EVO 4.4 要換喇叭，唔容易！
今日下午4點等送貨，等到8點幾先收到貨。諗住食完飯，抖夠先開工。點知搞到依家先換完一隻。好吃力，要体息一陣。唔知洗唔洗玩到天光。之前見好多師兄報告，話收貨嗰陣，覺得對4、4唔係好大隻。等我以為唔難換……我諗我真係好虛弱……如果有老友好似我咁虛，但又想换4.4，預備多D體力+時間，佢真係唔嬌小細粒，唔輕。 終於搞掂，可以開聲啦！飲下酒，聽住歌，應該可以日出先至瞓，爽…… 路西華 發表於 2021-12-18 04:08終於搞掂，可以開聲啦！飲下酒，聽住歌，應該可以日出先至瞓，爽……
恭喜哂！！！
重點係享受音樂 enjoy {:6_177:} 我都有考慮過這對喇叭，size 4.3 正好，低音不及4.4，但4.4 大了圈，最後選了其他喇叭。 如果4.4同4.3比，真的大左1圈。如果同價位或4單元喇叭比，例如B&W603、Mission ZX4、SF lumina3，就唔算大。佔地其實唔多，入屋4日，望慣左覺得啱啱好。不過，如果擔心低音過量，或換喇叭想加多D低音，就要留意。網上資料、說明書，2隻低音單元165mm6.5寸，去店鋪睇實物無咁大。由外圍硬膠圈度就165，由「郁得」條膠邊度就130mm 5寸。Diamond 10.5個低音單元大D。實用後，唔覺低音量有明顯多左。 路西華 發表於 2021-12-20 15:18
如果4.4同4.3比，真的大左1圈。如果同價位或4單元喇叭比，例如B&W603、Mission ZX4、SF lumina3，就唔算大 ...
呢對座地, 用嚟播交響樂, 簡直一流. EVO4.4 開聲左十二日，表現已經好滿意。想換喇叭線，試試會唔會有提升，由其對AQ Midnight 2已經用左好耐好耐未換過。但仍然猶豫於 敏力LS-603 和 TQ Blackll 之間。同樣CD機、AMP電源線都係用緊跟機線，未換過，都想試試換下。終於得閒就去鋪頭睇下，我見Gotham 85025、86215、87215 價錢都差唔多，就問Sales姐姐邊條啱cD機，佢話86215就柔D、87215就爽D，咁我就揀左86215。跟住問佢邊條啱合併AMP，佢介紹85055，我話怕條線太粗，佢話咁85025會比86215、87215啱D。最後買左85025俾合併AMP，86215比CD機。 好彩揀左85025，無買85055，換完85025落AMP度，位置啱啱好，如果係85055未必裝得落，粗好多重唔知會唔會硬D，應該裝唔到。條86215，重粗過85025少少，硬好多，干辛萬苦先裝到落部CD機，如果係87215再硬D，都唔知點算。以前見D師兄話線材硬好難走線，都無認真留意，依家試過終於明。 85055俾後級都有殺雞焉用牛刀之感，我俾3000v火牛用，amp用85025可以了，cd機再幼點都仲得。