屋企裝咗共130吋電視......同場加映LG SN7CY Soundbar
本帖最後由 SonSon 於 2021-6-10 22:03 編輯話說最近翻新咗睡房, 重新訂做過D傢俬, 老婆又嫌棄舊有部40吋LED畫面細{:6_168:} , 所以捐咗比社企打算換部55吋. 當裝框好晒床尾C字櫃後, 老婆忽發奇想問櫃中空間應該可放更大呎吋電視?? 我第一個反應就係{:6_130:}, 床頭至電視位長度約8呎, 放部65吋好似過份咗D, 但諗起原先舊年逢3年都換電視大計因為疫情而擱置, 不如就將廳部LG65吋搬入房, 廳另覓心水{:6_138:} . 終極目標一直係75吋, 可惜呢期LG 75吋機價企得幾硬淨, 身為LG粉絲既我都要放棄{:6_244:} , 所以就鎖定second choice : Sony 75X9000H, 價錢可接受亦係MIJ. 當時當然知會有新款出, 但新款訂價真係唔係我呢D基層接受到{:6_140:} . 係AV生命睇咗2次後正要出手之際, 老婆突然話不如買呢部............因為有$2500coupon送{:6_444:}, 一睇原來就係65X9500H, 當然sale哥哥照舊都落足咀頭, 咁咪問吓價錢囉, 佢話清貨價做埋今日, 有$2500+$300 coupon送, 包原裝掛牆架及安裝都係$22XXX, 唔係嘛...........扣除coupon後都唔駛2萬就買到20年旗艦款{:6_130:} . 當然我係唔會盡信sales既, 就上官網睇睇原來真係冇講錯. 咁即場比較過後X9500H表現確實係比X9000H出色, 由其黑位及光暈表現{:6_128:} , 後期睇資料原來X9000H背光分區只有32區, X9500H就有60區, 差不多有一倍, 唔怪得啦{:6_193:} . 要取捨係比多萬幾買大10吋定係慳返萬幾細10吋??最後知慳識儉既我當然揀咗後者, 75吋或者再等下一個3年啦{:6_183:}
牆身都留低唔少彈痕, 好彩師傅都避到位{:6_193:}
至於畫面有幾靘等就唔多講喇, 之前應該大把CHING有貼過了{:6_182:} (題外話: 紅日狂花係紙房子班底制作, 劇情唔複雜又緊張, 推荐.....)
原有廳部LG 65 nanocell同一時間就搬埋入房上牆, 睇睇吓真係唔覺誇張, 好似同北川景子瞓埋同一張床添, 喂........瑛太唔好痴咁埋好喎{:6_134:} {:6_135:} , 呢次老婆真係有遠見, 大家唔駛再爭電視睇{:6_127:}
一直都冇打算係房裝置任何AV輔助設備, 但男人就係咁, 想一得二{:6_158:} , 眼見機底同櫃面之間電制電線外露唔多美觀, 想搵D嘢遮一遮佢, 上網搵搵吓見到兇宅網店部LG SN7CY soundbar做緊特價, 只係$19XX, 之前見小瑟大王做過評測見規格都唔錯, 加上外型幾靘仔, 咁既價錢二話不說冇睇過實物就買下, 翌日重就有貨收{:6_193:} .
總結: 係90呎睡房內試睇Netflix atmos 影集, 感覺不過不失, 包圍感尚可以. 反而音樂方面有驚喜, Atmos版既五月天人生無限公演唱會, 甚至只有5.1既Perfume 演唱會都有出色既包圍感, 雖然冇十仔低音控少咗但反而覺得啱啱好, 用藍牙連接播MOOV感覺絕對好過一D平價mini hifi. 機身內置sound effect亦幫到手, 唔駛2仟有咁質數收貨喇, 當然要專業及詳細報告都係睇返小瑟評測啦...............
https://www.youtube.com/watch?v=aNdNi09129E&ab_channel=Post76%E5%BD%B1%E9%9F%B3%E7%8E%A9%E6%A8%82]$3280一條過支援 Dolby Atmos 及 DTS:X : LG SN7CY Soundbar 聽歌都好掂喎！
我年頭换機都有林過75吋, 但check左價錢之後.......😅😅, 都係65吋加個活動掛牆架, 睇21:9時將部機移前幾吋😄😄 20K既話我會加多少少買OLED電視...
不過換65吋都係開心事{:6_127:}
想問下師兄,知唔知放左上個掛架度點甩番落黎?
我又係用左SONY原裝掛架,想插條HDMI線都插唔到{:6_125:} rach 發表於 2021-6-10 20:52
我年頭换機都有林過75吋, 但check左價錢之後.......😅😅, 都係65吋加個活動掛牆架, 睇21:9時將部機移前幾吋 ...
咁都比你諗到{:1_326:} leung133 發表於 2021-6-11 08:43
20K既話我會加多少少買OLED電視...
不過換65吋都係開心事
想問下師兄,知唔知放左上個掛架度點甩番 ...
依家年紀大咗開始粗用冇咁錫機，老婆大人又鍾意聽電視，加上中置位係一眾主子休息地方，試過係電視前面打交打噴嚏嘔等，如其擔驚受怕，不如唔好用oled好過…
問過師父，要甩部機落牆要跟返窿位左右退出。
SonSon 發表於 2021-6-11 14:04
依家年紀大咗開始粗用冇咁錫機，老婆大人又鍾意聽電視，加上中置位係一眾主子休息地方，試過係電視前面打 ...
上次諗住一個人拎起部電視換條HDMI線,搞左勁耐都拎唔到出黎... 師兄想問部LG係咩model? leung133 發表於 2021-6-11 14:08
上次諗住一個人拎起部電視換條HDMI線,搞左勁耐都拎唔到出黎...
攞起機底都插唔到？ ddde 發表於 2021-6-11 15:25
師兄想問部LG係咩model?
SJ9500……應該有4年款了 三年換一次LＧ的你都竟然入手SＯＮＹ， 真係估你唔到呢！！！{:1_344:}