Kvin 發表於 2021-9-12 14:10

Samsung Neo QLED 8K 及Soundbar 試玩行動

租住在港島的我,方便和朋輩外出聚會,不過上年打算搬回新界祖屋和父母相處多啲,相信出街自然減少,窩在家中時間多。呢段將祖屋裝修時期,和太太去看傢俬時,見到Samsung 出咗Neo QLED 8K 智能電視,係成堆陳列電視中色彩畫面脫穎而出,已經留下深刻印象,心想:「如果成日係屋企,整番部就正囉。」

點知上網睇吓啲資料,竟然俾我發現post76搞咗個返歸試玩活動,竟然就係呢部8K智能電視機加埋一部11.1.4聲道嘅Soundbar!正喺度諗緊點樣可以令到老婆同意我買呢部電視機嘅時候,簡直係天助我也!
於是乎我馬上報名參加希望係我租住緊嘅單位裏面先行試一試個效果,先至決定喺新裝修的祖屋裏面使用。

幸運地最後被挑選中,發覺原來佢哋真係好認真,問咗我好多問題兼勘察咗環境後,竟然見到曬成班post76人及Samsung 師傅一行八人上嚟裝機及拍攝,小瑟仲親自教我點樣用,就連「好熱氣」嘅Hugo同龍無忌都來咗一齊試聽試睇呢個套餐,真係好認真。
試咗十幾日,越試越興奮,基本上我天天都有睇戲都打遊戲機,呢套組合佔地不大,按我現時的客廳尺寸不足200 呎完全冇阻位置,soundbar 打出嚟嘅效果我日頭都唔敢開太大聲,因為打遊戲機時的密集式音效真係將你投入得好緊要,加上畫面細緻度連平時我睇唔到嘅暗位背景都走曬出嚟,相信搬去新屋可以放心扭大聲啲都唔怕。
最開心係開住燈睇都唔反光冇光管影之餘,老婆可以係旁邊飯廳一邊做嘢一邊睇住我點樣過關。搞到我呢輪打機打到有啲手軟。
電影方面係我同太太一齊欣賞的時候,呢部機睇韓劇及大陸劇真係可以連個演員嘅妝化得好唔好都知道;Netflix 剛上的「紙房子」裡槍林彈雨搞到我成日兩頭望後面睇吓子彈係邊度發射,睇飛車電影啲車頭吼叫聲震撼度一啲都冇輸蝕,連Hugo 介紹我聽「大娛樂家」Jenny Lind首Never Enough 都猶如置身在劇院裏面咁有哂迴音效果。
不過初頭我發覺低音勁到震响旁邊嘅傢俬,後來移走旁邊啲嘢就冇事,少咗雜色睇恐怖片果然效果唔錯,啱晒老婆練膽量用。
整體來講,無論睇戲打機,都好滿意,尤其係打遊戲機,真係返唔到轉頭。

reddog 發表於 2021-9-12 17:26

65吋街價成十皮,好似堅離地.

ahlam 發表於 2021-9-12 17:37

reddog 發表於 2021-9-12 17:26
65吋街價成十皮,好似堅離地.

65吋街價三萬幾,官網價四萬幾,你可能講85吋{:1_338:}

reddog 發表於 2021-9-12 20:50

本帖最後由 reddog 於 2021-9-12 20:52 編輯

ahlam 發表於 2021-9-12 17:37
65吋街價三萬幾,官網價四萬幾,你可能講85吋

sorry,冇留意Samsung價錢,最近亦無睇TV價錢,
見到呢個post,用 Samsung Neo QLED 8K 在price search,

結果一出就係呢個,打左個突心諗乜三星咁貴? {:1_253:}

Signage? 乜黎?

小瑟 發表於 2021-9-13 13:11

reddog 發表於 2021-9-12 17:26
65吋街價成十皮,好似堅離地.

應該平好多既, 10萬冇人買啦~{:1_344:}

小瑟 發表於 2021-9-13 13:12

多謝KVIN出PO分享先, 睇你都玩得好開心喎, 呢二個星期就快收機勒, 有時間同大家吹下水講多D玩落的小心得呢~{:1_343:}

小瑟 發表於 2021-9-23 19:00

{:1_339:}明天就去收返二位版友的TV+SOUNDBAR, 大家如果都想知道佢地玩成點, 可以係度留定名等睇 REPORT, 因為 SAMSUNG已經決定左係我地FORUM度, 除左玩返師試的版友可以有個靚靚OFFER入手 2021年最新 8K NEO QLED電視之外, 仲可以有多10位有份一同討論的版友, 都可以有一個市面上無人能及的行貨入手價呢!!!{:6_157:}

如果大家有意思想入手今年最新的 8K NEO QLED電視就唔好錯過勒!!!{:1_330:} {:1_344:}



小瑟 發表於 2021-9-29 12:42

返師玩既片就快剪好勒!!!呵呵~{:6_143:}

oyama 發表於 2021-9-29 13:11

小瑟 發表於 2021-9-29 12:42
返師玩既片就快剪好勒!!!呵呵~

大王, 返歸試

oyama 發表於 2021-9-29 13:12

我睇緊TV, 係想10月內入手....唔知有幾大優惠呢?
頁: [1] 2
查看完整版本: Samsung Neo QLED 8K 及Soundbar 試玩行動

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。