[疫情分享] 有冇人都已經確診咗？
話說我都確診了，不過已經好返，今日已經返返工。我成個過程由病發到好返都幾耐下，頭尾都成十三日，不過病徵就唔係好出，算係好輕微，以下分享一下。
我 2 月 24 號晚發燒，唔算高：38.1℃，2 月 25 號朝早已經退燒，快測都係陰性。 但下晝再測就變咗陽性。
跟住落街撩鼻做核酸諗住證實一下，點知 3 月 2 號先收到初陽報告，而 25 號晚網上報咗衛生署嘅確診申報就到今日都未有消息。
之後兩日返而冇乜事，算正常，但就好攰，瞓極都有得瞓。
第三四日先開始喉嚨痛，再過兩日先開始咳。
期間都食過必理痛、幸福傷風素、連花清瘟咁。
又睇過兩次中醫食咗六日中藥。
到第十三日先叫快測到陰性。
即刻再落街撩鼻做核酸，今次就第二日就收到報告。
由第一日陽性到第十三日陰性，唔算好嚴重，最辛苦算係咳，夜晚都成日咳醒，同埋真係臨尾嗰兩三日先叫真係精神啲。
希望大家身體健康，疫情快啲過，市面快啲回復正常，一齊過返啲正常嘅生活。 阿婆祝各位都身體健康,疫情下最佳娛樂是在自己家中聽音樂看影碟.............{:8_394:} 祝祺哥身體健康, 虎虎生威啦. 上次我個po討論疫情都知道應該我地都版友中過~
講真, 今次爆得咁勁, 身邊有70%消息都係身邊有人中, 或親身中左, 老實講, 依家既數字我覺得都未反映到呢~ 師兄介唔介意詳細啲講下康復後如清潔家居？尤其用來隔離間房。{:1_332:} toybidder2008 發表於 2022-3-12 15:37
師兄介唔介意詳細啲講下康復後如清潔家居？尤其用來隔離間房。
我好彩條件配合到，可以使走晒啲屋企人，只有我自己喺屋企隔離。
我好返後又冇點特別清潔。
只係用漂白水拖過晒啲地，抹過晒啲枱凳，換過晒啲床單、被袋、枕頭套，重點只係消毒過晒個廁所、沖涼缸咁上下。
p.s.同埋我就算自己喺屋企，其實都有戴口罩，一來等個口腔、喉嚨濕啲暖啲會舒服啲，二來都真係費事咳到周屋菌。 尋日又升返上3萬幾, 呢個疫情真係唔知點先停到!!{:6_125:} 245141525 發表於 2022-3-12 18:00
我好彩條件配合到，可以使走晒啲屋企人，只有我自己喺屋企隔離。
我好返後又冇點特別清潔。
家人是否第14日已回家？
另外，Day13陰性去做檢測都係 -ve？新聞都有報如個轉陰性後去檢測，因殘餘病毒關係，會陽。師兄好勁呀！ toybidder2008 發表於 2022-3-15 21:02
家人是否第14日已回家？
另外，Day13陰性去做檢測都係 -ve？新聞都有報如個轉陰性後去檢測，因殘餘病毒關 ...
係啊，第十四日就返屋企了。 我倒是覺2月尾至三月初是最多人中的時間， 巧合得奇怪。
245141525 發表於 2022-3-16 08:53
係啊，第十四日就返屋企了。
師兄，想再請教啲細細件同立立雜嘅嘢有冇清潔消毒？特別係啲音響設備？{:1_332:}
頁:
[1]
2