重啟《我和殭屍有個約會》
本帖最後由 alleelarry 於 2020-12-5 11:17 編輯前言：
在此之前大概有十多年沒有買港漫，上年有買精裝漫畫《英雄本色》，今年就係朋友提醒下，二話不說食午飯時間飯都唔食即去買……，點解會咁急，一來薄裝港漫基本上要係報攤先買得到，二來唔想去書屋補購，太好賣的話未必有！《我和殭屍有個約會》係亞洲電視劇集，一共有三季，最深印象的當然是第一季了，細佬仔睇到劇集好有漫畫風格，再加上殭屍為主線，真係會晚晚追，當其時無重播，錄影帶都進化到可以用電腦錄起，以數碼形式作「私人珍藏」。
重啟：
《我和殭屍有個約會》殭屍序 據了解就是作為「重啟」的「頭炮」，鄭健和主編，鄧志輝繪畫（文末有提及人設有司徒劍僑既參與），一共有三期，以周刊形式出版，主線講「將臣」所打造的三位不死殭屍，況天祐、況復生同山本一夫。劇集漫畫其實係當年都有出過，都唔記得點解無買黎睇。
回憶：
太太近來好喜歡用「八角星人」黎形容我，年少習慣買漫畫都會揀一本最「四正」先買，呢間報攤無得揀，會行多幾間，「潛」下面個本先賣係必然既事，買完之後一有空就即睇，昔日既感覺同行徑全部返哂黎勒！
巧合：
《我和殭屍有個約會》跟近日人氣急升既《鬼滅之刃》有著共通點，兩者都存在著一個核心人物，亦係整個故事既「開端」，兩個「神」級角色，連外號都好相似，一個叫「將臣」，另一個叫「米高積 SON」！
∇ 「鬼舞辻無慘」明顯係參照 Michael Jackson 啦！
本帖最後由 alleelarry 於 2020-12-10 12:47 編輯
序．第二期，今日準時出版
報攤係好特別，上星期既擺檔位置，今個星期可以去左第二度……，差D以為買唔到漫畫！ 第三期定名為《驅魔龍族傳》，看似是全新續作的名字，故事是以平行時空發展，新舊角色會有「交接」點！
頁:
[1]