《超級瑪利歐3D世界 ＋ 狂怒世界》遊戲速評
本帖最後由 阿定 於 2021-2-11 16:56 編輯今次介绍的係Nintendo Switch最新作《超級瑪利歐3D世界 ＋ 狂怒世界》，雖然係新推出，但主遊戲《超級瑪利歐3D世界》其實係上代任天堂主機WiiU的遊戲，今次再加上《狂怒世界》變成一集有兩隻遊戲的合集推出。
我們先來講下全新未推出過的《狂怒世界》，個人估計呢隻係《超級瑪利歐奧德賽》推出前的試作，因為有遊戲內有大量《奧德賽》的點子，但畫面細膩度仍未比得上《奧德賽》。
遊戲玩法可說是簡化版《奧德賽》，以收集星星為主，儲夠一定數量的星星就可以攻擊大庫巴，
遊戲難度不高，估計一般人都可以儲夠首50粒星星完成第一次通關，收集方法主要都係解迷同尋寶，而靠技巧先能拿到的星星都無需太擔心，一般動作苦手的朋友都可以解決到，無《奧德賽》咁難玩。
當第一次通關打敗大庫巴後，玩家可以再努力收集剩下來的全部星星，再次挑戰大庫巴。
真正完成100%爆機後仍可以入遊戲參觀，不過就會維持陽光普照，遊戲期間如果有大庫巴amiibo的朋友可以隨時來拿轉換天氣，對收集只能下雨天才有的星星好有幫助的啊。
《超級瑪利歐3D世界》由於已經係2013年的作品，當時絕大部份媒體都係90分以上評價，所以唔駛講都知一定好玩的了，今次除了修改了WiiU要用TouchPad等獨家玩法變成Switch版外，就只有加強畫面，因為網上除了有視頻攻略外，亦已有大量Review，所以就唔同大家詳細介紹了，
遊戲同之前推出的新《超級瑪利奧兄弟U豪華版》或《超級瑪利歐奧德賽》都不同，算是佢地兩作2D與3D中間的2.5D遊戲吧，雖然遊戲係3D，但視點仍不能自由360度自由轉換
遊戲界面同《超級瑪利奧兄弟U豪華版》一樣，逐個World打上去，每一塊版圖都有星星需要收集，遊戲早期唔算難玩，但後期就一點都不容易，如果自己一個人玩的話，要有死完又死才能通關的心理準備，但只要成功找朋友雙打或四打，要全破基本完全無難度，喜歡挑戰自我，或是鐘意合作過關的朋友都會感受到遊戲的樂趣。
本作當年大受好評，原因除了玩法多變外，亦有不少試作式小遊戲，其中每個World都有的奇諾比奧小遊戲，後來亦進化成全新遊戲《前進！奇諾比奧隊長 》，如果無玩過的朋友，一定要試試，除了非常益智外，要短時間收集星星都係靠佢。
今集有兩隻新amiibo推出，兩隻amiibo其實同其他amiibo一樣，都係用來刷變身道具，遊戲期間道具不足的朋友，可以靠佢地降低難度。
本作追加了線上模式，未能出街同朋友一齊打機的話，可以加入會員連線一齊打。
總評 9/10
最後如果要比分的話，《超級瑪利歐3D世界》係2013年推出時絕對應該係10大作，但七年多過後，好多遊戲點子都已經不再新鮮，所以要減2分不過份吧，不過追加了連線對戰後，我就給8.5分吧，而《狂怒世界》雖然只能算作Bonus Game，但遊戲非常完整，打大庫巴的Boss戰非常有創意，給人感覺就是《哥斯拉大戰金剛》，所以我會比10分，可惜電視模式畫面同《奧德賽》比唔夠細膩，唔明點解任天堂做優化《3D世界》時會不順手做埋去，所以要扣半分，變成9.5分吧。
頁:
[1]