理所當然 (已修正)
本帖最後由 Raphael 於 2010-3-11 11:57 編輯早兩日先至講過, 而家啲o靚仔o靚妹認為每樣野都係老奉, 以為幸福係理所當然........
其實發覺自己原來只啱咗一半! 因為原來唔單止係啲o靚仔o靚妹, 就連嗰啲做咗幾十年人 (即所謂 "大人") 都係一樣
呢個世界沒有免費午餐; 每一樣野, 都有佢既成本
問題只係呢啲成本, 係由自己付出, 抑或係有人代為付出而已
即使係大人或細路, 都一定聽過 "世界並唔完美" 呢個道理; 不過, 當中有幾多個真正了解當中既含意??
放眼望一望周遭既人..... 發覺有好多以為自己仲係細路仔, 不論言行思想都只係識得諗自己既喜惡, 喜歡做就做, 唔喜歡做就唔做
呢種人.....係 "自我中心" 既典型, 以為得到 "隨心所欲" 既生活係 "理所當然" 既事........
從來唔諗吓, 呢個世界既然唔完美, 何以自己能夠活得咁自在??
更加唔會想到, 佢地之所以享受到呢種 "優待", 原因其實有其他人為佢地付出咗好大代價
更甚者, 有部份人不知天高地厚, 一面享受他人帶俾佢既幸福, 一面反而嫌棄為自己挨得滿身汗水既人
今朝返工時, 車上見到一對父子......
老豆好明顯係一個粗人, 靠出賣體力搵食嗰種
個仔好明顯係一個八十後, 識駛錢, 拎住名牌袋
老豆: "呢世仔第一日返工, 記得生性呀~ 而家出嚟做野, 乜都要忍呀~ 咁辛苦供你讀書, 都係望你有份寫字樓工......咦? 你衫領繞起咗.....我幫你整整佢"
仔: "你咪哄咁埋啦!! 我自己整得嘞! 又唔知自己粗手粗腳.... 一陣整 where 我件衫呀! 叫咗你唔駛送我返工架啦.......一陣俾公司既人見到, 你話幾咁失禮?"
望住個老豆嗰個無奈既樣......真係有一股衝動想上前冚件旦散一巴, 兼醒佢一句:
"唔 X 挨到粗手粗腳, 點搵錢養到你條 X 樣皮光肉滑?"
唔好以為呢種只係個別例子.......
小弟發覺, 要喺身邊搵一個唔係呢種心態既人, 原來真係幾難! 個仔呢聽我會視為不孝，行雷落雨小心出街比雷劈x死！ 唉~~~真係聽到都覺得心傷~~~~ 相信點都有D唔係呢種心態既後生仔既, 不過事實係而家後生果D都被大部份人覺得佢地只係識問人比到嘜野佢, 而冇想過佢自己可以貢獻到D嘜野比社會或家人.只顧怨呢樣怨果樣. 老豆老母都有責任,之前太"仲"D仔女 點解而家D後生仔咁嫁 {:6_199:} e+啲細路(年青人)不知幸福為何物，
莫講話要尊重父母，就算基本禮貌都無。 "登"佢老豆慘.... 哈哈 .... 真係好.... !
我18歲開始出黎做野 ... 第一條名牌褲都係自己份糧去買 !
返工前... 真係成身...仙都唔仙下... !
屋企人比較守舊....唔會讚成買D 所謂唔等洗既野....
我宜家擁有既一切 .... 都係自己有血有淚咁得返黎....{:6_191:} 我覺得係社會風氣加屋企唔教
所以我好ｑ憎ｄ人話人地係咁，個個係咁．明知錯唔唔去改，咪攪到下一代都係咁囉．唔出聲，唔表態都係原因之一．
頁:
[1]
2