電子產品上。 香港做生意不嬲都比外國好做, 就係因為冇呢個泠靜期, 不過呢個都係香港人心態問題, 如果個個都係咁, 又真係好難做生意, 因為好易比人濫用呢!!!所以買行貨有保用就比較穩陣呢~ 唉，頂佢個肺零售商，話要扣番機價30%錢先可以退款，點解做消費者做到咁，完全冇保障消費者，比完錢之後，零售商就好似高人一等，禁住個客黎砌。如果反轉個立場，佢係咪比番30%錢我，如果佢有錯既話，例如如果訂完貨跟住話冇貨比唔到，佢係咪比多30%錢我?真係唔該商人將心比已一下。 太好了，佢肯做退款，不過要等8至10個星期，做全數退款。
頁:
[1]