LG QNED vs Samsung NEO QLED
爬過文, 搵唔到有師兄作比較, 請問有無師兄分享下經驗?其實mini LED係唔係仲係第一代, 同普通LED TV有無大提升?用緊Pana 未代plasma, 睇D LED TV色彩係好靚, 但唔耐睇, 眼睛會感覺好累, 考慮過OLED, 但本身唔係換款既人, 怕燒印, 我部plasma都有少少燒印問題, 理論上OLED應該會更容易及嚴重。 見師兄都留意左2, 3年準備换電視...相信已心裏有數....可能要注意
1. Netflix & Disney+ 只支援Dolby Vision...Disney +黑寡婦4K 已準備好，有Dolby Vision, Dolby Atoms 及香港繁體字幕。
2. Samsung 明年有QD OLED, 但相信亦冇Dolby Vision.
3. 現在只有LG同時支援Dolby Vision + 4K@120
4. 眼睛累，因為太光，自己身體會話比你聽好唔好，唔係sales... 俾我揀就暫時繼續用住plasma先啦。2022至2023年oled會大幅度減價，而且mini led第一代一定唔夠第二第三代好 同穩定。 LG 65QNED91CPA $26,880，Sony 65A90J $34,800，Sony 65A80J $24,780。
理論上，oled嘅壽命得普通嘅led電視嘅一半。
不過實際情況係電子嘢撞手神。所以，唔怕短命應該買oled，怕燒印、色衰同短命就買led電視。 多謝師兄回覆。
plasma個panel已出一條條線，要換喇!
其實我對***既調色麻麻地，太colorful，刺眼。miniLED/L豬 QNED 比普通LED TV質素有無提升?
會唔會因為用咗minLED分多咗發光區域，整體唔使再較光D，即係會暗咗，會舒服D呢?去現場睇一陣，未必可以感受到。
另外，爬文睇D comments，好多師兄話L豬機比較易壞，但其實佢係panel生產商應該有番咁上下標準掛。
如果用Sorry既LED TV會唔會無咁刺眼呢? 定話其實係LED既死症? wayluk 發表於 2021-11-4 01:05
多謝師兄回覆。
plasma個panel已出一條條線，要換喇!
Oled一定睇得舒服啲，如果唔怕oled嘅缺點，想要畫面靚同睇得舒服一定買oled。
Led嘅量子點技術一定刺眼，解決辦法係睇咗一段時間後俾對眼休息吓，同埋減少長時間開畫面睇，可以剩開聲音，真係睇嘅時間先開畫面睇，依定多數電視機有快速關畫面功能。同埋，睇慣咗有量子點技術嘅電視機，再睇返普通光度嘅電視機，會覺得唔夠光唔夠刺激感，例子就係好似遊戲機手制嘅震動功能，玩慣咗強震動手感，再玩返普通震動程度時 會覺得回饋嘅感覺唔夠好咁。
minLED增加咗分區，即係畫面嘅光暈效果無咁嚴重，不過如果完全熄晒燈睇電影，眼利嘅一樣會睇到光暈效果，要完全無光暈效果要oled先得。不過，如果led電視開燈睇，因為環境唔係全黑，所以光暈效果唔明顯唔覺眼。
所有電視機都容易壞，所以售後保養服務好重要，我覺得保養服務質數 最好係Sony，然後係pan記，不過pan記有五年保養，Sony得三年保養。lg同三星好似係外判服務，所以一般質數。
oled因為係有機物料，所以一定容易壞過led電視，而且保養唔包燒印。
如果唔介意oled嘅壽命短、燒印、色衰嘅問題，肯 二至三年換一次電視機，一定係買Sony最頂級嘅旗艦oled電視機。
如果想四至五年或以上換一次電視機，就考慮led電視機。 開燈睇，led電視機一定係買Sony旗艦機。如果熄燈睇，可以考慮mini led電視機，mini led多數揀lg，如果會成日睇大氣電波廣播嘅電視台節目先會考慮揀買三星mini led。
睇Netflix多嘅，首選Sony 旗艦機。
極致畫面體驗，首選Sony oled旗艦機。
玩射擊遊戲多，首選lg oled，次選lg mini led。
玩RPG遊戲多，首選Sony oled，次選lg oled。
JP1 發表於 2021-11-4 06:16
Oled一定睇得舒服啲，如果唔怕oled嘅缺點，想要畫面靚同睇得舒服一定買oled。
Led嘅量子點技術一定刺眼， ...
三星 mini LED 咁差？ yangkong 發表於 2021-11-4 08:04
三星 mini LED 咁差？
三星唔差，只係lg成個配套 功能支援更加好。 各廠mini LED出左冇耐, 未成熟, 大把改善空間, 唔建議早期入做白老鼠.
而實際比較三星QN90A平均都係輸SONY X95J, Youtube好多比較片, 可以SEARCH黎參考下.
同樓上CHING講一樣, 三星好光, 係優點亦係問題, 睇你點用.如果成日響好光, 好勁反射光既環境睇三星係好少少.
如果會熄燈, 或晚上睇電視多, X95J會好好多.
另外有最近有HEAT SINK既OLED(SONY A90, Panny Z2000)已經減輕左烙印.
值得一試, OLED睇戲, 暗位真係冇得輸.
mini led分區多都係2000幾個, OLED係幾萬個, 獨立發光. 單位已經唔係用"區"黎形容. 我部pioneer 600m 啱啱壞咗，想揾部電視，但睇過當今的電視機，不論什麼牌子，睇落感覺都係太sharp，唔自然，好難揀。