加里 發表於 2021-4-16 02:56

超新手DIY純銀USB線

本帖最後由 加里 於 2021-4-16 03:05 編輯

聽人講玩CAS又電腦去DAC條USB好重要,用銀效果會最好,特別係純銀⋯之但網上找到的純銀USB條條都天價級{:6_191:} ,買唔起就只有試下學人DIY。
係網上搵左好多DIY USB線的資料,剛好發現論壇係幾年前有師兄post過DIY純銀USB{:6_139:} ,所以就參考佢的做法自己試吓DIY一條。{:6_122:}
想DIY一條米半長(約5尺)USB都要買好多野,材料分別有(好似方太教煮餸咁⋯){:6_179:}


淘仔DIY首飾用999純銀絲0.5mm 7米(正常6米夠但驚佢比短左到時會唔夠長){:6_136:}


膠縮膠0.8mm,3.5mm,8mm各7米


純鋁箔帶一卷,純銅箔帶一卷


純銅屏蔽網6mm,3米


蛇網8mm,3米


鍍金USB TYPE A / B頭一對


古河含4%銀焊錫一餅⋯


今次想學高級線材咁做3層屏蔽USB線

先剪出所需長度


套好第一層熱縮膠保護線芯後包上純鋁箔帶做第一層屏蔽



套上第二層熱縮膠同標記好分色



訊號(藍黃)同電源(紅黑)分開再包純銅箔帶做第二層屏蔽



套上第三層熱縮膠固定好後焊上USB A / B頭, 再他他佢




套上純銅網做第三層屏蔽


最後套上尼龍網, 完成



最痛苦就係銀線穿入熱縮膠過程,之後就係包鋁箔帶,真心想死{:6_129:} ,整完後手指頭都有D痛{:6_168:}。

最後係未煲過情況下馬上試下,一開聲⋯⋯條舊USB可以收起,直接用銀線.
同之前條USB比覺得速度慢左,細緻聽得比之前更多,高音冇咁沖,感覺整體聲音有氣力左,聽得好舒服好放鬆。{:6_211:}
真係冇諗過一條純銀USB可以有咁大變化,好似升級左前後級咁,攪到我好想XLR同喇叭線都搵晒佢{:6_143:} ,但喇叭線最少都要單支1.5-2mm粗如果3米長仲要行Bi-AMP真係唔敢諗要用幾多錢買線{:6_154:} ,不過下一條應該會整左對XLR線先。

raylee 發表於 2021-4-16 10:20

本帖最後由 raylee 於 2021-4-16 10:21 編輯

好手工,我覺得最難係焊USB 頭,以前無細嘴好易整熔埋D膠,而家淘左隻乾電焊筆,超好用,嘴又細

同埋我而家好小買普通膠頭,通常都買CM 的USB A/B。質量好太多

Billyham 發表於 2021-4-16 11:46

純粹係交流。

我係荃灣一間舖頭買一條1米 雙重屏障四芯含銀5N OCC 銅線,連USB A B 頭,港元兩舊多啲,十分靚仔及好聲。

我銲USB 線,在線頭上錫,USB 頭上 pin 不需上錫,用20W 尖頭辣鷄將線頭㩒落pin 上即可,乾凈利落十分牢固。

加里 發表於 2021-4-16 13:04

raylee 發表於 2021-4-16 10:20
好手工,我覺得最難係焊USB 頭,以前無細嘴好易整熔埋D膠,而家淘左隻乾電焊筆,超好用,嘴又細

同埋我而 ...

請問師兄CM的USB A/B頭係點外型? 我網上搵CM USB A/B都只係搵到原裝出廠線, 冇DIY用的接頭, 請指點一下小弟.

加里 發表於 2021-4-16 13:11

Billyham 發表於 2021-4-16 11:46
純粹係交流。

我係荃灣一間舖頭買一條1米 雙重屏障四芯含銀5N OCC 銅線,連USB A B 頭,港元兩舊多啲,十 ...

度銀OCC銅線未試過, 我之前只係用5N OCC純銅USB線, 一轉左而家條DIY後就返唔到轉頭, 仲晒銀毒, 換換症發作中.
見師兄條USB好特別, 線中間多左個外加TYPE B插座, 想請教係咩原理同用途??

Billyham 發表於 2021-4-16 13:43

加里 發表於 2021-4-16 13:11
度銀OCC銅線未試過, 我之前只係用5N OCC純銅USB線, 一轉左而家條DIY後就返唔到轉頭, 仲晒銀毒, 換換症發 ...

呢條USB 線從電腦接 USB to SPDIF Converter,後者要5V D C電。唔用電腦嘅switching power supply 出來嘅電,因為雜訊高。這插座接由一個自製線性電源出來嘅5V D C電,供USB to SPDIF Converter 用。
另外線性電源嘅GND 要接電腦GND 作為hand shake。

Billyham 發表於 2021-4-16 13:50

加里 發表於 2021-4-16 13:11
度銀OCC銅線未試過, 我之前只係用5N OCC純銅USB線, 一轉左而家條DIY後就返唔到轉頭, 仲晒銀毒, 換換症發 ...

其實從PC 接DAC USB Input. 嘅USB 線,Vcc 可以不銲,因為絕大多數DAC 都唔用電腦出來嘅Vcc,而用自已嘅電。
GND 就一定要銲,否則就會冇聲。

加里 發表於 2021-4-16 15:24

Billyham 發表於 2021-4-16 13:50
其實從PC 接DAC USB Input. 嘅USB 線,Vcc 可以不銲,因為絕大多數DAC 都唔用電腦出來嘅Vcc,而用自已嘅 ...

師兄所言電腦去DAC其實條USB只要3條芯(DATA+, DATA-, GND)就足夠? 唔加Vcc可以避開電腦隻火牛的雜訊係唔係咁解?

raylee 發表於 2021-4-16 17:42

加里 發表於 2021-4-16 13:04
請問師兄CM的USB A/B頭係點外型? 我網上搵CM USB A/B都只係搵到原裝出廠線, 冇DIY用的接頭, 請指點一下小 ...

This

加里 發表於 2021-4-16 18:30

raylee 發表於 2021-4-16 17:42
This

謝謝師兄, 隻CM USB頭真係好靚仔, 可惜知得太遲, 已整好左唔想散佢...
頁: [1] 2
查看完整版本: 超新手DIY純銀USB線

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。