Arong2020 發表於 2020-11-26 17:03
師兄果然樣樣精通....咁就睇吓幾時身痕落去聽聽先😅
再次謝謝你🙇🏿♂️🙇🏿♂️😆 ...
條link有specs睇架。{:1_254:}
我見過音響名人阿二屋企Ls 3/5a用粗水喉聽歌但用石機推
Ls 3/5a先天低頻弱要用粗線先發揮到表現
老實講我舅父以前做馬蘭士維修部經理佢都唔建議我買依家馬蘭士放大器
要買馬蘭士就搵二手舊機或名器
依家嘅馬蘭士面目全非由日本人設計線路聲音偏向日本聲又矇
無以前美國設計馬蘭士或早10多年前型號好聲同推力夠
你諗下以前馬蘭合併機閒閒地都推得郁座地喇叭或大型JBL喇叭
依家轉咗日本非利浦音響部門設計已經唔注重推力
我以前用過美國設計日本生產馬蘭士合併機每邊得80w但係音響鋪試機時推一對大喇叭個種爆炸力同高音清表現另我買回去
我試聽過近期啲馬蘭士合併機推一對細坐地都唔掂聲又矇低音腳軟重要賣到成萬蚊一部第唔第真係見人見智我就無興趣買
連一部成皮野pm 8006推對座地仔都唔似樣推書架就無問題
係阿！其實Ls3/5a 試聽時我已經知道佢嘅強弱行（有聽過嘅師兄都知道）店員跟住仲刻意播左一首歌（想我聽下低頻其實都唔係咁差...但其實！！做生意梗係咁㗎啦）
我唔記得嗰首歌名..但我聽過，因首歌嗰下突如其來的大鼓震撼，真係會屋震....甚至乎有打心口嘅壓迫感！
呢對喇叭根本去唔到嗰個低頻...所以表達唔到首歌嘅意思....喇叭總有佢嘅強弱項。
真係鍾意聽音樂嘅師兄兩對喇叭係基本......只因聽唔同嘅音樂、人聲女毒又有唔同嘅感覺，甚至乎器材都係😆
我耳機依家仲有6對（已放了一些），屋企細喇叭就唔可以放多了！但我覺得兩對係起步點！
至於咩聲先至係最好...講歷史每個人都有（我小時候小學生屋企人已經聽黑膠唱片，都應該冇乜點停過到現在，最遺憾嘅一件事早20年前將床下底所有嘅黑膠唱片掉了🤦🏿♂️）
聽歌最緊要最後搵到自己想要嘅、聽得舒服、聽首歌能夠令你有共鳴..比到你有回想..便可以了...真係好難評論！
