The Call:超時空通話/今際之國的有栖/畢業舞會觀後感
本帖最後由 SonSon 於 2020-12-26 15:36 編輯2020年疫情之下, 真係多得Netflix陪伴在家歲月, 之前既后翼棄兵後, 近期又睇咗日韓美三套個人覺得唔錯既片...........
先講The Call:超時空通話, 睇完trailer以為係翻拍韓劇"Signal 信號", 都係用部電話隔世溝通, 呢類題材我OK架{:6_166:} , 日劇都有改編過"Signal 長期未解決事件搜查班", 不過老實講係朴信惠主演既先會再加分{:6_127:} . 但係今次演出完全被全鍾瑞蓋過, 演呢類帶有瘋癲既殺人犯有D恐怖, 其實呢類時空交錯既電影, 改變咗過去, 帶來既一定係美好既將來? 改寫一個悲劇既過去可能係迎接一個更不可想像既災難............
身為日劇迷, 開拍今際之國的有栖時已留意, 雖然過往漫畫改編成真人化電影成功效少, 但有齊熟悉既演員, 加上大逃殺式故事, 都係吸引眼球{:6_178:} . 雖然每集一關卡有D打機feel, 但起碼節奏明快唔拖泥帶水, 第一集澀谷街頭一鏡到底, 已見到拍攝及制作已超越一般日劇, 甚至日影. 當然都有不足之處, 例如為何會有殺戮遊戲誕生? 尾段亦有D拖長及過份說教. 不過已證實開拍第2季, 第1季可視作生存保命, 第2季應該係真相反擊{:6_172:} . P.S. 如果有留意宣傳海報都有顯示每個角色性格特點.............
講完2套要用腦睇既片, 最後要講反套輕鬆歌舞片, 畢業舞會剩係睇影后梅麗史翠普及妮歌潔曼已值回票價, 雖然片中妮歌潔曼真係老咗好多{:6_130:} . 其實全片主要都係由梅麗史翠普及James Corden帶領, 戲份亦較多. 因片涉及LGBTQ性別議題, 所以服裝埸境等都比人感覺色彩繽紛, 至於歌舞部份算中規中舉, 歌曲部份亦唔係每一苜都悅耳動聽. 結尾舞會宣傳有500位舞者演出, 拍攝角度剪接就效失色, 感受唔到歌舞片應有既動感及熱鬧氣氛{:6_147:} , 不過畫面鮮艷輕輕鬆鬆都係唔錯選擇. 打算睇The Call👍 The Call好睇
頁:
[1]