《真人快打》暴力美學仍欠內涵才成經典
本帖最後由 LungMoChi@FB 於 2021-4-14 22:16 編輯純粹個人嘅喜好，欣賞電影，除咗係聲與畫的表達，我比較着重故事嘅情節，與及作品主旨及內涵，希望部戲言之有物，提供娛樂之餘，也會有些得着可以俾我帶走。
《真人快打》（Mortal Kombat, 2021)完全係只顧及感官上面嘅刺激，開首一幕，講Bi Han 壁寒帶同一班林鬼組織嘅忍者，去到波佐志半藏 (Hanzo Hasashi)隱居之所刺殺佢全家。
這一幕完全表達出什麼叫做暴力美學，無論場景的優美、動作嘅鋪排順暢、鏡頭嘅緊湊運用、攝影角度嘅擺位，甚至在殺人時候有留白式的詩意，將宋代發明嘅繩鏢同科幻創新嘅冰血刀劍兩種武器發揮得淋漓盡致，個人相信這可能是溫子仁親自操刀的傑作，然後才交給導演。
並非崇拜溫子仁或真田廣之及印尼高手Joe Taslim，而是因為接着落嚟個多小時的場面都是打打打，純粹賣弄血腥鏡頭，爆頭、斷肢、挖腸抓心臟🫀。似乎不斷出現的暴力肉搏，只是為了逐一將每個角色的絕招顯露出來，而完全沒有理會故事文理和細膩的動作與地型的配合描寫。
神殿的設計粗糙與序幕雅緻霧林竟成天淵之別，部分吊威也動作違反自然規律，是近期大型製作比較少見的。兩隻人獸中，四手怪Goro仍然膠得可憐，未見生動，反而蜥蝪人若隱若現有些睇頭。
幸好最後又有魔蠍（Scorpion)同絕對零度(Sub Zero)的終極一戰，又可以睇到繩鏢同冰劍的對壘，始終這兩位都升咗呢，無論在造型及一剛一柔的兵器上都甚有看頭，正好首尾呼應，否則電影乏善可陳。
不過步出戲院後，我始終唔明白電影可以俾到啲咩嘢我帶走，其實比武或復仇嘅母題（Motif)都可以包含好多俠義哲理、兄弟同門及家族情感，可惜本片沒有太多落墨。反而我更喜歡近期有點意思的《殺神No body》（ Nobody,2021)同埋《獵逃生死戰》（The Hunt, 2020)。
很奇怪這個電玩推出多年，有這麼多的角色、場面設定及背景宇宙的創造，既然要走入電影世界，投資這麼大，何以不去重視故事情節這一方面以令這個《真人快打》可以持續發展？
咁啱太古城戲院一落嚟就見到影碟舖，門口正在用soundbar 播緊呢部新戲，原來藍光影碟已經推出咗， 1995年版本的《格鬥之王》（很爛的，小心😅）都順便放咗喺隔離宣傳，證明都仲有一班電玩迷捧場。
#MortalKombat
#真人快打
#溫子仁
#真田廣之
112/2021 本帖最後由 getter 於 2021-4-26 01:03 編輯
今晚喺 hbo 睇咗，同意師兄嘅睇法，某些打鬥場面都有新鮮感的，但整體就只能說：一般啦，要求唔高，唔想太用腦的話，或者有情意姞，還是 ok 的。 我都刚刚睇完，整体感觉很一般，就连戏入面的爆浆镜头都觉得普通并未有任何惊喜！相比95版的真人快打~当初记得叫魔宫帝国，果阵总还是VCD年代。魔宫帝国的整体水平要高过2021年版好多！特别是主题BGM一响起！真是热血沸腾！2021年版除了特效好过当年外，其他的都被甩左9条街！
95年魔宫帝国：9分
2021年真人快打：6.5分
頁:
[1]