美國聖誕節必播電影《莫負少年頭》有4K版本
各位朋友：是日耶誕，先祝大家聖誕快樂、新年進步！
有朋友問我聖誕節有什麼好電影介紹？我會毫不猶豫地介紹這一部《莫負少年頭》（It’s Wonderful Life,1946）。
對，從中文譯名你都會知道這是一部年代久遠的電影。二次世界大戰剛完後，曾經參軍拍攝戰爭紀錄片五位著名導演之一的法蘭克·卡普拉（Frank Capra, 1887-1991) ，在和平回來就構思拍成這齣電影，促成一部經典作品的誕生。
卡普拉之前的愛情小品《一夜風流》（It Happened One Night, 1934) 已經讓他成為奧斯卡金像獎導演，之後兩部樂觀加嘲諷話題作品《富貴浮雲》（Mr Deeds Goes to Town, 1936）和《華盛頓政客》又稱《民主萬歲》（Mr Smith Goes to Washington,1940）亦非常精彩！
難得的是，導演經過戰役歸來，仍然性格樂觀，馬上收拾心情，以正面積極的心態創作了這部用聖誕節作為背景，歌頌人性互助為樂的一部經典《莫負少年頭》。
我不想說太多劇情，反正每年聖誕節美國電視台都一定會搵出嚟播返，以激厲民心。我哋喺香港嘅影癡，如果想睇，最近都可以買到4K嘅版本來重溫呢部近80年前的優秀電影。
唔講唔知，史提芬史匹堡如果個腦袋實咗創作唔到，佢都係搵返啲部電影嚟睇，以便開一開腦。
所以我啱啱提及呢幾部電影，都係瑰寶，冇睇過你真係走寶啊！
龍無忌於腦作室
2021/12/25 聖誕日
頁:
[1]