定之影評 ~《爆機自由仁》(Free Guy) 機迷必睇之作
本帖最後由 阿定 於 2021-8-11 12:59 編輯原定上年暑假上映的《爆機自由仁》(Free Guy) 終於等到今年8月12日上映啦！
故事講述「阿仁」(Ryan Reynolds 飾) 原本係電腦入面的一個AI角色，最後變成最受歡迎主角打大佬攻略遊戲世界，由於電影太多彩蛋太易劇透，所以唔講得太深入，劇透討論留番係下面回帖再講，先講下唔會劇透的評價先。
電影主線可以話係好老土，小人物打大老闆，戲入面有大量場景『參考』其它舊電影，『死侍』式賤賤格格對白，唔同的電競產品亂入亦倍感親切，又有熟口熟面的直播主對白，讓機迷笑到完全停唔到，瘋狂吐槽遊戲業界的做法，說中了好多機迷的內心想法，而最終戰的打鬥更係全場最爆的場境，讓大家齊聲大叫WTF的級數。
https://youtu.be/STEx-W8mbbI 本帖最後由 阿定 於 2021-8-11 19:06 編輯
以下文章有劇透，敬請留意
以下文章有劇透，敬請留意
以下文章有劇透，敬請留意
{:6_136:} {:6_136:} {:6_136:} {:6_136:} {:6_136:} {:6_136:} {:6_136:} {:6_136:} {:6_136:}
電影入面的主角名叫 (Guy) ，電影內的遊戲城市名叫 Free City，有打開機的人就算唔睇Trailer都應該估到影射緊邊隻Game吧，以搶劫為主要目的的自由開放世界遊戲，除了GTA仲會有邊隻？
電影英文名係 Free Guy，入面的Guy係指電腦AI的角色(人)，而Free Guy可以解釋為 解放AI角色 同 成為任何角色 的雙重意思，亦係電影想講的主題。
電影一開場的場景係參考電影LEGO Movie第一集的場景，亦意味著主角 (Guy) 係唔知道自己身處虛擬世界的梗，而最尾走出大海，亦係電影The Truman Show的知名場景，要走出虛構世界的梗，相信唔少電影愛好的朋友都應該睇得出了吧。
電影入面由主流的搶野殺人遊戲，變成睇人玩多過自己玩的情況，亦正正係現實遊戲界的轉變，由自己化身英雄，到直播自己打機的直播主，再進化成評論人地打機的直播模式，亦證明了今個世代對AI的重要性，現實世界最新的遊戲玩法亦已同樣進化到讓玩家變成遊戲入面的其中一個角色，行行企企同人吹水扮演警察沖咖啡等等的休閒玩法，非常追貼今日的電玩潮流，呢個變化亦讓機迷身同感受，打機都可以好chill好hea，去海邊食零糕飲啤酒。
電影入面吐槽遊戲業界的對白非常多，有不停出續集唔出新作的原因，玩家口裡說要新作，但到真係時比錢時仍停留係課比續集的循環入面，你以為最暴力的係成年玩家，但其實最暴力的反而係滿口粗話的小妹妹。
最終大戰，BOSS的角色未寫好就放入遊戲入面，搞到出現大量有Bug對白，對有打開機或編程的朋友來講，絕對係超好玩的梗，而迪士尼收購二十世紀影業後，讓大量以往無可能出現的IP出現係最終戰亦讓人拍案叫絕。 本帖最後由 cryo 於 2021-8-14 20:30 編輯
呢套係繼The Suicide Squard之後暑期第二正斗嘅玩味類電影，呢類戲你啱channel就自然對冑口，兩套都係有笑有感動亦有啲message，呢套係無另一套咁茄汁橫飛，但將GTA內暴力現實化，再加上彩蛋不斷，知啲嘢點黎係會睇得好高興{:6_210:}
呢兩套都要買碟呢{:6_210:}
跟住下星期Reminiscence應該係正統劇情科幻片，睇trailer有啲期待，希望唔會失望啦 呢套戲唔比挑戰者一號差 似乎自Wreck it Ralph 之後開始有不少以電玩為主題的電影, Pixels, Ready Player One ,跟住就係呢套.
剛才睇完, 好睇係真的. 要音效有音效, 特技有特技.
加上因為Disney有Fox, 有Marvel又有StarWar, 所以可以一齊玩盡佢. 戲院入面有人拍手叫絕.
再細心D睇, 好多細節位係做的唔差,你有好多打機時會見到的古怪野都一齊show 出黎, 猶其是當主角定格而附近又有人的時候 : 不斷有人撞牆的bug, lagging 等等
也計, 真是只有大公司才敢對近年只會謀利的大電玩公司進行影射
淺藍衫的老好人加上不知自己生活在虛幻當中,與其說是Lego The Movie倒不如說是不是一部在模彷Jim Carrey的Truman Show?
Truman Show 的年代是電視機年代, 而Free Guy 就是電玩的現代, 兩者都是一樣, 只是主角換成了一個會成長的NPC.
網上Streaming / Twitching是現在最多年輕人電玩手做的事,幾乎把自己玩樂過程毫不保留地分享出去 , 他們成為了Truman Show的導演.
而女主角, 則是走進去, 狠狠地提早在主角面前揭穿. 而不必令主角獨力奮鬥.
最令我佩服的, 是電影中的Buddy怎樣把笛卡爾的"我思故我在" 告訢主角, 而且以一個高智慧的AI而言, 是很困難而又可能是哩一的方法吧?
Ryan Reynolds由Deadpool 之後似乎定形, 在 Detective Pikachu中也是一樣, 然後在這裡的Free Guy 基本上都是很一致的相近演法....
我不會說這樣不好,只是這位演員似乎已被定形, 幾乎只要他的出現就已可以有預料到的演技 .
而又在這個看起來是新一代Truman Show的電影中, Ryan 給我最大的感覺是有點變成了有些似Jim Carrey的接班人.
再等一下, 未來又會是怎樣呢?
入場睇左，唔錯，有驚喜 ~ {:6_143:} 感覺似屈機起革命…
頁:
[1]