請教喇叭單元大小 vs 單元數量
想請教大家請問喇叭單元大小 vs 單元數量有啲咩影響同好壞處?例如一個固定尺寸既音箱上, ABC各方面既好壞係咩?? THANK YOU
A: 大 woofer + 大 tweeter
B: 大 woofers + 2x 中 tweeters
C: 2x 中 woofers + 2x 細 tweeters
(大中細指相對地既尺寸, 勿太執著{:1_332:} ) 本帖最後由 koalaau 於 2021-3-11 01:53 編輯
大低音單元，低音更從容深沉，但要求後級控制力較高。
細低音單元速度較快，但低音較緊。
少單元相位偏差少，定位較易聚焦。
多單元分析力較好，設計上相位及分頻較複雜，對後級瓦數及控制力要求較高。 點為之大,中,細tweeter? 高音單元都是一吋上下，大小反而不是重點。 其實不能單講大小，單元的物料、設計都影響好大。 我聽過一位做咗音響多年資深技術維修親友去過歐洲參觀過音響生產商展覽會好多喇叭專家走埋一齊交流研究同討論
答案是無論咩唔同國家都有自己喇叭設計但係大家專家討論下會有一個設計單元目標一至
喇叭單元最好聲同夠低音量最理想方案係5型6寸之間低音單元多個直排最理想
因為5至6寸之間低音失真同控制速度總比8寸以上低音更好
所以有留意到大多歐洲幾千至幾數萬元喇叭個低音單元設計係以多個五至6寸組成列陣式排列
細低音單元5至6寸好處係易推同速度夠快表示一流
以兩個6寸低音排列計低音量相得於一個8至10寸低音量
4個6寸排列同12寸以上低音量差唔多一樣
用多個5寸喇叭排列用每邊100W放大器夠推（除咗大食喇叭外）
EricTse@FB 發表於 2021-3-11 12:42
我聽過一位做咗音響多年資深技術維修親友去過歐洲參觀過音響生產商展覽會好多喇叭專家走埋一齊交流研究同討 ...
佢哋的最好應該係計埋成本及設計難度。
要做到大單元而反應快，就係設計單元的難題。多個五六吋加埋的低音量係可及一個12吋，但出來的聲音係唔會有較大單元的從容感。你想像下幾個細鼓一齊敲出唔出到一個大鼓的聲音，就會明白物理所限。
本帖最後由 LOENDFANS 於 2021-3-11 20:47 編輯
koalaau 發表於 2021-3-11 12:57
佢哋的最好應該係計埋成本及設計難度。
要做到大單元而反應快，就係設計單元的難題。多個五六吋加埋的低 ...
小弟用開舊8"低音密封式90dB靈敏度書架因已用了30年加上政府有10K幫手故手痕想更換，但發現大部份10-15K書架低音大多只有6.5"但箱體亦大部份改用低音反射式靈敏度大多只有87dB。請問如更換新一代書架喇叭低音會少很多嗎？ 小弟聽節拍強勁音樂較多希望低頻有較佳衝擊力還是更換一部較大功率擴音較好因現在部amp每邊只有75W。 LOENDFANS 發表於 2021-3-11 20:34
小弟用開舊8"低音密封式90dB靈敏度書架因已用了30年加上政府有10K幫手故手痕想更換，但發現大部份10-15K ...
好難一概而論，但如針對低音，換喇叭係會比換amp明顯。
現代喇叭著重分析力及速度，這點和舊喇叭分別可能較明顯。反而使用單元及喇叭設計對對唔同，唔係明確比較兩對型號係無從分析。
但如假設係製作質素相當，就一定係一吋長一吋強。 LOENDFANS 發表於 2021-3-11 20:34
小弟用開舊8"低音密封式90dB靈敏度書架因已用了30年加上政府有10K幫手故手痕想更換，但發現大部份10-15K ...
其實低音量多唔多睇個人要求同聆聽空間每個人都唔同
除咗喇叭單元影響外箱體設計都有影響低音表現
啲人成日只識講喇叭物理係點但都忽略箱體結構同木材物料線材分音都有影響聲音表現
另外有人用大鼓來比預喇叭一定大口徑先發揮到表現強勁鼓聲只係單純睇法
我就自己親身去過有錢燒友家訪聽過一對用多過6寸低音喇叭組成音響體係發出鬼太鼓聲響成屋震到真係打心口個種低音量
有啲人未見過一對十萬元級多個6寸喇叭箱體成5尺高發出來個種低音量同15寸喇叭無分別