金曲獎 最佳國語專輯
台灣金曲獎啱啱舉行完，其實依兩年最佳國語專輯獎都幾搞笑！上年選左一張喺其他機構嘅音樂專輯獎項上連名都無，而且講得難聽係「拉雜成軍」嘅專輯：孫盛希《希遊記》，而放棄左一張喺其他機構都有好成績，音樂性、突破性、完整性同精緻性都極高嘅林憶蓮《0》。
到左今年就索性選一張曲詞都唔使處理的翻唱專輯：王若琳《愛的呼喚》，唔知係咪其他入圍嘅專輯真係差得咁緊要。
依張專輯係翻唱鄧麗君、美空雲雀、翁倩玉歌曲，整張專輯只有七首華語歌，其餘四首係日文歌。最好笑係評審主席講依張專輯好襟聽，其實依啲歌本身已經好襟聽。
其實諗下以後啲音樂人若想表達一種想法或者一種氛圍，可以唔使再作曲及找作詞人，喺咁多年舊歌中搵啲旋律好同主題合適，重新編曲同加上自己的演繹，隨時就入圍最佳專輯，我相信所有音樂人都唔鼓勵這種情況發生。
頁:
[1]