一念三千的《一秒拳王》
《一秒拳王》 地道的勵志電影，主要係大埔取景，但如好好利用，例如帶個仔去火車博物館，談情去下三門仔、馬屎州，甚至操練時在大美督踩單車，喪跑船灣淡水湖水壩，同慈山寺觀音像等打卡位，應該可以用景物去帶動本土情懷。呢方面《金都》同埋《幻愛》就做得非常很好，尤其係《幻愛》中的屯門。其實一秒預知能力用來賭錢係唔得，因為唔夠時間，賭場都有規矩好快就唔俾你落注。
六合彩及賽馬都冇用，但係在金融外匯或者股票市場， 一秒上落可以好大，所以一秒預知係可以即刻撳機賺大錢！
配樂我相信多數用電子合成音樂，經典拳擊勵志電影《洛奇》（Rocky, 1976) 採用管弦交響樂可以展示出激昂嘅效果，相信因為成本嘅問題。
不過其實用返啲舊歌有陣時都可以收到一個共鳴嘅效果，譬如張家輝嗰套《激戰》用《畢業生》Simon & Garfunkel首經典主題曲The sound of silence 翻唱出嚟個效果都好見效！
劇情套路照舊係頹廢中佬因家境問題自我價值貶低而唔上進，得鼓勵後發揮小宇宙打出個自我。加添父子情、❤情、友情生色不少，也有兩位好演員盧海鵬同袁富華做綠葉扶持，豐富了劇情。
一秒、一念之差、一念三千，成敗就在一念間！
本土製作值得支持的好電影，搵埋陳惠敏同盧惠光來做評述就更加好啦😂
頁:
[1]