分享Sony X95H用後感
本帖最後由 kingoffatboy 於 2020-9-12 01:49 編輯用咗Sony X95H電視個幾月，部機畫面真係無得頂，雖然無OLED畫面黑位咁細緻，但以LED嚟講，已經收哂貨，同埋粒晶片係用緊Sony 現時嘅旗艦級，所以無得輸。睇Netflix 又可以一鍵登入，屋企兩位老闆最開心，裝app又可以裝黃藍viu。聲音方面，睇電視睇Netflix 劇集完全收哂貨，睇電影就差少少。Netflix mode 我就唔多用，因為畫面會比較暗，所以多數唔用。值得一提就係DV，佢有分明亮同柔和，我個人口味就鍾意明亮，仲有一個mode係逼真化，逼真化會畫面比較明亮光鮮，畫面動態一流，不過機身相對會較熱。睇4k電影，細緻度直逼OLED，但黑位始終受限於LED，所以無法比。仲有電源線可以更換，可以換條啱自己口味嘅電源線。其實一條好嘅hdmi線，都會影響畫面嘅光暗同畫質，不過唔係每個人嘅合味一樣，我個人就喜愛光纖hdmi，只屬個人喜好，希望其他喜愛銅線嘅師兄莫怪。 本帖最後由 kingoffatboy 於 2020-9-12 02:41 編輯
漏咗張電視相，以上圖片都係用五年前嘅iPhone 6拍攝 {:6_128:}{:6_128:}{:6_128:}
師兄用X95H睇d片好靚！正！！ citixman007 發表於 2020-9-12 02:46
師兄用X95H睇d片好靚！正！！
睇電視都唔錯，立體感一流 請問係咪行機先有逼真mode? 樓主可否分享下電源線用邊款?{:1_352:} 最近我使用逼真模式不過光度係20 ，覺得個立體感非常強 ，不過開燈睇較為適合， 同時我喜歡睇返舊陣時嗰啲藍光碟，覺得個畫面完全唔同曬 ，對比實在太 強烈 avgod 發表於 2020-9-12 07:16
請問係咪行機先有逼真mode? 樓主可否分享下電源線用邊款?
行機係逼真化，水機好似叫鮮艷模式。電源線嘅話，我係訂線返嚟自己改 kasunlam@G 發表於 2020-9-12 08:11
最近我使用逼真模式不過光度係20 ，覺得個立體感非常強 ，不過開燈睇較為適合， 同時我喜歡睇返舊陣時嗰啲 ...
我同師兄一樣都係開燈睇，最主要係家中有小朋友，燈光要充足。因為受惠於細X1 ultimate ，睇藍光電影時，畫面會更細緻，立體感更強。 始終覺得Sony 睇電視劇集，人物膚色偏红。 師兄可否分享下設定🙏