大澳深度遊_虎山篇 @15-02-2021
家住北區，要去大澳，車程兩個半鐘，耐過飛台北，仲要轉車、轉車⋯⋯頭都暈⋯⋯入去隨便行下無問題，想要深度閒遊，唯有住一晚。
兩日一夜行程，遊走大澳大街小巷、逛逛外圍，甚至附近山徑；吹過海風、睇過日落、觀過星；享受慢活之餘，尋找城市遺失嘅感覺。
大澳貴為水鄉，文化氣色濃厚，街頭巷尾都鑿住悠然自得四個字，雖然已經滲入唔少商業氣味，但風光特色、古樸情懷，只此一家。
唯中午過後，市集相繼人頭湧湧，尤似行花市，恬靜談不上，寫意說不出。
似乎，只有朝晚遊人散去嘅大澳，先可以真正感受嗰份清靜休閒，先可以稱之為鄉。
#講講唔到要親身感受
#住一晚雖然唔平但有得著
第二集：牙鷹山篇
若要悠閑平靜，可以試下非假期星期一至五去，但好多舖頭都會唔開
要多舖頭開嘅日子，星期六日假期，但好多人 Louis.C.C 發表於 2021-2-22 10:49
若要悠閑平靜，可以試下非假期星期一至五去，但好多舖頭都會唔開
要多舖頭開嘅日子，星期六日假期，但好多 ...
今時唔同往日, 閒日大澳都幾多人, 好多舖都照常營業. SonSon 發表於 2021-2-22 12:50
今時唔同往日, 閒日大澳都幾多人, 好多舖都照常營業.
原來係咁...有點可惜
頁:
[1]