【林家謙 x 姜濤 x 柳應廷 x Tyson Yoshi】今晚網上睇拉闊呀!!
依家呢個年代, 要買飛睇演唱會真係唔係講咁易, 買到飛基本上都難到登天咁款, 又要識人, 又要上網鬥快, 仲可能要食炒價. 有時都真係知道一有LIVE出都預左唔會買到飛, 尤其係依家上緊位後生班歌手. 冇計, 依家年代唔同左, 大家都肯比錢去睇 LIVE, 但買碟就多數唔買架勒, 所以依家做SHOW都係不少藝人的收入來源, MIRROR同ERROR就硬加唔洗講, 一定係"有今生冇來世"啦.{:1_344:}今次小瑟好好彩只係撲到二張飛, 但家中二位小朋友又想睇，所以小瑟就用左依家最興的“網上演唱會“去滿足大家勒。今次呢個Live要去903網站做會員，訂到一年數量先可以有通行證，所以小瑟都入手左。又順手分享埋個用法比大家呢。{:1_258:}
1) 首先就當然係去903個WEBSITE先啦!
https://mil.881903.com/
2) 再登記/登入成為會員先, 呢個步驟就係唔洗錢的!
3) 今次係比 $540蚊享有 365日重溫, 完成比錢步驟, 就可以有呢個網上睇LIVE既門票登入碼勒.
今次小瑟其實已經係第二次睇呢類新興的網上演唱會活動了, 上次 Ian 同 Jay Fung 的《我是現場》我都睇過一次了. 的確可能在聲畫的層面上唔會有可能好似我地平時睇開的 4K什至係1080p藍光碟可以比較, 但係呢個演唱會動輒炒到天價的時勢來講, 可以即時同現場的觀眾同步感受到氣氛之餘, 仲可以一家人輕輕鬆鬆就可以睇到自己想支持的歌手表演, 仲可以係不同的器材上睇到, 都真係一個比買黃牛的一個不錯的選擇呀!!!
上次《我是現場》小瑟影的相.
用唔到Source 1 的1080P呀，會唔會斷線架…嗚嗚！ 我用iPad睇Source2 炸。 小瑟 發表於 2021-9-27 21:21
我用iPad睇Source2 炸。
好彩一開始就轉用source 2 , 上網見其他人斷到九彩。 琴日睇完拉闊音樂會, 今次有既戲碼的確好強, 林家謙 x 姜濤 x 柳應廷 x Tyson Yoshi, 不過老實講成個演唱會, Rundown同埋驚喜就不算太大了. 話曬拉闊音樂會都咁多年冇開, 再加埋今次仲會有呢幾位現時香港最多人喜歡的萬人迷. 所以小瑟心中覺得一定會有一啲非常之強勁嘅crossover, 或者有D好估你唔到既驚喜可以比到大家, 不過今次演唱會就比較平鋪直敘左一D. 同埋老實講, 頭三個小瑟都認識的, 不過 Tyson Yoshi 老實講, 唔係呢個LIVE都真係唔識的, 不過又好 彩呢排商台力谷佢首新歌《Better》, 所以都叫有D歌係岩自己聽的, 好彩啦!{:1_332:}
Rundown方面, 都明白大家個個想睇姜B, 好想佢快D出場, 但如果係咁對其他人唔公平呢個想法, 比 Tyson 先上係正常的做法, 而佢 SHOW肌亦都非常正. 的確係佢好大隻, 好正!! 不過如果可以, 開場唔洗一野比佢唱咁多首先, 一人唱一首或crossover早d出現, 感覺會比依家好小小呢!!{:1_338:}
不過其他的三個唱既歌都真係比較小, 就如JER竟然冇唱《水刑物語》, 姜B竟然冇唱《一號種子》呢個都真係有D失望, 不過又講返轉頭, 佢地唱左陳健安(C All Star 安仔)的《未知道》同埋姜B唱左IAN的《DWBF》, 呢個係估佢唔到同埋幾有意思的.{:1_247:}
最後真係要講, 機場的亞洲博覽其實去到今時今日, 一野就試出佢係交通配套方面竟然都仲未得, 做唔到四通八達的效果, 車場又細, 入口只得一條路入, 一條路出, 地鐵出口入又細, 竟然散場要多人到暫停前行, 其實咁多年既規劃究竟係度做緊D咩呢??? 咁仲想人去做多D SHOW? 攪多D EVENT?? 唔好玩啦........一野就KO左啦!!!!{:1_250:}
頁:
[1]