《捉鬼敢死隊》真實情感滲出幕前成就《魅來世界》
本帖最後由 影音小編輯 於 2021-11-20 01:36 編輯https://youtu.be/1HYEMCLavtE
#捉鬼敢死隊
#Ghostbusters
《捉鬼敢死隊》真實情感滲出幕前成就《魅來世界》
昨晚剛看完《捉鬼敢死隊：魅來世界》(Ghostbusters :Afterlife, 2021)，導演積遜懷文 （Jason Reitman, 1977-)將一部37年前的搞笑奇幻電影經典注入濃厚的人情味，效果唔錯。今次將地點由紐約繁盛都市移到一個山旮旯的不毛小鎮，氣氛神秘。
開首一幕用神龍見首不見尾嘅未知的恐懼概念，無論妖魔鬼怪都沒有實體出鏡，只用音效配合隱形光線和腳印顯示，重要人物則避過樣貌入鏡，令本片有一個重大懸念，值得一讚的好開始。
劇透是毫無意義的，反而大家若果知道當年《捉鬼敢死隊》（Ghostbusters, 1984) 的背後故事，才入場欣賞《捉鬼敢死隊：魅來世界》，定會更加有趣味。
原來Jason 的父親伊凡懷文(Ivan Reitman, 1946-)就係元祖1984 年《捉鬼敢死隊》（Ghostbusters) 的導演。當年的《捉鬼敢死隊》原始概念由主角之一丹艾克萊 (Dan Aykroyd, 1952-) 創作，因為其家族祖先一直係研究非自然現象，其曾祖父在百多年前（1880 年代）係降神會（Seance)主腦，所以認識好多能通靈的靈媒，寫下了很多奇怪事件筆記，父親Peter Aykroyd甚至將這些事詳盡地寫成一本關於鬼魂嘅歷史書A History of Ghosts。
由於丹的故事放在外太空，實在過於天馬行空，所以導演伊凡懷文主張搬回現實世界紐約都市，八十年代經濟起飛，人人掛住搵錢享受，懶理科研背景下，講三位失業科學家走咗去創業搞捉鬼嘅故事；並提議搵埋擅長編寫搞笑故事的哈羅德雷米斯（Harold Ramis, 1944-2014）加入，而哈羅德同丹艾克萊又搵埋以前齊齊搞笑的標梅利（Bill Murray, 1950)，咁三人公司就咁成立了。
其實黑人角色本來係搵當紅的NBC電視台的長壽搞笑電視節目《週末夜現場》（Saturday Night Live, 1975-)舊拍擋愛迪梅菲Eddie Murphy, 1961) ，可惜未能成事，只好由Ernie Hudson代替。
主角丹艾克萊、羅德雷米斯及導演伊凡懷文三人於是一齊編寫劇本，找到哥倫比亞行政長官Frank Price(1930-）拍心口支持，後來就算佢因為同母公司可口可樂有爭抝離開，佢都臨走前用行政手段以合約形式保護咗呢部電影嘅繼續完成，才過檔去環球做呀頭。也因為咁樣，本來以前環球旗下一個小公司Filmation拍咗個節目就係叫Ghostbusters（如果唔係就要改電影名字叫Ghostbreakers) ，都因為Frank Price 過咗去才即刻將Ghostbusters名字版權釋放出讓俾丹艾克萊。
成部《捉鬼敢死隊》之所以成功，在於一班好朋友嘅相惜相知；可惜羅德雷米斯和標梅利兩位死擋後來因事交惡，老死不相往來，直到羅德雷米斯死前幾個月，標梅利因為唔知羅德雷米斯住邊度，竟然搵警察局幫手，由警員帶佢去羅德雷米斯屋企，大家見面相擁冰釋前嫌，令人感動。
所以大家知道了以上咁多真實電影背後的友情故事，然後才入場睇《捉鬼敢死隊：魅來世界》，你會更有體會！也是我為什麼花這麼多時間去寫這篇文章的原因，讓朋友提高欣賞好電影的趣味，有更深刻的體會，然後大家一齊討論，正是電影吸引人的地方。
《捉鬼敢死隊》幕後感人的感情滲出幕前成就《魅來世界》，你感受到嗎？
龍無忌2021/11/18
356/2021 前晚看了。緊記要坐到最後，因為有2個彩蛋。有下集的話，也會入場看。 本帖最後由 marcusli 於 2021-12-2 17:47 編輯
個Review好詳盡{:1_351:} 都想去睇下
而最近有關香港的熱門環保話題而言，垃圾徵費草案三讀通過，預計在一年半後會開始施行適應期，届時市民需要以指定垃圾袋丟棄垃圾，而指定垃圾袋共有九種大小。
lamwaikit007 發表於 2021-11-21 00:47
前晚看了。緊記要坐到最後，因為有2個彩蛋。有下集的話，也會入場看。
請問第二段彩蛋係乜嘢？見佢着晒燈以為得一段😩😩😩 第二個彩蛋, 如果要拍, 仲會唔會用兒童版做框架?定係上左做青年版?
要拍真係要快, 唔想podcast同女主角太快走樣變大個, 冇左呢個個隻效果.
頁:
[1]